Μπιαβ​—Ατσσόλα για Πάντα

Ο μπιαβ σο τζάλα λατσσές ανέλα δόξα κο Ιεχωβά ντα χαρά κο αντρόγυνος. (Μαρ 10:9) Για τι τθερέν ο Χριστιανοί εκ ευτυχισμέ μπιαβ σο κα ατσσόλ, πρέπει τι ρόντεν ο αρχές ι Γραφιάκε για τι τραμπίνεν κάσαρ κα παντρίνεν.

Μα κερέν στενή γνωριμία άμα ισινέν “μπουτ τερνέ” σόσκε αζομάν ο αισθήματα ισί μπουτ ζουρανέ ντα μπέκιμ τι κοριαρέν-τουμέν ντα αντικάς μα τι τραμπίνεν γκοντιάσαρ. (1Κο 7:​36) Ισί λατσσό τι χρησιμοποιήνεν ο μπρεσά σο ισινέν μπίπαντριμε για τι κερέν πο ζουρανί τουμαρί φιλία ι Ντεβλέσαρ ντα τι μπαριαρέν λατσσίματα σο κερένα Λέσκο γκι. Αντικάς, κάνα κα παντρίνεν κα μπορίνεν τι κερέν ατζέ πο μπουτ πράγματα για τι τθερέν εκ ευτυχισμέ μπιαβ.

Πριν τι λεν ι απόφαση τι παντρίνεν εκχέ τζενέσαρ, μουκχέν καζόμ σαάτι χρειαζίντιβελα για τι σικλιόν μπαγιά σο “ισί αντρέ πι γκίστε”. (1Πε 3:4) Άμα αγαβένα ότι να ισινέν σίγουροι σημαντικέ πραγματένγκε, κερέν λάφι ανταλένγκε ι τζενέσαρ σο μανγκένα τι παντρίνεν. Σαρ ισί λατσσό τι κερέν σαρέ ι τζενέντζαρ, αντικάς κο μπιαβ-ντα πρέπει τι ντικχέν πο μπουτ σο μπορίνενα τι ντεν ντα όχι σο μπορίνενα τι λεν. (Φλπ 2:3, 4) Άμα κερένα ο αρχές ι Γραφιάκε πριν τι παντρίνεν, κα τσσουβέν εκ ζουρανό θεμέλιος για τι τθερέν εκ ευτυχισμέ μπιαβ.

ΝΤΙΚΧΕΝ Ο ΒΙΝΤΕΟΣ ΠΡΟΕΤΟΙΜΑΝΤΙΒΕΝ Ι ΜΠΙΑΒΕΣΚΕ​—ΜΕΡΟΣ 3: “ΜΠΕΣΕΝ ΝΤΑ ΣΚΕΦΤΙΝΕΝ” ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σο αβιλό-πες κι σχέση σο τθερέλας η πφεν ι Σεϊνίσαρ;

• Σο ντικχλάς καζόμ σικλιόλας-λες πο λατσσές;

• Σαρ βοηθιντέ-λα λάκο ντατ ντα λάκι ντάι, ντα καγιά γκοντιαβέρ απόφαση λιντάς;