Ο Ιεχωβά ισί Ντεβέλ σο κερέλα σαρέ ο πράγματα σειράσαρ. (1 Κορινθίους 14:33) Οτθάρ λέσκο λαός-ντα ισί οργανωμέ. Σαρ ισί οργανωμέ η Χριστιανική κχανγκιρί; Σαρ μπορίνασα αμέν-ντα τι κεράς κάτι για τι ατσσόλ οργανωμέ;

1. Κον ισί ο σορό ι κχανγκιριάκο;

“Ο Χριστός ισί ο σορό ι κχανγκιριάκο”. (Εφεσίους 5:23) Ο Ιησούς ντικχέλα κατά ουρανός ο πράγματα σο κερέλα ο λαός ι Ιεχωβάσκο σαρό κο ντουνιάς. Ο Ιησούς τσσουντάς “ι πιστέ ντα φρόνιμε δουλός”, ή γιαβέρτουλους ο Κυβερνών Σώμας, σο ισί εκ χουρντί ομάδα πρεσβυτερόνγκι σο τθερένα ζουρανί πίστη. (Διαβάνεν Ματθαίος 24:45-47) Σαρ κερένας κο πρώτος αιώνας ο απόστολοι ντα ο πρεσβύτεροι κι Ιερουσαλήμ, ο Κυβερνών Σώμας οδηγίνελα ο κχανγκιριά σαρό κο ντουνιάς. (Πράξεις 15:2) Αλλά ανταλά μουρσά νανέ αρχηγοί αμαρέ οργανωσιάτε. Διαβάνενα ι Γραφή για τι σικλιόν σο μανγκέλα λένταρ ο Ιεχωβά ντα κερένα αντράλ πουμαρέ γκίσταρ οντουβά σο σικαβέλα λένγκε ο Ιησούς.

2. Κον ισί ο πρεσβύτεροι ντα σο κερένα;

Ο πρεσβύτεροι ισί Χριστιανοί μουρσά σο τθερένα ζουρανί φιλία ι Ιεχωβάσαρ. Σικλιαρένα ι Ιεχωβάσκο λαός κατά Γραφή, βοηθίνενα-λες ντα ντένα-λες ζορ. Να λένα λοβέ ανταλέσκε σο κερένα. Οκιά μπάνταρ, υπηρετίνενα «επειδή μανγκένα τι κερέν-λες ανγκλάλ κο Ντεβέλ· [όχι] για τι κερδίνεν κάτι πφιρνικανές, αλλά αντράλ [πουμαρέ] γκίσταρ». (1 Πέτρου 5:1, 2) Ι πρεσβυτερόν βοηθίνενα-λεν ο διακονικοί υπηρέτες, σο μπέκιμ λένγκε-ντα τι αβέλ ο ντιβές τι υπηρετίνεν σαρ πρεσβύτεροι.

Ο Κυβερνών Σώμας τραμπίνελα μερικέ πρεσβυτερόν τι αβέν επίσκοποι περιοχής. Βον τζάνα κο κχανγκιριά για τι ντεν οδηγίες ντα ζορ κο πφραλά ντα κο πφενιά. Κερένα πρεσβυτερόν ντα διακονικέ υπηρετόν, σο πρέπει τι τθερέν οντουλά σο βακερέλα η Γραφή.—1 Τιμόθεο 3:1-10, 12· Τίτο 1:5-9.

3. Σο κερένα σαρέ ο Μάρτυρες ι Ιεχωβάσκε;

Σαρέ αντρέ κι κχανγκιρί “δοξάνενα ο ναβ ι Ιεχωβάσκο” κάνα τζάνα κο συναθροίσεις ντα κάνα βακερένα ο λατσσέ αμπέρια καζόμ πο μπουτ μπορίνενα.—Διαβάνεν Ψαλμός 148:12, 13.

