ΜΑΘΗΜΑΣ 12
Σο κα Βοηθίνελ-τουτ Μα τι Τσσιναβές τι Μελέτη Κατά Αγία Γραφή;
Η μελέτη κατά Αγία Γραφή κερέλα αμένγκε λατσσιπέ. Όμως ανταβά νανέ πάντα εύκολος. Μπάζιμ μπορεί τι πουτσέσα το νεαυτός άμα κα μπορίνες τι συνεχίνες τι μελέτη κατά Γραφή. Σόσκε αξίνελα μα τι τσσιναβές; Σο κα βοηθίνελ-τουτ μα τι μουκχές-τουτ άμα κα αβέν δυσκολίες;
1. Σόσκε τθερέλα μπαρί αξία η μελέτη ι Γραφιάκι;
«Ο λάφι ι Ντεβλέσκο ισί τζουβντό ντα τθερέλα ζορ». (Εβραίους 4:12) Η Γραφή τθερέλα μπαρί αξία επειδή σικαβέλα οντουλά σο σκεφτίνελα ντα νιωθίνελα τούκε ο Ντεβέλ. Βοηθίνελα-τουτ όχι σάντε τι σικλιός λέσκε, αλλά κερέλα-τουτ μπαγιά γκοντιαβέρ ντα ντέλα-τουτ ελπίδα. Ντα ο πο σημαντικός, η Γραφή βοηθίνελα-τουτ τι αβές αμάλ ι Ιεχωβάσκο. Κάνα κερέσα μελέτη κατά Γραφή, μουκχέσα λάκι ζορ τι κερέλ πο λατσσί τι ζωή.
2. Σόσκε ισί σημαντικός τι αγαβές καζόμ μπαρί αξία τθερέλα η αλήθεια ι Γραφιάκι;
Ο αλήθειες ι Γραφιάκε ισί σαρ λατσσέ θησαυροί. Οτθάρ η Γραφή βακερέλα αμένγκε: «Τι κινές ι αλήθεια ντα μα τι μπικινές-λα ποτές». (Παροιμίες 23:23) Άμα τθεράσα πάντα αμαρέ γκοντιάτε καζόμ αξία τθερέλα η αλήθεια ι Γραφιάκι, κα μαράς-αμέν τι σικλιάς λάταρ ατζέ-ντα άμα τθεράσα εμπόδια.—Διαβάνεν Παροιμίες 2:4, 5.
3. Σαρ μπορίνελα τι βοηθίνελ-τουτ ο Ιεχωβά μα τι τσσιναβές τι κερές μελέτη κατά Γραφή;
Αφού ο Ιεχωβά ισί ο πο Ζουρανό, Οντουβά σο κερντάς-τουτ ντα το Αμάλ, μανγκέλα τι βοηθίνελ-τουτ τι σικλιός λέσκε. Βοβ μπορίνελα τι κερέλ-τουτ “εμ τι μανγκές εμ τι τθερές ι ζορ τι κερές πράγματα”. (Διαβάνεν Φιλιππησίους 2:13) Άρα, άμα μπάζιμ μανγκέσα βοήθεια για τι σικλιός κατά Γραφή ή για τι κερές τι ζωγιάτε οντουλά σο σικλιόσα, βοβ μπορίνελα τι βοηθίνελ-τουτ. Άμα μανγκέσα πο μπουτ ζορ επειδή τθερέσα προβλήματα ή τζάνα τούσαρ κόντρα, βοβ μπορίνελα τι ντελ-λα τούτε. Τι κερές προσευχή μπουτ φαρ κο Ιεχωβά για τι βοηθίνελ-τουτ μα τι τσσιναβές τι μελέτη κατά Γραφή.—1 Θεσσαλονικείς 5:17.
ΧΑΝΤΖΟΥΒ ΠΟ ΑΧΟΡΤ
Σίκλιουβ σαρ μπορίνεσα μα τι τσσιναβές τι μελέτη κατά Γραφή ατζέ-ντα κάνα τθερέσα μπουτ πράγματα τι κερές ή κάνα τζάνα τούσαρ κόντρα. Σοράν ντικχ σαρ κα βοηθίνελ-τουτ ο Ιεχωβά μα τι τσσιναβές τι μελέτη κατά Γραφή.
