ΣΑΡ ΤΙ ΤΖΟΥΒΝΤΙΑΣ ΣΑΡ ΧΡΙΣΤΙΑΝΟΙ
Σικλιόν Σαρ Σκεφτίνελα ο Ντεβέλ
Μανγκάσα τι αβέλ ο γκι ι Ιεχωβάσκο σαρέ οντουλέντζαρ σο κεράσα. (Παρ 27:11) Για τι αβέλ-πες ανταβά, χρειαζίντιβελα τι λας αποφάσεις σο ταιριάνενα οντουλέντζαρ σο σκεφτίνελα ατζέ-ντα κάνα νανέ εκ συγκεκριμέ νόμος για τι σικαβέλ αμένγκε σο τι κεράς. Σο κα βοηθίνελ-αμέν τι κεράς-λες ανταβά;
Τθερέν πρόγραμμας για τι σικλιαρέν-τουμέν συνέχεια κατά Γραφή. Κάθε φαρ σο διαβάνασα ι Γραφή, ισί σαρ τι νακχάσα χρόνος ι Ιεχωβάσαρ. Σικλιάσα σαρ σκεφτίνελα ο Ιεχωβά κάνα ντάσα σημασία σαρ συμπεριφερίντιβελα πι λαόσκε ντα κάνα ντικχάσα ο παράδειγμας οντουλένγκο σο κερντέ λατσσέ ή μπέτι πράγματα λέσκε γιακχίντε. Κάνα χρειαζίντιβελα τι λας εκ απόφαση, ο άγιος πνεύμας μπορίνελα τι ανέλ αμαρέ γκοντιάτε σημαντικά πράγματα ντα αρχές σο σικλιλάμ κατά Λάφι ι Ντεβλέσκο.—Ιωα 14:26.
Ρόντεν. Κάνα τθερένα τι λεν εκ απόφαση, σκεφτίνεν: “Καλά εδάφια ή ιστορίες κατά Γραφή μπορίνενα τι βοηθίνεν-μαν τι αγαβάβ σαρ νιωθίνελα ο Ιεχωβά ανταλέ πραγμάσκε;” Προσευχίντιβεν ι Ιεχωβάσκε βοηθειάκε ντα χρησιμοποιήνεν ο εργαλεία ι ροντιμάσκε σο ισί τουμαρέ τσσιμπάτε για τι αρακχέν ντα τι κερέν αρχές ι Γραφιάκε σο κα βοηθίνεν-τουμέν.—Ψλ 25:4.
ΝΤΙΚΧΕΝ Ο ΒΙΝΤΕΟΣ ΠΡΕΠΕΙ ΤΙ «ΤΘΑΒΝΤΑΣ ΜΕ ΥΠΟΜΟΝΗ»—ΧΑΝ ΛΑΤΣΣΟ ΧΑΜΠΕ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:
Σαρ ντικχλάμ κο βίντεος, σο δυσκολίες τθερέλας η τερνί πφεν;
Σαρ κα μπορίνενας τι βοηθίντιβεν κατά εργαλεία ι ροντιμάσκε άμα νακχένα ασακέ δυσκολίες;
Σαρ βοηθίντιβασα τι λας λατσσέ αποφάσεις κάνα ντάσα αμαρέ σαατίσταρ για τι ρόντας ντα τι σικλιαράς-αμέν κατά Γραφή;—Εβρ 5:13, 14