• Σο Βακερέλα η Αγία Γραφή για το Σεξ;
    Μπουτ Σουκάρ Ζωή για Πάντα!—Ελάν τι Χαντζουβάς Γιεκ Κατά Αγία Γραφή
    • Μάθημας 41. Εκ μουρς ντα εκ τζουβέλ ασταρένα ο βας ο εκ ι γιαβερέσκο.

      ΜΑΘΗΜΑΣ 41

      Σο Βακερέλα η Αγία Γραφή για το Σεξ;

      Μπουτ τζενέ να νιωθίνενα άνετα τι κερέν λάφι για το σεξ. Η Γραφή όμως, κάνα κερέλα λάφι για το σεξ, ισί ξεκάθαρη ντα να ανέλα ι γιαβερέν σε δύσκολη θέση. Λάκε λάφια κερένα αμένγκε λατσσιπέ. Ντα ανταβά ισί λογικός σόσκε ο Ιεχωβά ισί Οντουβά σο κερντάς-αμέν, ντα οτθάρ τζανέλα καβά ισί ο πο λατσσό αμένγκε. Βακερέλα αμένγκε σο τι κεράς για τι ντας-λες χαρά ντα σο κα βοηθίνελ-αμέν για τι τθεράς ευτυχισμέ ζωή για πάντα.

      1. Σαρ ντικχέλα ο Ιεχωβά ο σεξ;

      Ο σεξ ισί εκ δώρος κατά Ιεχωβά. Βοβ μανγκέλα τι απολαμβάνεν-λες εκ μουρς ντα εκ τζουβέλ σο ισί παντριμέ. Ανταβά δώρος ντέλα κο μουρς ντα κι τζουβέλ ι ευκαιρία όχι σάντε τι κερέν τσσαβέν, αλλά τι σικαβέν-ντα ότι μανγκένα ντα πφαμπόνα ο εκ ι γιαβερέσκε εκχέ φυσιολογικέ ντα μπουτ σουκάρ τροπόσαρ. Οντουλέσκε ο Λάφι ι Ντεβλέσκο βακερέλα: «Τι χαιρίνες τι ρομνιάσαρ σο τθερέσα-λα από αζομάν σο ισινάνας τερνό». (Παροιμίες 5:​18, 19) Ο Ιεχωβά μανγκέλα ο παντριμέ Χριστιανοί τι αβέν αφοσιωμέ ο εκ κο γιαβέρ, άρα ποτές να κα τζάνας εκχέ γιαβερέ τζενέσαρ.​—Διαβάνεν Εβραίους 13:4.

      2. Σο ισί ο λουμνιπέ;

      Η Γραφή βακερέλα αμένγκε: «Οντουλά σο ισί λουμνέ . . . να κα νακχέν κι Βασιλεία κι Ντεβλέσκι». (1 Κορινθίους 6:9, 10) Ο τζενέ σο γραφιντέ ι Αγία Γραφή κι πουρανί μπαλαμανί τσσιπ χρησιμοποιηντέ ο λάφι πορνεία για το λουμνιπέ. Ανταβά λάφι τθερέλα τι κερέλ (1) με το σεξa σο κερένα ο τζενέ σο νανέ παντριμέ ο εκ ι γιαβερέσαρ, (2) κάνα τζάνα μουρσά μουρσέντζαρ ντα τζουβλιά τζουβλίντζαρ ντα (3) κάνα εκ τζενό τζάλα με εκ ζώος. Άμα κα “νασάς κατά λουμνιπέ”, κα ντας χαρά κο Ιεχωβά ντα κα κεράς λατσσιπέ αμένγκε-ντα.​—1 Θεσσαλονικείς 4:3.

      ΧΑΝΤΖΟΥΒ ΠΟ ΑΧΟΡΤ

      Ντικχ σαρ μπορίνεσα τι νασές ντουρ κατά λουμνιπέ ντα σαρ κα κερές λατσσιπέ τι νεαυτόσκε άμα ατσσόσα πάκι κι Ντεβλέσκε γιακχά.

      Ο Ιωσήφ νασέλα σουγκό κατά ρομνί σο τθερέλας ο Πετεφρής. Βόι ασταρέλα πι βαστέστε εκ κατά σέα λέσκε.