ΧΑΝΤΖΟΥΒ ΠΟ ΑΧΟΡΤ

4. Ο Ιησούς ισί αρχηγός σο λοκχιαρέλα αμαρό γκι

Ο Ιησούς αντράλ πι γκίσταρ βακερέλα αμένγκε τι κεράς κάτι. Διαβάνεν Ματθαίος 11:28-30 ντα σοράν συζητίνεν ι ερώτηση:

• Σο αρχηγός ισί ο Ιησούς ντα σαρ μανγκέλα τι κερέλ-αμέν τι νιωθίνας;

ΒΙΝΤΕΟΣ: Σο Κερντέ ο Πρεσβύτεροι Κάνα Αβιλό Σεισμός κο Νεπάλ (4:56)

Η Γραφή σικλιαρέλα ξεκάθαρα ι πρεσβυτερόν σαρ τι κερέν πουμαρί μπουτί.

Διαβάνεν Ησαΐας 32:2 ντα 1 Πέτρου 5:1-3 ντα σοράν συζητίνεν ο ερωτήσεις:

• Σαρ αισθάντιβεσα σο σικλιλάν ότι ο πρεσβύτεροι προσπαθίνενα τι λοκχιαρέν ι γιαβερένγκο γκι σαρ ο Ιησούς;

• Καλέ γιαβερέ τροπόντζαρ μοιάζενα ο πρεσβύτεροι κο Ιησούς;

5. Ο πρεσβύτεροι σικλιαρένα οντουλέντζαρ σο κερένα

ΒΙΝΤΕΟΣ: Πρεσβύτεροι, Οδηγίνεν ι Κχανγκιρί! (7:39)

Ο Ιησούς σικαντάς οντουλένγκε σο οδηγίνενα ι κχανγκιρί σο τι κερέν. Διαβάνεν Ματθαίος 23:8-12 ντα σοράν συζητίνεν ο ερωτήσεις:

• Σο βακερέλα η Γραφή ι πρεσβυτερόνγκε τι κερέν; Πακιάσα ότι ο παπάζια κερένα ανταβά σο βακερέλα η Γραφή;

1. (Α) Ο πρεσβύτεροι κερένα ο πο λατσσό για τι ατσσόν ζουρανέ πνευματικά βον ντα λένγκε φαμιλιά

2. (Β) Ο πρεσβύτεροι πφαμπόνα σαριλένγκε αντρέ κι κχανγκιρί

3. (Γ) Ο πρεσβύτεροι βακερένα ο λατσσέ αμπέρια καζόμ πο μπουτ αβέλα-πες

4. (Δ) Ο πρεσβύτεροι σικλιαρένα. Ατζέ, βοηθίνενα κο πακλίκι ντα γιαβερέ μπουτιέντε

6. Μπορίνασα τι συνεργαζίντιβας ι πρεσβυτερόντζαρ

Η Γραφή βακερέλα αμένγκε εκ σημαντικός λόγος για τι συνεργαζίντιβας ι πρεσβυτερόντζαρ. Διαβάνεν Εβραίους 13:17 ντα σοράν συζητίνεν ο ερωτήσεις:

• Ισί λογικός σο η Γραφή βακερέλα αμένγκε τι ντας καν αντράλ αμαρέ γκίσταρ οντουλέντε σο οδηγίνενα-αμέν ή νανέ; Σόσκε βακερέσα-λες ανταβά;

Διαβάνεν Λουκάς 16:10 ντα σοράν συζητίνεν ι ερώτηση:

• Σόσκε ισί σημαντικός τι συνεργαζίντιβας ι πρεσβυτερόντζαρ ατζέ-ντα πραγματέντε σο ντικχίντιβενα χουρντέ;

ΧΑΝΙΚ ΛΑΦΙΝΤΖΑΡ

Ο Ιησούς ισί ο σορό ι κχανγκιριάκο. Αμέν συνεργαζίντιβασα χαράσαρ ι πρεσβυτερόντζαρ σο οδηγίνελα-λεν ο Ιησούς σόσκε λοκχιαρένα αμαρό γκι ντα σικλιαρένα-αμέν οντουλέντζαρ σο κερένα.

