Σαρ Μανγκέλα ο Ιεχωβά τι Συμπεριφερίντιβελ η Κχανγκιρί Εκχέ Τζενέσκε σο Κερντάς εκ Σοβαρή Αμαρτία

1. Σο μανγκέλα ο Ιεχωβά σαρέ ι τζενένγκε;

ΚΑΝΑ δημιουργιντάς ο Ιεχωβά ι τζενέν, ντινάς-λεν ι ελευθερία τι τραμπίνεν σο κα κερέν. Χρησιμοποιήνασα ανταβά δώρος μπουτ φορές για τι λας αποφάσεις. Η πο σημαντική απόφαση σο μπορίνελα τι λελ εκ τζενό ισί η απόφαση τι τραμπίνελ τι αφιερώνελ πο νεαυτός κο Ιεχωβά ντα τι ντελ-λες λατρεία γιεκ πι πφραλέντζαρ ντα πι πφενίντζαρ. Ο Ιεχωβά μανγκέλα σαρέ ο τζενέ τι κερέν-λες ανταβά. Σόσκε; Επειδή τθερέλα αγάπη ι τζενένγκε ντα μανγκέλα ο πο λατσσό λένγκε. Μανγκέλα βον τι απολαμβάνεν εκ λατσσί φιλία λέσαρ ντα τι τζουβντιόν για πάντα.​—Δευτ. 30:​19, 20· Γαλ. 6:7, 8.

2. Σαρ νιωθίνελα ο Ιεχωβά οντουλένγκε σο κερντέ εκ σοβαρή αμαρτία ντα να μετανιωσάλε ατζέκ; (1 Ιωάννη 2:1)

² Όμως, ο Ιεχωβά να πιένελα καεκχές τι υπηρετίνελ-λες. Μουκχέλα ι κάθε εκχές τι αποφασίνελ σο κα κερέλ. Σο κα αβέλ-πες άμα εκ μπολντό χριστιανός κα κερέλ εκ σοβαρή αμαρτία; Άμα να κα μετανιώνελ, πρέπει τι ατσσικιαρέν-λες ντουρ κατά κχανγκιρί. (1 Κορ. 5:​13) Όμως, ατζέ-ντα άμα αβιλό-πες ανταβά, ο Ιεχωβά μανγκέλα μπουτ ανταβά τζενό τι μετανιώνελ ντα τι τθερέλ πάλι εκ λατσσί φιλία λέσαρ. Κι πραγματικότητα, εκ σημαντικός λόγος σο ο Ιεχωβά ντινάς ο λύτρος ισί για τι μπορίνελ τι συγχωρίνελ οντουλέν σο μετανιώνενα πουμαρέ αμαρτιένγκε. (Διαβάνεν 1 Ιωάννη 2:1) Αμαρό λατσσό Ντεβέλ σο μανγκέλα-αμέν μπουτ, βοηθίνελα οντουλέν σο κερένα εκ σοβαρή αμαρτία τι μετανιώνεν.​—Ζαχ. 1:3· Ρωμ. 2:4· Ιακ. 4:8.

3. Σο κα σικλιάς κο μάθημας ανταβά;

³ Ο Ιεχωβά βακερέλα αμένγκε σαρ νιωθίνελα για την αμαρτία ντα οντουλένγκε σο κερένα εκ σοβαρή αμαρτία, ντα μανγκέλα αμέν-ντα τι νιωθίνας αντικάς. Κο μάθημας ανταβά, κα σικλιάς σο βακερντάς ο Παύλος κι κχανγκιρί κι Κόρινθος τι κερέλ κάνα εκ πφραλ κερντάς εκ σοβαρή αμαρτία. Σοράν κα σικλιάς σο βακερντάς ο Παύλος κι κχανγκιρί τι κερέλ κάνα ανταβά μουρς μετανιωσάλο. Ντα κο τέλος κα σικλιάς σαρ ο Ιεχωβά νιωθίνελα οντουλένγκε σο κερένα εκ σοβαρή αμαρτία.