      3. Τι νασές κατά λουμνιπέ

      Εκ πιστός τζενό, ο Ιωσήφ, κερντάς μπουτ μπαρί προσπάθεια για τι ατσσόλ πάκι κι Ντεβλέσκε γιακχά. Διαβάνεν Γένεση 39:​1-12 ντα σοράν συζητίνεν ο ερωτήσεις:

      • Σο τσσιντιντάς ι Ιωσηφίς τι νασέλ σουγκό;​—Ντικχέν ο εδάφιος 9.

      • Πακιάσα ότι ο Ιωσήφ λιντάς ι σωστή απόφαση; Σόσκε βακερέσα-λες ανταβά;

      Σαρ μπορίνενα ο τερνέ αντιβές τι μοιάζεν κο Ιωσήφ ντα τι νασέν κατά λουμνιπέ; Ντικχέν ο ΒΙΝΤΕΟΣ.

      ΒΙΝΤΕΟΣ: Τι Νασέν Κατά Λουμνιπέ (5:06)

      Ο Ιεχωβά μανγκέλα σαριλένταρ τι βακερέν όχι κο λουμνιπέ. Διαβάνεν 1 Κορινθίους 6:​18 ντα σοράν συζητίνεν ο ερωτήσεις:

      • Καλά καταστάσεις μπέκιμ τι τσσίντεν εκχέ τζενές τι κερέλ λουμνιπέ;

      • Σαρ μπορίνεσα τι νασές κατά λουμνιπέ;

      4. Μπορίνεσα τι τζας κόντρα κο πειρασμός

      Σόσκε μπορεί τι αβέλ δύσκολος εκχέ τζενέσκε τι νασέλ κατά λουμνιπέ; Ντικχέν ο ΒΙΝΤΕΟΣ ντα σοράν συζητίνεν ι ερώτηση:

      ΒΙΝΤΕΟΣ: Κάνα Διαβάνενα ι Γραφή Μπορίνενα τι Νικίνεν ο Πειρασμός (3:02)

      • Σαρ ντικχλάμ κο βίντεος, σο κερντάς ο πφραλ κάνα αγαντάς ότι οντουλά σο σκεφτίνελας ντα κερέλας κα μπορίνενας τι κερέν-λες μα τι ατσσόλ πιστός πι ρομνιάτε;

      Μπάζιμ, ατζέ-ντα πφραλά σο τθερένα ζουρανί πίστη, κερένα μπαρό αγώνας για τι ατσσικιαρέν πάκι πουμαρέ σκέψεις. Σαρ μπορίνεσα τι νασκιαρές ο λουμνικανέ σκέψεις τι γκοντιάταρ; Διαβάνεν Φιλιππησίους 4:8 ντα σοράν συζητίνεν ο ερωτήσεις:

      • Σο πράγματα πρέπει τι σκεφτίνας;

      • Κάνα διαβάνασα ι Αγία Γραφή ντα κεράσα μπουτ πράγματα κι υπηρεσία κι Ιεχωβάσκι, σαρ μπορίνελα τι βοηθίνελ-αμέν ανταβά τι νασάς κατά πειρασμός;

      5. Ο κανόνες ι Ιεχωβάσκε κερένα αμένγκε λατσσιπέ

      Ο Ιεχωβά τζανέλα καβά ισί ο πο λατσσό αμένγκε. Βακερέλα αμένγκε σαρ τι ατσσάς πάκι κο γιακχά λέσκε ντα σαρ ντικχάσα λατσσιπέ κάνα κεράσα-λες ανταβά. Διαβάνεν Παροιμίες 7:​7-27 ή ντικχέν ο ΒΙΝΤΕΟΣ ντα σοράν συζητίνεν ο ερωτήσεις:

      ΒΙΝΤΕΟΣ: Να Ισινέ Γκοντιαβέρ (9:31)

      • Σο αβιλό-πες ντα πελό ο τερνό κο πειρασμός;​—Ντικχέν Παροιμίες 7:8, 9.

