Τζανένας-λες;
Μπορίνασα τι πακιάς ότι κο πουρανέ μπρεσά κάποιος κα τσσουβέλας ζιζάνια εκχέ χωραφίστε σο ισινέ γιαβερέ τζενέσκο;
Ανταβά βιβλίος, σο ισί κατά 1468 ντα σικαβέλα τον Πανδέκτη σο νικαντάς ο Αυτοκράτορας Ιουστινιανός, ισί εκ κατά μπουτ βιβλία σο βακερένα αμένγκε λεπτομέρειες για το νόμοι κο πουρανέ μπρεσά
ΣΑΡ βακερένα ο εδάφια Ματθαίος 13:24-26, ο Ιησούς βακερντάς: «Η βασιλεία σο ισί κο ουρανός ισί σαρ εκ τζενό σο τσσουντάς λατσσό σπόρος πι χωραφίστε. Όταν σοβένας ο τζενέ, αβιλό λέσκο ντουσμάνι ντα τσσουντάς ζιζάνια αντρέ κο γκιβ ντα νασλό. Όταν μπαριλό ο γκιβ ντα νικαντάς καρπός, αζομάν ντικχίντιλε ο ζιζάνια-ντα». Κάποιοι οντουλένταρ σο γραφίνενα βιβλία τθερένα αμφιβολίες ότι ασακέ πράγματα αβένας-πες μπαγιά, αλλά σαρ βακερένα ο πουρανέ ρωμαϊκά βιβλία σο τθερένας τι κερέν με το νόμοι, κάτι ασακό κα μπορίνελας τι αβέλ-πες.
Εκ λεξικός ι Γραφιάκο βακερέλα ότι κο ρωμαϊκός νόμος ισινέ έγκλημας άμα κάποιος κα τσσουβέλας ζιζάνια κο χωράφι εκχέ γιαβερέ τζενέσκο για τι λελ εκδίκηση. Αφού υπαρχίντιβελας νόμος ανταλέ πραγμάσκε, αγαβάσα ότι ασακέ πράγματα αβένας-πες μπαγιά. Ο Άλασταρ Κερ, εκ τζενό σο ασχολίντιβελα με το νόμοι, βακερέλα ότι κο μπρες 533 μετά κατά Χριστός, ο Ρωμαίος Αυτοκράτορας Ιουστινιανός νικαντάς ο Πανδέκτης (Digesta). Ο Πανδέκτης βακερέλας χάνικ λαφίντζαρ ο ρωμαϊκοί νόμοι ντα τθερέλας κάποια λάφια κατά μπρεσά 100-250 μετά κατά Χριστός, σο βακερντέας-λεν σπουδαγμέ τζενέ σο ασχολίντιβενας με το νόμοι. Σαρ βακερέλα ο Πανδέκτης, εκ οντουλέ τζενένταρ, ο Ουλπιανός, βακερντάς για εκ υπόθεση σο αβιλίας-πες κο δεύτερος αιώνας. Κάποιος τσσουντάας ζιζάνια εκχέ χωραφίστε σο ισινέ γιαβερέ τζενέσκο ντα ο αποτέλεσμας ισινέ τι χαλαβέλ σαρί ι σοδειά. Ο Πανδέκτης βακερέλα σο κα μπορίνελας τι κερέλ οντουβά σο τθερέλας ο χωράφι για τι λελ αποζημίωση, δηλαδή λοβέ, οντουλέ τζενέσταρ σο κερντάας λέσκε ζημιά.
Ασακέ πράγματα αβένας-πες μπαγιά κι Ρωμαϊκή Αυτοκρατορία κο πουρανέ μπρεσά, ντα ανταβά σικαβέλα ότι οντουβά σο βακερντάς ο Ιησούς κι παραβολή σο ντικχλάμ πιο οπρέ κα μπορίνελας τι αβέλ-πες.