ΜΑΘΗΜΑΣ 60
Συνέχινε τι Κερές τι Φιλία ι Ιεχωβάσαρ πο Ζουρανί
Αντράλ ανταλέ μαθηματένταρ κατά Αγία Γραφή σικλιλάν μπουτ πράγματα ι Ιεχωβάσκε. Οντουλά σο σικλιλάν κερντέ-τουτ τι μανγκές-λες αζόμ μπουτ σο μπέκιμ ντινάν το λάφι τι τζουβντιός λέσκε ντα μπολντιλάν. Άμα να κερντάν-λες, μπέκιμ σκεφτίνεσα τι κερές-λες ανταβά αντρέ χάνικ βακιτίστε. Αλλά σοράν τι μπολντιμάσταρ, να κα τσσιναβές τι κερές τι φιλία ι Ιεχωβάσαρ πο ζουρανί. Μπορίνεσα τι συνεχίνες τι πλησιάνες ι Ιεχωβάς για πάντα. Σαρ;
1. Σόσκε πρέπει τι συνεχίνες τι κερές τι φιλία ι Ιεχωβάσαρ πο ζουρανί;
Πρέπει τι μαράς-αμέν μπουτ για τι κεράς αμαρί φιλία ι Ιεχωβάσαρ ατζέ πο ζουρανί. Σόσκε; «Για μα τι νασάς ποτές» λέσταρ. (Εβραίους 2:1) Σο κα βοηθίνελ-αμέν τι συνεχίνας τι υπηρετίνας πιστά ι Ιεχωβάς; Μπορίνασα τι κεράς μπουτ πράγματα κο έργος ντα τι ρόντας γιαβερά-ντα τρόπους για τι υπηρετίνας ι Ντεβλές καζόμ πο μπουτ αβέλα-πες. (Διαβάνεν Φιλιππησίους 3:16) Κάνα υπηρετίνασα ι Ιεχωβάς, ανταβά ισί ο πο λατσσό τρόπος για τι τζουβντιάς!—Ψαλμός 84:10.
2. Σο γιαβέρ πρέπει τι συνεχίνες τι κερές;
Παρόλο σο ανταλά μαθήματα κατά Γραφή μπιτίνενα ακανά, τι ζωή σαρ Χριστιανός κα συνεχίνελ. Η Γραφή βακερέλα ότι πρέπει τι “ιριάς ο νεβό χαρακτήρας”. (Εφεσίους 4:23, 24) Καμπόρ συνεχίνεσα τι διαβάνες ο Λάφι ι Ντεβλέσκο ντα τι τζας κο συναθροίσεις, κα σικλιός νεβέ πράγματα ι Ιεχωβάσκε ντα για το ιδιότητες λέσκε. Τι ρόντες τρόπους για τι μοιάζες κο Ιεχωβά καζόμ πο μπουτ αβέλα-πες. Μα τσσίναβ τι κερές σο-ντα αλλαγές χρειαζίντιβελα για τι ντες χαρά κο Ιεχωβά.
3. Σαρ κα βοηθίνελ-τουτ ο Ιεχωβά τι κερές τι φιλία λέσαρ πο ζουρανί;
Η Γραφή βακερέλα: «Ο Ντεβέλ . . . κα τελειώνελ τουμαρό σικλιαριπέ. Βοβ κα κερέλ-τουμέν τι αβέν σταθεροί, κα κερέλ-τουμέν ζουρανέ, κα τσσουβέλ τουμένγκε ζουρανέ θεμέλια». (1 Πέτρου 5:10) Σαρέ τθεράσα πειρασμούς. Αλλά ο Ιεχωβά ντέλα-αμέν σο-ντα χρειαζίντιβασα για μα τι περάς λέντε. (Ψαλμός 139:23, 24) Ντέλα πο λάφι τι κερέλ-τουτ εμ τι μανγκές εμ τι τθερές ι ζορ τι υπηρετίνες-λες πιστά.—Διαβάνεν Φιλιππησίους 2:13.
ΧΑΝΤΖΟΥΒ ΠΟ ΑΧΟΡΤ
Ντικχ σαρ μπορίνεσα τι συνεχίνες τι κερές τι φιλία ι Ιεχωβάσαρ πο ζουρανί ντα σαρ κα ευλογίνελ-τουτ ο Ιεχωβά.