ΣΟ ΚΕΡΝΤΑΣ Η ΚΧΑΝΓΚΙΡΙ ΚΑΝΑ ΕΚ ΠΦΡΑΛ ΚΕΡΝΤΑΣ ΕΚ ΣΟΒΑΡΗ ΑΜΑΡΤΙΑ

4. Σο αβιλό-πες κι κχανγκιρί κι Κόρινθος; (1 Κορινθίους 5:1, 2)

⁴ Διαβάνεν 1 Κορινθίους 5:1, 2. Κάνα ο Παύλος κερέλας πο τρίτος ιεραποστολικός ταξίδι, λιντάς αμπέρι ότι αβιλό-πες κάτι μπουτ μπέτι κι κχανγκιρί κι Κόρινθος. Εκ πφραλ κι κχανγκιρί κερέλας λουμνιπέ πι νταντέσκε ρομνιάσαρ. Ατζέ-ντα ο τζενέ σο να ντένας λατρεία ι Ντεβλές τζανένας ότι ανταβά ισινέ μπουτ μπέτι! Η κχανγκιρί, όχι σάντε δεχτίνελας ανταβά σο κερέλας, αλλά ισαρέλας-πες ντα ανταλέσκε. Μερικοί μπορεί τι σκεφτίνενας ότι αντικάς σικαβένας καζόμ συγχωρίνελα ντα αγαβέλα ο Ντεβέλ ι ατελείς τζενέν. Όμως, ο Ιεχωβά να δεχτίνελα ιτς τι αβέν-πες ασακέ πράγματα αντρέ πι λαόστε. Ανταλέ μπίλατζανε πραγμάσαρ, ανταβά τζενό κερντάς σίγουρα ζιάνι κο λατσσό ναβ σο τθερέλας η κχανγκιρί. Επίσης, κα μπορίνελας τι επηρεάνελ ι γιαβερέ Χριστιανόν σο κερένας λέσαρ παρέα. Σο οδηγίες ντινάς ο Παύλος κι κχανγκιρί ανταλέσκε;

5. Σο βακερντάς ο Παύλος κι κχανγκιρί τι κερέλ, ντα σο μανγκέλας τι βακερέλ ανταβά; (1 Κορινθίους 5:​13) (Ντικχέν ι φωτογραφία-ντα)

⁵ Διαβάνεν 1 Κορινθίους 5:​13. Ο Παύλος, ι Ντεβλέσκε πνευμάσαρ, γραφιντάς εκ γράμμας κι κχανγκιρί ντα εξηγιντάς ότι έπρεπε τι ατσσικιαρέν ντουρ κατά κχανγκιρί ι αμαρτωλέ τζενές σο να μετανιώνελας. Σαρ έπρεπε ο πιστοί Χριστιανοί τι συμπεριφερίντιβεν λέσκε; Ο Παύλος βακερντάς λένγκε «τι τσσιναβέν τι κερέν [λέσαρ] παρέα». Σο μανγκέλας τι βακερέλ ανταβά; Ο Παύλος εξηγιντάς ότι “δεν έπρεπε ούτε τι χαν εκχέ ασακέ τζενέσαρ”. (1 Κορ. 5:​11) Κάνα χάσα εκχέ τζενέσαρ, νακχέσα χρόνος λέσαρ ντα κερέσα λέσαρ λάφι. Ανταβά μπορεί τι κερέλ-τουτ τι αρχίνες τι νακχές ατζέ πο μπουτ χρόνος λέσαρ. Άρα, ο Παύλος βακερντάς ξεκάθαρα ότι δεν έπρεπε τι κερέν παρέα ανταλέ μουρσέσαρ. Αντικάς να κα επηρεάνελας-λεν ανταβά τζενό ντα η κχανγκιρί κα ατσσόλας αρακχαντί. (1 Κορ. 5:​5⁠-7) Επίσης, ανταβά μπορεί τι βοηθίνελας ι μουρσές τι αγαβέλ καζόμ μπουτ πληγωντάς ι Ιεχωβάς, τι λατζάλ, ντα ανταβά τι τσσίντελ-λες τι μετανιώνελ.

