Σικλιόν Κατά Φωτογραφίες

Αμαρέ έντυπα τθερένα μπουτ φωτογραφίες σο σικλιαρένα-αμέν σημαντικά πράγματα. Σαρ μπορίνενα τι βοηθίντιβεν καζόμ πο μπουτ αβέλα-πες κατά φωτογραφίες ανταλά;

• Ντεν προσοχή κο φωτογραφίες πριν τι διαβάνεν ο μάθημας. Ο φωτογραφίες μπορεί τι πουτρέν τουμαρί όρεξη τι διαβάνεν σαρό ο μάθημας. Ισί σαρ τι τθερένα εκ σουκάρ χαμπέ κο τσαρό. Κάνα ντικχένα-λες, πουτάρντιβελα τουμαρί όρεξη τι δοκιμάνεν-λες. Οτθάρ πριν τι διαβάνεν ο μάθημας πουτσέν-τουμέν: “Σο ντικχάβα κο φωτογραφίες;”​—Αμώς 7:7, 8.

• Καζόμ διαβάνενα ο μάθημας, σκεφτίνεν σόσκε τραμπίντιλε ανταλά φωτογραφίες. Διαβάνεν ο λάφια σο ισί κι κάθε φωτογραφία, άμα υπαρχίντιβενα. Σκεφτίνεν σο σχέση τθερέλα η φωτογραφία με την παράγραφο ντα σαρ μπορίνενα τι κερέν τουμαρέ ζωγιάτε κάτι σο σικλιλέν κατά φωτογραφία.

• Αφού κα διαβάνεν ο μάθημας, ντικχέν πάλι ο φωτογραφίες για τι ανέν τουμαρέ γκοντιάτε ο σημαντικά πράγματα σο σικλιλέν κατά μάθημας. Σοράν πφάντεν τουμαρέ γιακχά ντα προσπαθίνεν τι ντεν-τουμέν γκοντί ο φωτογραφίες ντα οντουλά σο σικλιλέν λένταρ.

• Ντικχέν πάλι ο φωτογραφίες σο τθερέλα ανταβά περιοδικός ντα ντικχέν άμα ντένα-τουμέν γκοντί ο σημεία σο σικλιλέν.