Ο Τζενέ σο Διαβάνενα Πουτσένα

Καβά ισί «ο λάφι ι Ντεβλέσκο» σο βακέρντιβελα κο εδάφιος Εβραίους 4:​12 ότι «ισί τζουβντό ντα τθερέλα ζορ»;

Οντουλά σο γραφίνελα ο Παύλος κο προηγούμενα εδάφια βοηθίνενα-αμέν τι αγαβάς ότι κερέλας λάφι οντουλένγκε σο βακερντάς ο Ντεβέλ ντα σο τθερένα τι κερέν Λέσκε σκοπόσαρ, σαρ αρακχάσα-λεν κι Αγία Γραφή.

Ο εδάφιος Εβραίους 4:​12 υπαρχίντιβελα μπουτ φαρ κο έντυπα αμαρέντε για τι σικαβέλ ότι η Γραφή τθερέλα ι ζορ τι αλλάνελ ζωές, ντα ανταβά ισί σωστός. Όμως, ισί σημαντικός τι αγαβάς καλέ πραγμάσκε κερέλας λάφι ο Παύλος όταν γραφιντάς ο λάφια σο ισί κο εδάφιος Εβραίους 4:​12. Βακερέλας κο Εβραίοι Χριστιανοί τι κερέν μπουτί γιεκ ι Ντεβλέσαρ για τι αβέλ-πες Λέσκο σκοπός, σαρ τζανένας οντουβά σκοπός κο βιβλία κι Γραφιάκε σο υπαρχίντιβενας αζομάν. Ο Παύλος βακερντάς ο παράδειγμας ι Ισραηλιτένγκο σο ελευθερωντάς-λεν ο Ντεβέλ κατά Αίγυπτος. Βον τθερένας ι ελπίδα τι τζαν κο τθεμ σο βακερντάς ο Ιεχωβά ότι κα ντέλας-λεν, οτθέ “σο νικιόλας ο τθουτ ντα ο αβγίν,” οτθέ σο κα μπορίνενας τι τθερέν πραγματική ξεκούραση.​—Έξοδος 3:8· Δευτερονόμιο 12:9, 10.

Ανταβά ισινέ ο σκοπός ι Ντεβλέσκο. Όμως, ο Ισραηλίτες να μανγκλέ τι οδηγίνελ-λεν ο Ιεχωβά ντα να τθερένας πίστη. Οτθάρ, ο πιο μπουτ λένταρ να τθερένας οντιά ξεκούραση. (Αριθμοί 14:​30· Ιησούς του Ναυή 14:​6-10) Αλλά ο Παύλος βακερντάς επίσης ότι υπαρχίντιβελας «εκ υπόσχεση για τι ξεκουράντιβας κο ντιβές σο ξεκουράντιβελα [ο Ντεβέλ]». (Εβραίους 3:​16-19· 4:1) Ανταγιά «υπόσχεση» σίγουρα ισί αντρέ κο σκοπός σο σικαντάς αμένγκε ο Ντεβέλ. Σαρ ο Εβραίοι Χριστιανοί, αντικάς αμέν-ντα μπορίνασα τι διαβάνας ανταλέ σκοπόσκε ντα τι κεράς μπουτί γιεκ ι Ντεβλέσαρ για τι αβέλ-πες. Για τι σικαβέλ ότι ανταγιά υπόσχεση βασίντιβελα κι Γραφή, ο Παύλος βακερντάς κάποια λάφια κατά εδάφια Γένεση 2:2 ντα Ψαλμός 95:11.

Χαιρίνασα μπουτ σο «ατσσόλα εκ υπόσχεση για τι ξεκουράντιβας [αμέν-ντα] κο ντιβές σο ξεκουράντιβελα [ο Ντεβέλ]». Πακιάσα ότι η υπόσχεση σο σικλιαρέλα η Γραφή για την ξεκούραση ι Ντεβλέσκι κα αβέλ-πες μπαγιά, ντα κερντάμ προσπάθειες για τι τθεράς ανταγιά ξεκούραση. Για τι κεράς-λες ανταβά, να προσπαθίνασα τι κεράς οντουλά σο βακερέλα ο Μωσαϊκός Νόμος ή τι κεράς λατσσέ πράγματα απλά για τι κερδίνας ι αγάπη ι Ιεχωβάσκι. Αλλά επειδή τθεράσα πίστη κο Ντεβέλ, κερντάμ μπουτί γιεκ λέσαρ με χαρά​—ντα συνεχίνασα τι κεράς—​για τι αβέλ-πες Λέσκο σκοπός. Επίσης, χιλιάδες τζενέ σαρό κο ντουνιάς αρχισάλε τι διαβάνεν ι Αγία Γραφή ντα τι σικλιόν οντουλά σο τθερέλα σικαντό αμένγκε ο Ντεβέλ πι σκοπόσκε. Ανταβά κερντάς μπουτέν οντουλένταρ τι αλλάνεν ο τρόπος σο τζουβντιόνα, τι σικαβέν πίστη ντα τι μπολντιόν. Ανταβά σικαβέλα ξεκάθαρα ότι «ο λάφι ι Ντεβλέσκο ισί τζουβντό ντα τθερέλα ζορ». Οντουλά σο σικαντάς αμένγκε ο Ντεβέλ αντράλ κατά Γραφή πι σκοπόσκε αλλαντέ αμαρί ζωή, ντα κα συνεχίνεν τι επηρεάνεν-λα.