6. Σο κερντάς η κχανγκιρί κάνα λιντάς ο γράμμας ι Παυλόσκο ντα, σοράν ανταλέσταρ, σο κερντάς ο μουρς;

⁶ Αφού ο Παύλος μπουτσσαντάς πο γράμμας κο Χριστιανοί κι Κόρινθος, αρχισάλο τι σκεφτίνελ σο κα κερένας ανταλέσκε. Ο Τίτος βακερντάς κο Παύλος κάποια πράγματα σο αντέ λέσκε μπαρί χαρά. Η κχανγκιρί ακολουθιντάας ο οδηγίες σο ντινάας-λα ο Παύλος ντα ατσσικιαρντάς ντουρ ι αμαρτωλέ τζενές. (2 Κορ. 7:6, 7) Επίσης, αφού νακχλέ κάποια μασεκά από αζομάν σο μπουτσσαντάας ο Παύλος ο πρώτος γράμμας, ο μουρς μετανιωσάλο! Αλλαντάας πι συμπεριφορά ντα ο τρόπος σο ντικχέλας ο πράγματα ντα αρχισάλο τι κερέλ ο νόμοι ι Ντεβλέσκε. (2 Κορ. 7:​8⁠-11) Καλά οδηγίες κα ντέλας ακανά ο Παύλος κι κχανγκιρί ανταλέσκε;

ΣΑΡ ΕΠΡΕΠΕ ΤΙ ΣΥΜΠΕΡΙΦΕΡΙΝΤΙΒΕΛ Η ΚΧΑΝΓΚΙΡΙ ΚΟ ΑΜΑΡΤΩΛΟΣ ΤΖΕΝΟ ΚΑΝΑ ΜΕΤΑΝΙΩΣΑΛΟ

7. Σο κερντάς ο μουρς κάνα ατσσικιαρντέ-λες ντουρ κατά κχανγκιρί; (2 Κορινθίους 2:​5⁠-8)

⁷ Διαβάνεν 2 Κορινθίους 2:​5⁠-8. Ο Παύλος βακερντάς: «Η διόρθωση σο ντινέν ανταλέ τζενέστε ο πο μπουτ τουμένταρ ερεσέλα». Ανταβά μανγκέλας τι βακερέλ ότι, αφού ατσσικιαρντέ ι αμαρτωλέ τζενές ντουρ κατά κχανγκιρί, βοβ αγαντάς ότι χρειαζίντιβελα τι μετανιώνελ. Ντα επειδή μετανιωσάλο, να χρειαζίντιβελας τι συνεχίνεν τι διορθώνεν-λες.​—Εβρ. 12:11.

8. Σο γιαβέρ βακερντάς ο Παύλος τι κερέλ η κχανγκιρί;

⁸ Ο Παύλος βακερντάς κι κχανγκιρί τι “συγχωρίνελ λατσσιμάσαρ ντα τι κοβλιαρέλ ι ντουκχ” ι πφραλέσκι σο αμαρτιντάας ντα τι “σικαβέλ λέσκε αντράλ πι γκίσταρ ότι μανγκέλα-λες”. Προσοχίνεν ότι ο Παύλος να μανγκλάς κατά κχανγκιρί σάντε τι μουκχέλ-λες τι αβέλ παλάλ κο λαός κι Ντεβλέσκο. Μανγκλάς λένταρ επίσης τι σικαβέν κο μετανιωμέ μουρς αντράλ οντουλένταρ σο βακερένας ντα κερένας ότι μπαγιά συγχωριντέ-λες ντα μανγκένα-λες. Αντικάς ανταβά μουρς κα νιωθίνελας σίγουρος ότι βον ισινέ χαρούμενοι σο βουρτισάλο κι κχανγκιρί.