      • Σαρ βακερένα ο εδάφια Παροιμίες 7:​23, 26, ο λουμνιπέ ανέλα μπουτ μπέτι αποτελέσματα. Καλέ προβληματένταρ νασάσα ντουρ άμα ατσσάσα πάκι κι Ντεβλέσκε γιακχά;

      • Κάνα ατσσάσα πάκι κι Ντεβλέσκε γιακχά, σαρ βοηθίνελα-αμέν ανταβά τι τθεράς μπουτ σουκάρ ζωή για πάντα;

      Μερικά τζενέ πακιάνα ότι οντουλά σο βακερέλα η Γραφή οντουλένγκε σο τζάνα μουρσά μουρσέντζαρ ντα τζουβλιά τζουβλίντζαρ νανέ λατσσέ. Αλλά ο Ιεχωβά, μανγκέλα-αμέν μπουτ ντα μανγκέλα τι τθεράς σαρέ εκ μπουτ σουκάρ ζωή για πάντα. Για τι αβέλ-πες ανταβά, πρέπει τι ντας καν κο κανόνες λέσκε. Διαβάνεν 1 Κορινθίους 6:​9-11 ντα σοράν συζητίνεν ι ερώτηση:

      • Κο γιακχά κι Ντεβλέσκε, σάντε κάνα μανγκέλα εκ τζενό τι τζαλ μουρς μουρσέσαρ ντα τζουβέλ τζουβλιάσαρ ισί λάθος;

      Για τι ντας χαρά κο Ντεβέλ, σαρέ πρέπει τι κεράς ­αλλαγές. Αξίνελα τι κεράς-λες ανταβά; Διαβάνεν Ψαλμός 19:8, 11 ντα σοράν συζητίνεν ο ερωτήσεις:

      • Τούι, πακιάσα ότι ο πάκι κανόνες ι Ντεβλέσκε ισί λογικοί ή όχι; Σόσκε βακερέσα-λες ανταβά;

      Φωτογραφία: 1. Εκ τζουβέλ σο ισί στεναχωριμέ μπεσέλα πασέ πι ρομέστε. Πίλα μολιά ντα τσιγάρα γιεκ πι αμαλέντζαρ σε εκ κλαμπ. 2. Η ίδια τζουβέλ κερέλα λάφι χαρούμενη πφενίντζαρ κι Αίθουσα Βασιλείας.

      Ο Ιεχωβά βοηθιντάς μπουτέ τζενέν τι ντεν καν κο πάκι κανόνες λέσκε. Κα βοηθίνελ τουτ-ντα

      ΜΕΡΙΚΑ ΤΖΕΝΕ ΒΑΚΕΡΕΝΑ: «Μπορίνεσα τι κερές σεξ κάσαρ μανγκέσα, αρκεί τι μανγκές οντουλέ τζενές».

      • Τούι, σαρ κα απαντίνεας ανταλέστε;

      ΧΑΝΙΚ ΛΑΦΙΝΤΖΑΡ

      Ο σεξ ισί εκ δώρος κατά Ιεχωβά σο πρέπει τι απολαμβάνελ εκ τζουβέλ ντα εκ μουρς σο ισί παντριμέ ο εκ ι γιαβερέσαρ.

      Σο Σικλιλάν;

      • Καλά πράγματα ισί αντρέ κο λουμνιπέ;

      • Σο κα βοηθίνελ-αμέν τι νασάς ντουρ κατά λουμνιπέ;

      • Σο λατσσιπέ ντικχάσα κάνα ντάσα καν κο πάκι κανόνες κι Ιεχωβάσκε;

      Σο Μανγκάβα τι Κεράβ

      ΡΟΝΤΕ

      Ντικχ σόσκε ισί σημαντικός ι Ιεχωβάσκε εκ μουρς εκχέ τζουβλιάσαρ τι αβέλ παντριμέ.

      «Σο Βακερέλα η Γραφή ι Τζενένγκε σο Μπεσένα Γιεκ Χωρίς τι Αβέν Νόμιμα Παντριμέ;» (Θέμας κο ιστότοπος)

      Ντε σημασία ότι κάνα η Γραφή βακερέλα ότι δεν πρέπει τι τζαλ μουρς μουρσέσαρ ντα τζουβέλ τζουβλιάσαρ να βακερέλα-λες για τι μισίνεν ο τζενέ ο εκ ι γιαβερές.