4. Τσσουβ ανγκλάλ ι μελέτη ι Γραφιάκι
Μπάζιμ τθεράσα αζόμ μπουτ πράγματα τι κεράς σο ντικχιόλα ότι νανέ-αμέν σαάτι για τι κεράς μελέτη κατά Γραφή. Σο κα βοηθίνελ-αμέν; Διαβάνεν Φιλιππησίους 1:10 ντα σοράν συζητίνεν ο ερωτήσεις:
Τούι, καλά πακιάσα ότι ισί «ο πο σημαντικά» πράγματα κι ζωή;
Σαρ μπορίνεσα τι τσσουβές ανγκλάλ ι μελέτη ι Γραφιάκι;
(Α) Άμα κα πφερές εκ κουβάς κούμι ντα σοράν κα προσπαθίνες τι τσσουβές αντρέ μπαρά, ο μπαρά να κα ερεσέν
(Β) Άμα κα τσσουβές πρώτα ο μπαρά, σοράν κα αβέλ τθαν για τι τσσουβές ο πο μπουτ κούμι. Αντικάς-ντα, άμα κα τσσουβές «ο πο σημαντικά πράγματα» πρώτα τι ζωγιάτε, κα τθερές σαάτι τι κερές γιαβερά-ντα πράγματα
Η μελέτη ι Γραφιάκι ιτσσαρέλα ι ανάγκη σο τθεράσα πνευματικέ πραγματένγκε, δηλαδή αμαρί ανάγκη τι σικλιάς ι Ντεβλές ντα τι ντας-λες λατρεία. Διαβάνεν Ματθαίος 5:3 ντα σοράν συζητίνεν ι ερώτηση:
Σο λατσσιπέ ντικχάσα κάνα τσσουβάσα ανγκλάλ ι μελέτη ι Γραφιάκι;
5. Μα κερ παλάλ άμα κάποια τζενέ κα τζαν τούσαρ κόντρα
Μερικά τζενέ μπορεί τι προσπαθίνεν τι κερέν-τουτ τι τσσιναβές τι μελέτη κατά Γραφή. Ντικχ σο αβιλό-πες κο Φραντσέσκο. Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:
Σαρ ντικχλάμ κο βίντεος, σο κερντέ ο αμαλά ντα η φαμιλί ι Φραντσεσκόσκι κάνα βακερντάς λένγκε ι λαφίνγκε σο σικλιόλας;
Σαρ ευλογισάλο επειδή να κερντάς παλάλ;
Διαβάνεν 2 Τιμόθεο 2:24, 25 ντα σοράν συζητίνεν ο ερωτήσεις:
Σαρ ντικχένα το τζενέ ντα το αμαλά οντουλά σο σικλιόσα;
Σαρ σικαβένα ανταλά εδάφια, σο πρέπει τι κερές άμα εκ τζενό να μπεϊντίνελα σο κερέσα μελέτη κατά Γραφή; Σόσκε βακερέσα-λες ανταβά;
6. Τι ντες μπέσα κο Ιεχωβά ότι κα βοηθίνελ-τουτ
Καζόμ αβάσα πο πασέ κο Ιεχωβά, αζόμ πο μπουτ κα μανγκάς τι κεράς λέσκο γκι. Όμως, μπορεί τι ζορίντιβασα τι αλλάνας κάτι αμαρέ ζωγιάτε για τι τζουβντιάς αντικάς σαρ μανγκέλα ο Ιεχωβά. Άμα κα νιωθίνες ποτές αντικάς, μα μουκχ-τουτ. Ο Ιεχωβά κα βοηθίνελ-τουτ. Ντικχέν ο ΒΙΝΤΕΟΣ ντα σοράν συζητίνεν ο ερωτήσεις:
Σαρ ντικχλάμ κο βίντεος, καλά αλλαγές κερντάς ο Τζιμ για τι κερέλ ο γκι ι Ιεχωβάσκο;
Σο κερέλα τούκε εντύπωση λέσκε ιστοριάταρ;
Διαβάνεν Εβραίους 11:6 ντα σοράν συζητίνεν ο ερωτήσεις:
Σο κα κερέλ ο Ιεχωβά οντουλένγκε σο “ρόντενα λέσκε σαρέ πουμαρέ γκίσαρ”, δηλαδή μαρένα-πουμέν για τι σικλιόν-λες ντα τι κερέν λέσκο γκι;
Σο σικλιόσα ανταλέσταρ; Σαρ νιωθίνελα ο Ιεχωβά κάνα ντικχέλα το προσπάθειες για τι κερές μελέτη κατά Γραφή;
ΕΚ ΤΖΕΝΟ ΜΠΟΡΕΙ ΤΙ ΠΟΥΤΣΕΛ-ΤΟΥΤ: «Σόσκε κερέσα μελέτη κατά Αγία Γραφή;»
Σο κα βακερέας;
ΧΑΝΙΚ ΛΑΦΙΝΤΖΑΡ
Παρόλο σο νανέ πάντα εύκολος τι κερές μελέτη κατά Γραφή, ανταβά κα βοηθίνελ-τουτ τι τθερές εκ μπουτ σουκάρ ζωή για πάντα. Συνέχινε τι ντες μπέσα κο Ιεχωβά ντα βοβ κα ευλογίνελ-τουτ.
Σο Σικλιλάν;
Σόσκε τθερένα τούκε μπαρί αξία ο αλήθειες ι Γραφιάκε;
Σαρ μπορίνεσα τι αγαβές καλά ισί «ο πο σημαντικά πράγματα»;
Σόσκε πρέπει τι μανγκές κατά Ιεχωβά τι βοηθίνελ-τουτ μα τι τσσιναβές τι κερές μελέτη κατά Γραφή;
ΡΟΝΤΕ
Τσσουβ σημασία σταρέ πραγματέντε σο βοηθιντέ μπουτέ τζενέν τι χρησιμοποιήνεν πουμαρό σαάτι γκοντιάσαρ.
«Σαρ τι Χρησιμοποιήνεν Τουμαρό Σαάτι Γκοντιάσαρ» (Ξύπνα!, Φεβρουάριος 2014)
Ντικχ σαρ βοηθιντάς ο Ιεχωβά εκχέ τζουβλιά σο λάκο ρομ να αγαβέλας σόσκε βόι μανγκέλας τι κερέλ ι Ντεβλέσκο γκι.
Ο Ιεχωβά Ντέλα-αμέν ι Ζορ για τι Βάντας Αμαρό Πφαριπέ (5:05)
Σίκλιουβ σαρ βοηθίντιλο εκ τζενό επειδή λέσκι ρομνί να τσσιναντάς τι κερέλ μελέτη κατά Γραφή.
Μπουτ φαρ ο τζενέ κατηγορίνενα ι Ιεχωβάσκε Μαρτυρέν ότι χαλαβένα ο φαμιλιά. Ισί μπαγιά όμως ανταβά;
«Χαλαβένα ο Φαμιλιά ο Μάρτυρες ι Ιεχωβάσκε ή Κερένα-λεν πο Ζουρανέ;» (Θέμας κο ιστότοπος)