9. Σόσκε μπορεί τι αβέλας δύσκολος μερικέ πφραλένγκε τι συγχωρίνεν ι πφραλές σο μετανιωσάλοας;

⁹ Μπορεί τι ισινέ δύσκολος για μερικούς τι σικαβέν ι μουρσέσκε λατσσιπέ κάνα βουρτισάλο παλάλ κι κχανγκιρί. Η Αγία Γραφή να βακερέλα αμένγκε ανταλέσκε αλλά μπορεί τι αβιλό-πες ανταβά. Μερικοί μπορεί τι ισινέ ατζέ χολιαμέ επειδή αντάας προβλήματα κι κχανγκιρί. Γιαβερά μπορεί τι νιωθίνενας ατζέ στεναχώρια επειδή πληγωντάας-λεν προσωπικά. Οντουλά πφραλά μαρένας-πες μπουτ τι ντεν καν κο εντολές κι Ιεχωβάσκε. Οτθάρ μπορεί τι νιωθίνενας ότι να ισινέ δίκαιος σο ανταβά τζενό σο κερντάας αζόμ μπαρί αμαρτία μπορίνελα τι βουρτίνελ κι κχανγκιρί. (Ντικχέν Λουκάς 15:​28⁠-30) Όμως σόσκε ισινέ αζόμ σημαντικός η κχανγκιρί τι σικαβέλ αληθινή αγάπη πουμαρέ πφραλέσκε σο μετανιωσάλοας;

10, 11. Σο κα μπορίνελας τι αβέλ-πες άμα ο πρεσβύτεροι να κα μανγκένας τι συγχωρίνεν ι αμαρτωλέ πφραλές σο μετανιωσάλοας;

¹⁰ Σαρ μπορεί τι νιωθίνελας ο μουρς άμα ο πρεσβύτεροι να κα μουκχένας-λες τι βουρτίνελ παλάλ κι κχανγκιρί κάνα μετανιωσάλο; Ή σαρ μπορεί τι νιωθίνελας άμα κάνα κα βουρτίνελας παλάλ ο πφραλά ντα ο πφενιά να κα σικαβένας λέσκε αγάπη. Μπορεί τι «χάλας-λες η μπαρί στεναχώρια» σο τθερέλας. Μπορεί τι πακιάλας ότι να κα μπορίνελας ποτές τι ξαναβουρτίνελ κι κχανγκιρί. Μπορεί ατζέ-ντα τι σταματίνελας ο προσπάθειες για τι λατσσαρέλ πι φιλία ι Ιεχωβάσαρ.

¹¹ Σο γιαβέρ κα μπορίνελας τι αβέλ-πες άμα ο πφραλά ντα ο πφενιά να κα μανγκένας τι συγχωρίνεν ι αμαρτωλέ πφραλές σο μετανιωσάλοας; Κα μπορίνενας τι κερέν μπαρό ζιάνι κι φιλία σο τθερένας ι Ιεχωβάσαρ. Σόσκε; Επειδή να κα μοιάζενας κο Ιεχωβά σο συγχωρίνελα ι αμαρτωλέ τζενέν σο μετανιώνενα. Αλλά κα μοιάζενας κο Σατανάς σο ισί σουκέ γκίσκο ντα να τζιτζίνελα ι γιαβερένγκε. Αντικάς κα μπορίνενας τι αβέν εργαλείος κο βαστά κι Μπενγκέσκε σο κα χρησιμοποιήνελας-λες για τι καταστραφίνελ πνευματικά ανταλέ μουρσές.​—2 Κορ. 2:​10, 11· Εφεσ. 4:27.