      «Ισί Κακός τι Τζαν Μουρσά Μουρσέντζαρ ντα Τζουβλιά Τζουβλίντζαρ;» (Θέμας κο ιστότοπος)

      Σίκλιουβ σαρ αρακχαβένα-αμέν ο νόμοι ι Ντεβλέσκε σαρέ κατά πράγματα σο τθερένα τι κερέν με το σεξ.

      «Ισί ο Σεξ Κατά Μούι Μπαγιά Σεξ;» (Θέμας κο ιστότοπος)

      Κι ιστορία μι ζωγιάκι «Σικαντέ Μάνγκε Σεβασμός», ντικχ σο τσσιντιντάς εκχέ τζενές σο τζάλας μουρσέντζαρ τι αλλάνελ ο τρόπος σο τζουβντιόλας για τι κερέλ ο γκι ι Ντεβλέσκο.

      «Η Αγία Γραφή Αλλάνελα Ζωές» (Η Σκοπιά 1 Απριλίου 2011)

      a Αντρέ ανταλέ πραγματέντε σο τζάνα κόντρα κι Γραφή, ισί επίσης ο σεξ ή ο σεξ κατά μούι ή παλάλ ντα κάνα εκ τζενό γαλίνελα ο γεννητικά όργανα εκχέ γιαβερέσκε.

  • Σο Βακερέλα η Γραφή ι Παντριμέ ντα ι Μπίπαντριμε Τζενένγκε;
    Μπουτ Σουκάρ Ζωή για Πάντα!—Ελάν τι Χαντζουβάς Γιεκ Κατά Αγία Γραφή
    • Μάθημας 42. Εκ πφεν σο νανέ παντριμέ ντα εκ αντρόγυνος κερένα λάφι χαρούμενοι σε εκ καφετέρια.

      ΜΑΘΗΜΑΣ 42

      Σο Βακερέλα η Γραφή ι Παντριμέ ντα ι Μπίπαντριμε Τζενένγκε;

      Μερικέ τθεμέντε, ο τζενέ πακιάνα ότι να αβέλα-πες εκ τζενό τι αβέλ ευτυχισμέ άμα να παντρισάλο. Όμως, νανέ σαρέ ο παντριμέ ευτυχισμέ ντα σαρέ ο μπίπαντριμε στεναχωριμέ. Σαρ βακερέλα η Γραφή, είτε τι παντρίνελ εκ τζενό είτε μα τι παντρίνελ, ο ντούι-ντα ισί δώρα.

      1. Σο λατσσίματα ντικχέλα εκ τζενό σο ισί μπίπαντριμε;

      Η Γραφή βακερέλα: «Κον παντρίνελα κερέλα λατσσές, αλλά κον να παντρίνελα κα κερέλ ατζέ πο λατσσές». (Διαβάνεν 1 Κορινθίους 7:​32, 33, 38) Σο μανγκέλα τι βακερέλ ότι εκ τζενό “κερέλα ατζέ πο λατσσές” σο να παντρίνελα; Ο Χριστιανοί σο ισί μπίπαντριμε να τθερένα τι σκεφτίνεν ο ανάγκες πουμαρέ ρομνιάκε ή ρομέσκε. Οτθάρ, ισί πο ελεύθεροι. Για παράδειγμας, μπορίνενα τι κερέν πο μπουτ ι Ιεχωβάσκε, σαρ ισί τι τζαν εκχέ γιαβερέ τθεμέστε για τι βακερέν ο λατσσέ αμπέρια. Αλλά ο πο σημαντικός, μπορίνενα τι ντεν μπουτ πουμαρέ σαατίσταρ για τι μπαριαρέν πουμαρί φιλία ι Ιεχωβάσαρ.

