• Σικλιόν Κατά πο Χουρντό Πφραλ ι Ιησούσκο
    Η Σκοπιά (Μελέτης)—2022 | Ιανουάριος

    • ΑΤΣΣΟΝ ΤΑΠΕΙΝΟΙ ΣΑΡ Ο ΙΑΚΩΒΟΣ

      Ο Ιάκωβος κερέλα μπουτί σαρ ξυλουργός καζόμ ο αναστημέ Ιησούς κερέλα λέσαρ λάφι.

      Ο Ιάκωβος σικαντάς ότι ισινέ ταπεινός κάνα σικάντιλο λέσκε ο Ιησούς, ντα από αζομάν υπηρετιντάς πιστά σαρ μαθητής ι Χριστόσκο (Ντικχέν ο παράγραφοι 5-7)

      5. Σο κερντάς ο Ιάκωβος κάνα σικαντάς-πες λέστε ο αναστημέ Ιησούς;

      5 Κάνα αβιλό ο Ιάκωβος αφοσιωμέ μαθητής ι Ιησούσκο; Σοράν κατά ανάσταση λέσκι, ο Ιησούς «σικαντάς-πες κο Ιάκωβος ντα πο σοράν σαρέ κο απόστολοι». (1 Κορ. 15:7) Κάνα σικαντάς-πες λέσκε ο Ιησούς, ο Ιάκωβος αβιλό εκ λέσκε μαθητένταρ. Ο Ιάκωβος ισινέ οτθέ κάνα ο απόστολοι μπεκλεντίνενας τι λεν ο άγιος πνεύμας κο οπραϊνό δωμάτιος εκχέ κχερέσκο κι Ιερουσαλήμ. (Πράξ. 1:​13, 14) Σοράν, τθερέλας ι χαρά τι υπηρετίνελ κο κυβερνών σώμας. (Πράξ. 15:6, 13-22· Γαλ. 2:9) Ντα εκ φαρ πριν κατά 62 Κ.Χ., γραφιντάς ι Ντεβλέσκε πνευμάσαρ εκ επιστολή ι χρισμέ Χριστιανόνγκε. Ανταγιά επιστολή βοηθίνελα αμέν-ντα αντιβές, είτε μπεκλεντίνασα τι τζουβντιάς κο ουρανός είτε κι πφουβ. (Ιακ. 1:1) Ο ιστορικός Ιώσηπος γραφιντάς ότι ι Ιακωβός μουνταρντέ-λες επειδή ντινάς διαταγή ο Ιουδαίος αρχιερέας Ανανίας ο Νεότερος. Ο Ιάκωβος ατσσιλό πιστός κο Ιεχωβά μέχρι σο τσσιναντάς τι τζουβντιόλ κι πφουβ.