12. Σαρ κα μπορίνελας η κχανγκιρί τι μοιάζελ κο Ιεχωβά;

¹² Άρα σαρ κα μπορίνελας η κχανγκιρί κι Κόρινθος τι μοιάζελ κο Ιεχωβά ντα όχι κο Σατανάς; Κα αβέλας-πες ανταβά άμα κα συμπεριφερίντιβενας αντικάς σαρ συμπεριφερίντιβελα ο Ιεχωβά οντουλένγκε σο μετανιώνενα πουμαρέ αμαρτιένγκε. Προσοχίνεν σο βακερντέ ι Ιεχωβάσκε μερικά τζενέ σο γραφιντέ κι Γραφή. «Ισινάν λατσσό ντα έτοιμος τι συγχωρίνες», βακερντάς ο Δαβίδ. (Ψαλμ. 86:5) Ο Μιχαίας γραφιντάς: «Καβά Ντεβέλ ισί σαρ τούτε, σο συγχωρίνελα ντα τραμπίνελα μα τι ντικχέλ ο λάθη;» (Μιχ. 7:​18) Ο Ησαΐας βακερντάς: «Τι μουκχέλ ο πφιρνό πο ντρομ ντα ο γκεραλό τζενό πο σκέψεις· ντα τι βουρτίνελ κο Ιεχωβά, σο κα τζιτζίνελ λέσκε, αμαρέ Ντεβλέστε, επειδή βοβ κα συγχωρίνελ μπουτ».​—Ησ. 55:7.

13. Σόσκε ισινέ σωστός τι δεχτίνεν ι μετανιωμέ τζενές παλάλ κι κχανγκιρί; (Ντικχέν ο πλαίσιος «Κάνα Δεχτιντέ Παλάλ κι Κχανγκιρί ι Τζενές κι Κόρινθος;»)

¹³ Για τι μοιάζελ κο Ιεχωβά, η κχανγκιρί κι Κόρινθος έπρεπε τι καλωσορίνελ ι μετανιωμέ μουρσές παλάλ ντα τι σικαβέλ λέσκε καζόμ μπουτ μανγκέλα-λες. Ο Παύλος βακερντάς ότι άμα κα συγχωρίνενας ι μετανιωμέ μουρσές κα σικαβένας ότι «ντένας καν σαρέ κο πράγματα». (2 Κορ. 2:9) Παρόλο σο ατσσικιαρντέ ι μουρσές χάνικ μασεκά ντουρ κατά κχανγκιρί, η διόρθωση ανταγιά πετυχιντάς πο σκοπός σόσκε βοβ μετανιωσάλο. Άρα να χρειαζίντιβελας τι μουκχέν τι νακχέλ γιαβέρ-ντα χρόνος για τι δεχτίνεν-λες παλάλ κι κχανγκιρί.

ΣΑΡ ΜΠΟΡΙΝΑΣΑ ΤΙ ΣΙΚΑΒΑΣ Ι ΔΙΚΑΙΟΣΥΝΗ ΝΤΑ Ι ΣΥΓΧΩΡΗΤΙΚΟΤΗΤΑ Ι ΙΕΧΩΒΑΣΚΙ

14, 15. Σο σικλιάσα οντουλέσταρ σο αβιλό-πες κι Κόρινθος; (2 Πέτρου 3:9) (Ντικχέν ι φωτογραφία-ντα)