      2. Σο λατσσίματα ντικχέλα εκ τζενό σο ισί νόμιμα παντριμέ;

      Σαρ ο μπίπαντριμε, αντικάς ο παντριμέ τζενέ-ντα, απολαμβάνενα μπουτ σουκάρ πράγματα. Η Γραφή βακερέλα «πο λατσσές ο ντούι παρά ο εκ». (Εκκλησιαστής 4:9) Ανταβά ισί πο μπουτ ι Χριστιανόνγκε σο κερένα ο αρχές ι Γραφιάκε πουμαρέ μπιαβέστε. Ο τζενέ σο παντρίνενα νόμιμα ντένα πουμαρό λάφι τι μανγκέν, τι σεβάνεν ντα τι αρακχαβέν ο εκ ι γιαβερές. Οτθάρ, νιωθίνενα πο αρακχαντέ οντουλέ τζενένταρ σο απλώς μπεσένα γιεκ χωρίς τι αβέν νόμιμα παντριμέ. Επίσης, λένγκε τσσαβέ-ντα κα νιωθίνεν πο αρακχαντέ.

      3. Σαρ ντικχέλα ο Ιεχωβά ο μπιαβ;

      Κάνα ο Ιεχωβά κερντάς ο πρώτος μπιαβ, βακερντάς: «Ο τζενό κα μουκχέλ πι νταντές ντα πι νταγιά ντα κα ατσσόλ πασέ πι ρομνιάτε». (Γένεση 2:​24) Ο Ιεχωβά μανγκέλα ο ρομ ντα η ρομνί τι μανγκέν ο εκ ι γιαβερές ντα τι ατσσόν για πάντα μαζί. Μουκχέλα ο διαζύγιος σάντε άμα ο εκ κατά ντούι γκιλό γιαβερέσαρ. Αζομάν, ο Ιεχωβά ντέλα ο δικαίωμας οντουλέστε σο να κερντάς λουμνιπέ τι τραμπίνελ άμα κα λελ διαζύγιος.a (Ματθαίος 19:9) Ο Ιεχωβά βακερέλα ότι ο Χριστιανοί δεν πρέπει τι τθερέν πο μπουτ εκχέ ρομέσταρ ή εκχέ ρομνιάταρ.​—1 Τιμόθεο 3:2.

      ΧΑΝΤΖΟΥΒ ΠΟ ΑΧΟΡΤ

      Σίκλιουβ σαρ μπορίνεσα τι αβές ευτυχισμέ, ντα τι ντες κο Ιεχωβά-ντα χαρά, είτε ισινάν μπίπαντριμε είτε παντριμέ.

      4. Τι χρησιμοποιήνες λατσσές ο δώρος σο τθερέσα τι αβές εργένη

      Ο Ιησούς πακιάλας ότι ισί δώρος τι αβέλ εργένη εκ τζενό. (Ματθαίος 19:​11, 12) Διαβάνεν Ματθαίος 4:​23 ντα σοράν συζητίνεν ι ερώτηση:

      • Για τι υπηρετίνελ πι Νταντές ντα τι βοηθίνελ ι γιαβερέν, σαρ χρησιμοποιήνελας ο Ιησούς ο δώρος σο τθερέλας τι αβέλ εργένη;

      Ο μπίπαντριμε Χριστιανοί τθερένα μπαρί χαρά κάνα χρησιμοποιήνενα πουμαρί ζωή αντικάς σαρ ο Ιησούς. Ντικχέν ο ΒΙΝΤΕΟΣ ντα σοράν συζητίνεν ι ερώτηση:

      ΒΙΝΤΕΟΣ: Πιστά Τζενέ σο Ισί Μπίπαντριμε (3:11)

      • Καλέ λατσσέ τροπόντζαρ μπορίνενα τι χρησιμοποιήνεν ο Χριστιανοί ο δώρος τι αβέν εργένια;

      Τζανέας-λες;

      Η Γραφή να βακερέλα καζόμ μπρεσένγκο πρέπει τι αβέλ εκ τζενό για τι παντρίνελ. Όμως, βακερέλα μα τι παντρίνεν “μπουτ τερνέ”, σόσκε αζομάν ο σεξουαλικές επιθυμίες ισί πο ζουρανέ ντα κα μπορίνενας τι κερέν εκχέ τερνές μα τι λελ γκοντιαβέρ αποφάσεις.​—1 Κορινθίους 7:36.