Σο Σικλιλάν;

• Κον ισί ο σορό ι κχανγκιριάκο;

• Σαρ βοηθίνενα ο πρεσβύτεροι κι κχανγκιρί;

• Σο κερέλα ο κάθε τζενό σο ντέλα λατρεία ι Ιεχωβάς;

ΡΟΝΤΕ

Ντικχ κάτι σο σικαβέλα καζόμ μπουτ πφαμπόλα ο Κυβερνών Σώμας ντα γιαβερά πρεσβύτεροι ι Χριστιανόνγκε αντιβές.

Ντιντιόλα Ζορ κο Πφραλά σο Τζάνας Λέντζαρ Κόντρα (4:22)

Σίκλιουβ πο μπουτ ι μπουτιάκε σο κερένα ο επίσκοποι περιοχής.

Σαρ Τζουβντιόλα εκ Επίσκοπος Περιοχής κι Επαρχία (4:51)

Διάβανε σο κερένα ο τζουβλιά αντρέ κι κχανγκιρί.

«Σικλιαρένα ο Τζουβλιά Αντρέ κο Κχανγκιριά κι Ιεχωβάσκε Μαρτυρένγκε;» (Η Σκοπιά 1 Σεπτεμβρίου 2012)

Ντικχ καζόμ μαρένα-πες ο πρεσβύτεροι για τι ντεν ζορ πουμαρέ πφραλέν.

«Χριστιανοί Πρεσβύτεροι —“Συνεργάτες για τι Αβάς Χαρούμενοι”» (Η Σκοπιά 15 Ιανουαρίου 2013)

1. Καλά συμβουλές ντέλα η Γραφή κο ρομ;

Ο Ιεχωβά τραμπιντάς ι μουρσές τι αβέλ ο σορό ι φαμιλιάκο. (Διαβάνεν Εφεσίους 5:23) Ο Ιεχωβά μπεκλεντίνελα λέσταρ τι λελ αποφάσεις σο βοηθίνενα λέσκι φαμιλί. Η Γραφή βακερέλα κο μουρσά σο ισί παντριμέ: «Τι μανγκέν τουμαρέ ρομνίν». (Εφεσίους 5:​25) Σο μανγκέλα τι βακερέλ ανταβά; Ο μουρς σο μανγκέλα πι ρομνιά συμπεριφερίντιβελα λάκε λατσσιμάσαρ εμ κο κχερ εμ ανγκλάλ κο γιαβερά. Αρακχαβέλα-λα για μα τι παθίνελ κάτι κακός ντα κερέλα ο πο λατσσό για τι ντελ-λα σαρέ οντουλά σο τθερέλα ανάγκη. (1 Τιμόθεο 5:8) Ο πο σημαντικός ισί ότι βοηθίνελα-λα για τι αβέλ λατσσί αμαλίν ι Ιεχωβάσκι. (Ματθαίος 4:4) Για παράδειγμας, κερέλα προσευχή ντα διαβάνελα ι Γραφή γιεκ πι ρομνιάσαρ. Κάνα εκ μουρς αρακχαβέλα με αγάπη πι ρομνιά, ατσσόλα αμάλ ι Ιεχωβάσκο.​—Διαβάνεν 1 Πέτρου 3:7.

Ο Ιησούς ισί ο Σορό κι Χριστιανική κχανγκιρί. (Εφεσίους 5:23) Αντιβές, κατά ουρανός, ο Ιησούς οδηγίνελα πι υπηρετόν κι πφουβ αντράλ κατά «πιστός ντα γκοντιαβέρ δούλος». (Διαβάνεν Ματθαίος 24:45) Ο Ιησούς Χριστός διοριντάς ανταλέ “δουλός” ντα ντινάς-λες ο δικαίωμας τι λελ σημαντικές αποφάσεις. Όμως, ανταβά δούλος πρέπει τι ντελ καν κο Χριστός ντα τι υπηρετίνελ ι Χριστόσκε πφραλέν. Κον ισί ανταβά δούλος; Σαρ φροντίνελα-αμέν ο δούλος;