Καλά Ισί το Αμαλά κο Ίντερνετ;

Ο λατσσό αμάλ ισί «οντουβά σο σικαβέλα αφοσιωμέ μανγκιπέ ή εκτίμηση εκχέ γιαβερέ τζενέσκε». Για παράδειγμας, κάνα ο Δαβίδ μουνταρντάς ι Γολιαθίς, ο Ιωνάθαν ντα ο Δαβίδ αβιλέ μπουτ λατσσέ αμαλά. (1Σα 18:1) Ο κάθε εκ λένταρ σικαβέλας λατσσίματα σο κερένας-λεν τι μανγκέν ο εκ ι γιαβερές. Οτθάρ, για τι κεράς ζουρανέ φιλίες πρέπει τι τζανάς λατσσές αμαρέ αμαλέν. Για τι σικλιός εκχέ τζενές, ο πο μπουτ φαρ πρέπει τι ντες τι σαατίσταρ ντα τι ζοριάταρ. Όμως, κο κοινωνικά δίκτυα, εκ τζενό μπορίνελα τι αβέλ το «αμάλ» άμα κα ισταβέλ σάντε εκ κουμπίς. Ο τζενέ μπορίνενα τι τραμπίνεν λατσσές σο κα βακερέν κο Ίντερνετ ντα τι επηρεάνεν ο τρόπος σο ντικχένα-λεν ο γιαβερά. Οτθάρ, νανέ πφαρό λένγκε τι γκεραβέν σο τζενέ ισί μπαγιά. Οντουλέσκε, ισί λατσσό τι τραμπίνες γκοντιάσαρ σο αμαλέν κερέσα κο Ίντερνετ. Μα τι σακιντίνες τι κερές πέρα ή μα τι δεχτίνες τζενέν σο να τζανέσα ντα μανγκένα τι αβέν τούσαρ αμαλά επειδή νταρέσα ότι κα πφανγκές λένγκο γκι. Ιτιρί κατά κίνδυνοι σο μπέκιμ τι αβέν-πες, μερικά τζενέ τραμπιντέ μα τι χρησιμοποιήνεν ιτς ο κοινωνικά δίκτυα. Όμως, άμα τούι τραμπιντάν τι τθερές, σο πρέπει τι ντες-τουτ γκοντί;

ΝΤΙΚΧΕΝ Ο ΒΙΝΤΕΟΣ ΧΡΗΣΙΜΟΠΟΙΗΝΕΣΑ ΓΚΟΝΤΙΑΣΑΡ Ο ΚΟΙΝΩΝΙΚΑ ΔΙΚΤΥΑ; ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Σο πρέπει τι τθερές τι γκοντιάτε πριν τι βάντες λάφια ντα φωτογραφίες;

• 

  Σόσκε πρέπει τι τραμπίνες λατσσές τι αμαλέν κο Ίντερνετ;

• 

  Σόσκε πρέπει τι τσσουβές όρια κο σαάτι σο ντέσα κο κοινωνικά δίκτυα;​—Εφ 5:​15, 16