      5. Τράμπινε γκοντιάσαρ ι ρομνιά ή ι ρομές σο κα λες

      Εκ κατά πο σημαντικές αποφάσεις σο τθερέσα τι λες ισί τι τραμπίνες κάσαρ κα παντρίνες. Διαβάνεν Ματθαίος 19:​4-6, 9 ντα σοράν συζητίνεν ι ερώτηση:

      • Σόσκε δεν πρέπει εκ Χριστιανός τι σιγκιαρέλ τι παντρίνελ;

      Η Γραφή μπορίνελα τι σικαβέλ τούκε καλά ιδιότητες κερένα εκχέ τζενές λατσσό ρομ ή ρομνί. Ο πο σημαντικός ισί τι μανγκέλ ι Ιεχωβάς.b Διαβάνεν 1 Κορινθίους 7:​39 ντα 2 Κορινθίους 6:​14. Σοράν συζητίνεν ο ερωτήσεις:

      • Σόσκε πρέπει τι παντρίνας σάντε εκχέ τζενέσαρ σο τθερέλα ι ίδια πίστη αμέντζαρ;

      • Σαρ πακιάσα τούι ότι κα νιωθίνελας ο Ιεχωβά άμα κα παντρίναας εκχέ τζενέσαρ σο να μανγκέλα-Λες;

      Εκ ζουρανό γκουρούβ ντα εκ χχερ νακχένα μπουτ δύσκολα τελάλ εκχέ ζυγόσταρ σο ισί καστικανό.

      Άμα ντούι μπουτ διαφορετικά ζώα ισί τελάλ κατά ίδιος ζυγός, κα νακχέν μπουτ δύσκολα. Αντικάς-ντα, κάνα εκ Χριστιανός παντρίνελα εκχέ τζενέσαρ σο να τθερέλα ι ίδια πίστη λέσαρ κα τθερέλ μπουτ προβλήματα

      6. Τι ντικχές ο μπιαβ σαρ ντικχέλα-λες ο Ιεχωβά

      Κο πουρανό Ισραήλ, κάποια μουρσά λένας διαζύγιος πουμαρέ ρομνιάταρ για τι κερδίνεν κάτι. Διαβάνεν Μαλαχίας 2:​13, 14, 16 ντα σοράν συζητίνεν ι ερώτηση:

      • Σόσκε μισίνελα ο Ιεχωβά ο άδικος διαζύγιος;

      Εκ ντάι σο ισί στεναχωριμέ ντικχέλα πι ρομές τι νασέλ κατά κχερ. Λένγκι τσσάι στεναχωριμέ ντέλα ανγκάλι πι νταγιά.

      Ο λουμνιπέ ντα ο διαζύγιος ανένα μπουτ ντουκχ κο τσσαβέ ντα κο τζενό σο να κερντάς κάτι

      Ντικχέν ο ΒΙΝΤΕΟΣ ντα σοράν συζητίνεν ι ερώτηση:

      ΒΙΝΤΕΟΣ: Μπιαβ​—Τι Ατσσόν για Πάντα Γιεκ (4:30)

      • Άμα ισινάν παντριμέ εκχέ τζενέσαρ σο να μανγκέλα ι Ιεχωβάς, σο κα μπορίνεας τι κερές για τι τθερές εκ ευτυχισμέ μπιαβ;

      7. Τι κερές ο κανόνες σο τθερέλα ο Ιεχωβά ι μπιαβέσκε

      Για τι κερέλ εκ τζενό ο κανόνες σο τθερέλα ο Ιεχωβά ι μπιαβέσκε, μπέκιμ τι χρειαζίντιβελ τι κερέλ μπουτ μπαρέ προσπάθειες.c Αλλά ο Ιεχωβά ευλογίνελα οντουλέν σο κερένα-λες ανταβά. Ντικχέν ο ΒΙΝΤΕΟΣ.