4. Συνέχινε τι ασουνές τι πο λατσσέ Αμαλές ντα τι κερές λέσαρ λάφι
Η προσευχή ντα ο διάβασμας ι Γραφιάκο βοηθιντέ-τουτ τι αβές αμάλ ι Ιεχωβάσκο. Σαρ μπορίνενα ανταλά πράγματα τι βοηθίνεν-τουτ τι αβές ατζέ πο πασέ λέστε;
Διαβάνεν Ψαλμός 62:8 ντα σοράν συζητίνεν ι ερώτηση:
Σαρ μπορίνεσα τι κερές το προσευχές πο λατσσέ για τι αβέλ τι φιλία ι Ιεχωβάσαρ πο ζουρανί;
Διαβάνεν Ψαλμός 1:2 ντα σοράν συζητίνεν ι ερώτηση:
Σαρ μπορίνεσα τι αβές πο λατσσό κο τρόπος σο διαβάνεσα ι Γραφή για τι κερές τι φιλία ι Ιεχωβάσαρ πο ζουρανί;
Σαρ μπορίνεσα τι βοηθίντιβες πο μπουτ κάνα σικλιαρέσα-τουτ κατά Γραφή; Για τι λες χάνικ ιδέες, ντικχέν ο ΒΙΝΤΕΟΣ ντα σοράν συζητίνεν ο ερωτήσεις:
Καλά συμβουλές κατά βίντεος κα μπορίνεας τι κερές;
Καλά θέματα κα μανγκέας τι διαβάνες;
5. Τι τσσουβές πνευματικούς στόχους
Άμα τσσουβέσα στόχους κι Ιεχωβάσκι υπηρεσία, ανταβά κα βοηθίνελ-τουτ τι συνεχίνες τι κερές τι φιλία λέσαρ πο ζουρανί. Ντικχέν ο ΒΙΝΤΕΟΣ ντα σοράν συζητίνεν ι ερώτηση:
Σαρ ντικχλάμ κο βίντεος, σο λατσσιπέ ντικχλάς η Κάμερον επειδή τσσουντάς πνευματικούς στόχους;
Να μπορίνενα σαρέ τι τζαν τι μπεσέν εκχέ γιαβερέ τθεμέστε για τι βακερέν ο λατσσέ αμπέρια. Όμως, σαρέ μπορίνασα τι τσσουβάς στόχους σο αβέλα-πες τι πετυχίνας-λεν. Διαβάνεν Παροιμίες 21:5. Σοράν σκέφτινε σο στόχους κα μανγκέας τι τσσουβές . . .
κι κχανγκιρί.
κο έργος.
Σαρ κα βοηθίνελ-τουτ η συμβουλή σο ισί ανταλέ εδαφιόστε για τι πετυχίνες το στόχους;
Στόχοι σο κα μπορίνεας τι τσσουβές
Τι κερές το προσευχές πο λατσσέ.
Τι διαβάνες σαρί ι Αγία Γραφή.
Τι γνωρίνες σαριλέν τι κχανγκιριάτε.
Τι αρχίνες τι κερές μελέτη κατά Γραφή εκχέ τζενές.
Τι λες ο βοηθητικός σκαπανικός ή ο τακτικός σκαπανικός.
Άμα ισινάν πφραλ, τι κερές προσπάθειες τι αβές διακονικός υπηρέτης.
6. Τι απολαμβάνες τι ζωή για πάντα!
Διαβάνεν Ψαλμός 22:26 ντα σοράν συζητίνεν ι ερώτηση:
Σο μπορίνεσα τι κερές για τι απολαμβάνες τι ζωή ακανά ντα για πάντα;
ΧΑΝΙΚ ΛΑΦΙΝΤΖΑΡ
Συνέχινε τι κερές πο ζουρανί τι φιλία ι Ιεχωβάσαρ ντα τι τσσουβές πνευματικούς στόχους. Αντικάς κα απολαμβάνες τι ζωή για πάντα!
Σο Σικλιλάν;
Σόσκε μπορίνεσα τι αβές σίγουρος ότι ο Ιεχωβά κα βοηθίνελ-τουτ τι υπηρετίνες-λες πιστά;
Σαρ κα κερές τι φιλία ι Ιεχωβάσαρ πο ζουρανί;
Σαρ κα κερέν ο πνευματικοί στόχοι τι φιλία ι Ιεχωβάσαρ πο ζουρανί;
ΡΟΝΤΕ
Σο τθερέλα πο μπαρί αξία ι Ιεχωβάσκε, τι κεράς κάτι μπουτ μπαρό για τι σικαβάς ότι ισινάμ αφοσιωμέ λέστε ή τι υπηρετίνας-λες πιστά σαρί αμαρί ζωή;
Ατζέ-ντα εκ πιστός υπηρέτης ι Ιεχωβάσκο μπορεί τι χασαρέλ πι χαρά. Ντικχ σαρ μπορίνασα τι αρακχάς-λα πάλι.
Αρακχάσα Πάλι Αμαρί Χαρά Αντράλ Κατά Διάβασμας ντα Κατά Στοχασμός (5:25)
Σαρ μπορίνεσα τι τσσουβές πνευματικούς στόχους ντα τι πετυχίνες-λεν;
Σόσκε ισί σημαντικός τι τθερές ζουρανί πίστη ντα σαρ μπορίνεσα τι τθερές-λα;