Τι Ετοιμάνεν Τουμαρό Γκι

Κάνα σικλιαράσα-αμέν κατά Αγία Γραφή, μανγκάσα ο σκέψεις ι Ιεχωβάσκε τι επηρεάνεν οντουλά σο σκεφτίνασα, οντουλά σο νιωθίνασα ντα οντουλά σο μανγκάσα. Ο Έσδρας ισινέ μπουτ λατσσό παράδειγμας οπράλ ανταλέστε επειδή «ετοιμαντάας πο γκι για τι ρόντελ συμβουλές κο Νόμος κι Ιεχωβάσκο». (Έσδρ. 7:10) Σαρ μπορίνασα τι ετοιμάνας αμαρό γκι;

Κερέν προσευχή. Κάθε φαρ, τι αρχίνεν τουμαρί μελέτη με προσευχή. Μανγκέν κατά Ιεχωβά τι βοηθίνελ-τουμέν τι αγαβέν ντα τι κερέν οντουλά σο κα σικλιόν.​—Ψαλμ. 119:18, 34.

Τι αβέν ταπεινοί. Ο Ντεβέλ γκεραβέλα ι αλήθεια οντουλένταρ σο ισί μπαρικανέ ντα πακιάνα ότι να χρειαζίντιβενα λέσκι βοήθεια για τι αγαβέν ι Γραφή. (Λουκ. 10:21) Μα κερέν έρευνα για τι σικαβέν-τουμέν κο γιαβερά. Τι αβέν ταπεινοί ντα τι αλλάνεν ο τρόπος σο σκεφτίνενα κάνα αγαβένα ότι να συμφωνίνελα ι τροπόσαρ σο σκεφτίνελα ο Ντεβέλ.

Δοκιμάνεν τι ασουνέν εκ ύμνος. Η μουσική μπορίνελα τι επηρεάνελ αμαρέ συναισθήματα ντα τι ετοιμάνελ-αμέν για τι ντας λατρεία κο Ιεχωβά. Κάνα ασουνένα εκ ύμνος πριν τι αρχίνεν τουμαρί μελέτη, μπέκιμ ανταβά τι βοηθίνελ-τουμέν τι ετοιμάνεν τουμαρό γκι.