Εκχέ Ασαμάσταρ!

ΝΤΟΥΙ τερνέ τζουβλιά πφιρένας κι πόλη Μπάγκιο, κο Φιλιππίνες. Ντικχλέ εκ σταντ αλλά να γκιλέ πασέ. Η Έλεν, η πφεν σο ισινέ κο σταντ, ασάντιλι λένγκε. Ο τζουβλιά συνεχιντέ πουμαρό ντρομ, αλλά κερντάς λένγκε εντύπωση ο ασαπέ ι Ελενάκο.

Σοράν, καζόμ βουρτίνενας κχερέ με το λεωφορείος, ντικχλέ σε εκ Αίθουσα Βασιλείας μπαρέ γραμματέντζαρ ο jw.org. Ντινέ-πες γκοντί ότι ισινέ ο ίδια γράμματα σο ντικχλέας πιο τζανγκλέ κο σταντ. Γουλίστιλε ο ντούι-ντα κατά λεωφορείος ντα γκιλέ κι Αίθουσα Βασιλείας. Οτθέ, ντικχλέ εκ πρόγραμμας σο βακερέλας κάνα τθερένας συνάθροιση ο κχανγκιριά.

Ο ντούι τζουβλιά γκιλέ σε εκ κατά συνάθροιση σο ισινέ κο πρόγραμμας. Ντα κας ντικχλέ κάνα τσσουντέ-πες αντρέ κι Αίθουσα Βασιλείας; Ι Ελενά! Αβιλί αμέσως λένγκε γκοντιάτε. Ισινέ οντιά σο ασάντιλιας λένγκε. «Κάνα αβιλέ πασέ μάντε», βακερέλα η Έλεν, «νταρασάλομ χάνικα. Αμντισάλομ ότι κερντόμας κάτι κακός». Αλλά ο τζουβλιά βακερντέ λάκε σο αβιλόας-πες.

Ο ντούι-ντα μπεϊντιντέ εμ ι συνάθροιση εμ ι παρέα. Νιωσάλε σαρ τι αβένας πουμαρέ κχερέστε. Κάνα ντικχλέ μερικέ πφραλέν τι καθαρίνεν ι αίθουσα σοράν κατά συνάθροιση, πουτσλέ άμα μπορίνενας βον-ντα τι βοηθίνεν. Εκ οντουλέ τζουβλίνταρ νασλί ακανά οντουλέ τθεμέσταρ, αλλά η γιαβέρ αρχισάλι τι τζαλ κο συναθροίσεις ντα τι κερέλ μελέτη​—εκχέ ασαμάσταρ!