¹⁴ Ο τρόπος σο συμπεριφερισάλι η κχανγκιρί κι Κόρινθος ανταλέ τζενέστε, γραφίντιλο κι Γραφή «αμαρέ σικλιαριμάσκε». (Ρωμ. 15:4) Ανταλέ ιστοριάταρ, σικλιάσα ότι ο Ιεχωβά να δεχτίνελα τι ατσσόν αντρέ κι κχανγκιρί οντουλά σο κερένα εκ σοβαρή αμαρτία ντα να μετανιώνενα. Μερικοί σκεφτίνενα ότι επειδή ό Ιεχωβά συγχωρίνελα κα μουκχέλας εκχέ τζενές σο να μετανιωσάλο τι ατσσόλ κι κχανγκιρί. Αλλά ανταβά νανέ ο τρόπος ι Ιεχωβάσκο. Παρόλο σο ο Ιεχωβά συγχωρίνελα, να πφάντελα πο γιακχά κι αμαρτία ούτε αλλάνελα ο τρόπος σο ντικχέλα ο σωστός ντα ο λάθος. (Ιούδα 4) Άμα ο Ιεχωβά κα μουκχέλας εκχέ αμαρτωλέ τζενές σο να μετανιώνελα τι ατσσόλ κι κχανγκιρί, ανταβά να κα σικαβέλας αγάπη επειδή η κχανγκιρί κα μπορίνελας τι παθίνελ ζιάνι.​—Παρ. 13:​20· 1 Κορ. 15:33.

¹⁵ Σικλιάσα όμως ότι ο Ιεχωβά να μανγκέλα τι καταστραφίντιβελ καέκ τζενό. Μανγκέλα τι σώνελ ι τζενέν, κάνα αβέλα-πες ανταβά. Συγχωρίνελα ι τζενέν σο αλλαντέ πουμαρό τρόπος σκέψης ντα οντουλά σο κερένα ντα μανγκένα τι αβέν λέσαρ πάλι φίλοι. (Ιεζ. 33:​11· διαβάνεν 2 Πέτρου 3:9) Οτθάρ, κάνα ο μουρς κι Κόρινθος μετανιωσάλο ντα αλλαντάς πι συμπεριφορά, ο Ιεχωβά χρησιμοποιηντάς ι Παυλός για τι εξηγίνελ κι κχανγκιρί ότι έπρεπε τι συγχωρίνεν ι μουρσές ντα τι δεχτίνεν-λες παλάλ.

16. Σαρ νιωθίνενα ι Ιεχωβάσκε σοράν ανταλένταρ σο σικλιλέν ότι αβιλέ-πες κι Κόρινθος;

¹⁶ Οντουλένταρ σο αβιλέ-πες κι Κόρινθος σικλιάσα ότι ο Ιεχωβά μανγκέλα-αμέν ντα ισί δίκαιος. Επίσης ντικχάσα ο τρόπος σο κρίνελα βοβ. (Ψαλμ. 33:5) Ακανά σαρ νιωθίνενα; Να μανγκένα τι ντεν ατζέ πο μπουτ δόξα κο Ντεβέλ; Μα τι μπιστράς ότι ο κάθε εκ αμένταρ ισί αμαρτωλός ντα χρειαζίντιβελα τι συγχωρίνελ-αμέν ο Ντεβέλ. Ισινάμ πφερντέ εκτίμηση ι Ιεχωβάσκε σο ντινάς ο λύτρος ντα αντικάς μπορίνελα τι συγχωρίνελ αμαρέ αμαρτίες. Καζόμ μπουτ λοκχιόλα αμαρό γκι σο τζανάσα ότι ο Ιεχωβά τθερέλα μπαρί αγάπη πι λαόσκε ντα μανγκέλα ο πο λατσσό λένγκε!

17. Σο κα ντικχάς κο γιαβερά μαθήματα;

¹⁷ Σο κεράσα αντιβές κάνα εκ τζενό κερέλα εκ σοβαρή αμαρτία; Σαρ μπορίνενα ο πρεσβύτεροι τι σικαβέν ι αγάπη ι Ιεχωβάσκι ντα τι βοηθίνεν ι τζενές τι μετανιώνελ; Σο πρέπει τι κερέν ο πφραλά κι κχανγκιρί κάνα ο πρεσβύτεροι αποφασίνενα τι ατσσικιαρέν ντουρ ή τι δεχτίνεν παλάλ κι κχανγκιρί εκχέ τζενές; Ανταλά ερωτήσεις κα ντικχάς-λεν κο γιαβερά μαθήματα.