      ΒΙΝΤΕΟΣ: Μπορίνενα τι Κερέν ο Κανόνες σο Τθερέλα ο Ιεχωβά ι Μπιαβέσκε (4:14)

      Διαβάνεν Εβραίους 13:4 ντα σοράν συζητίνεν ο ερωτήσεις:

      • Πακιάσα ότι ο κανόνες σο τθερέλα ο Ιεχωβά ι μπιαβέσκε ισί γκοντιαβέρ ή όχι; Σόσκε βακερέσα-λες ανταβά;

      Ο Ιεχωβά μανγκέλα κατά Χριστιανοί κάνα παντρίνενα ή χωρίνενα τι κερέν-λες αντικάς σαρ βακερέλα ο κράτος. Διαβάνεν Τίτο 3:1 ντα σοράν συζητίνεν ι ερώτηση:

      • Άμα ισινάν παντριμέ, ισινάν σίγουρος ότι το μπιαβ ισί νόμιμος κο κράτος;

      ΕΚ ΤΖΕΝΟ ΜΠΟΡΕΙ ΤΙ ΠΟΥΤΣΕΛ-ΤΟΥΤ: «Σόσκε πρέπει τι παντρίνελ εκ αντρόγυνος; Ναστί μπεσένα γιεκ χωρίς τι αβέν νόμιμα παντριμέ;»

      • Σο κα βακερέας;

      ΧΑΝΙΚ ΛΑΦΙΝΤΖΑΡ

      Είτε ισί παντριμέ εκ τζενό είτε νανέ, ισί δώρος κατά Ιεχωβά. Ο ντούι-ντα ανταλά, μπορεί τι ντεν χαρά ντα τι πφερέν ο γκι αρκεί τι κερέλ εκ τζενό οντουβά σο μανγκέλα ο Ιεχωβά.

      Σο Σικλιλάν;

      • Σαρ μπορίνελα εκ τζενό τι χρησιμοποιήνελ ι πο λατσσέ τροπόσαρ ο μπρεσά σο ισί εργένη;

      • Σόσκε βακερέλα η Γραφή τι παντρίνας σάντε εκχέ τζενέσαρ σο τθερέλα ι ίδια πίστη αμέντζαρ;

      • Κάνα σάντε μουκχέλα η Γραφή εκχέ τζενές τι λελ διαζύγιος;

      Σο Μανγκάβα τι Κεράβ

      ΡΟΝΤΕ

      Σο μανγκέλα τι βακερέλ τι παντρίνας «σάντε εκχέσαρ σο ακολουθίνελα ι Κυριός»;

      «Ο Τζενέ σο Διαβάνενα Πουτσένα» (Η Σκοπιά 1 Ιουλίου 2004)

      Ντικχ ντούι χουρντέ βίντεα σο μπορίνενα τι βοηθίνεν-τουτ τι λες λατσσέ αποφάσεις κο ραντεβού, κι γνωριμία ντα κο μπιαβ.

      Προετοιμάντιβεν ι Μπιαβέσκε (11:53)

      Σίκλιουβ σόσκε πακιάλα εκ πφραλ ότι οντουλά σο ντινάς-λες ο Ιεχωβά ισί μπουτ πο σημαντικά οντουλένταρ σο μουκχλάς παλάλ.

      Πακιάβας ότι κα Αβέλας Βόι-ντα κι Ντεβλέσκο Ντρομ (1:56)

      Καλά ισί μερικά πράγματα σο πρέπει τι σκεφτίνελ εκ τζενό πριν τι λελ διαζύγιος ή τι χωρίνελ;

      «Τι Σεβάνεν “Ανταβά σο ο Ντεβέλ Κερντάς Εκ”» (Η Σκοπιά, Δεκέμβριος 2018)

      a Για τι αγαβές άμα εκ τζενό τθερέλα ο δικαίωμας τι χωρίνελ χωρίς τι γκιλό γιαβερέσαρ ο εκ κατά ντούι, ντικχ ι Σημείωση 4 κο παλαϊνέ σελίδες.

      b Μερικέ τθεμέντε, τραμπίνενα ο ντατ ντα η ντάι ρομές ή ρομνιά πουμαρέ τσσαβέσκε ή τσσαγιάκε. Κάνα αβέλα-πες ανταβά, ο πρώτος πράγμας σο πρέπει τι ντικχέν ο ντατ ντα η ντάι νανέ ο λοβέ ή κατάρ ισί ο τζενό, αλλά άμα μανγκέλα ι Ιεχωβάς.

      c Άμα μπεσέσα εκχέ τζενέσαρ χωρίς τι αβέν νόμιμα παντριμέ, τούι κα τραμπίνες άμα κα μουκχές-λες ή κα παντρίνες οντουλέ τζενέσαρ.