Τι Αβές Τίμιος Σαρέ κο Πράγματα

Σαρέ μανγκάσα τι τθεράς τίμιε αμαλέν σο βακερένα ι αλήθεια. Ο Ιεχωβά-ντα μπεσέλα πι αμαλένταρ τι αβέν τίμιοι. Αλλά ανταβά νανέ εύκολος εκχέ ντουνιάστε σο μπουτ τζενέ νανέ τίμιοι. Σο λατσσιπέ αβέλα αμένγκε κάνα ισινάμ τίμιοι σαρέ κο πράγματα;

1. Καβά ισί ο πο σημαντικός λόγος για τι αβάς τίμιοι;

Κάνα ισινάμ τίμιοι ι γιαβερέντζαρ, σικαβάσα ι Ιεχωβάσκε ότι μανγκάσα-λες ντα σεβάνασα-λες. Σκέφτινε: Ο Ιεχωβά τζανέλα σαρέ οντουλά σο σκεφτίνασα ντα κεράσα. (Εβραίους 4:​13) Κάνα τραμπίνασα τι αβάς τίμιοι, βοβ ντικχέλα-λες ντα εκτιμίνελα-λες. Λέσκο Λάφι βακερέλα: «Ο Ιεχωβά τζουνγκάλα κατά τζενό σο ισί μοβόρι, αλλά ισί λατσσό αμάλ οντουλέντζαρ σο ισί δίκαιοι».​—Παροιμίες 3:32.

2. Καλά ισί μερικοί τρόποι σο μπορίνασα τι αβάς τίμιοι κάθε ντιβές αμαρέ ζωγιάτε;

Ο Ιεχωβά μανγκέλα αμένταρ “τι βακεράς ι αλήθεια ο εκ κο γιαβέρ”. (Ζαχαρίας 8:16, 17) Σο μανγκέλα τι βακερέλ ανταβά; Μανγκέλα τι βακερέλ ότι κάνα κεράσα λάφι αμαρέ φαμιλιάσαρ, γιαβερέ τζενέντζαρ κι μπουτί, αμαρέ πφραλέντζαρ ντα πφενίντζαρ ή τζενέντζαρ σο τθερένα εξουσία κο κράτος να βακεράσα ψέματα ούτε κεράσα-λεν τι αγαβέν λάθος πράγματα. Ο τίμια τζενέ να τσορένα ούτε χουχαβένα ι γιαβερέν. (Διαβάνεν Παροιμίες 24:​28 ντα Εφεσίους 4:​28) Επίσης, ποκινένα σαρέ ο φόροι σο πρέπει τι ντεν. (Ρωμαίους 13:​5-7) Ασακέ ντα γιαβερέ τροπόντζαρ, ισινάμ «τίμιοι σαρέ κο πράγματα».​—Εβραίους 13:18.

3. Σο λατσσιπέ αβέλα αμένγκε κάνα ισινάμ τίμιοι;

Κάνα ο γιαβερά τζανένα ότι ισινάμ τίμιοι, ντένα αμένγκε μπέσα. Βοηθίνασα ι γιαβερέν αντρέ κι κχανγκιρί τι νιωθίνεν αρακχαντέ ντα τι αβάς σαρ εκ φαμιλί. Τθεράσα πάκι συνείδηση. Ντα κάνα ισινάμ τίμιοι “κεράσα ατζέ πο σουκάρ ο λάφια ι Ντεβλέσκε, Οντουλέσκε σο σώνελα-αμέν” ντα βοηθίνασα ι γιαβερέν τι μανγκέν τι σικλιόν ι Ιεχωβάσκε.​—Τίτο 2:​10.

ΧΑΝΤΖΟΥΒ ΠΟ ΑΧΟΡΤ

4. Κάνα ισινάμ τίμιοι αβέλα ι Ιεχωβάσκο γκι

Διαβάνεν Ψαλμός 44:​21 ντα Μαλαχίας 3:​16 ντα σοράν συζητίνεν ο ερωτήσεις:

• Τούι σο πακιάσα, σόσκε νανέ γκοντιαβέρ τι αμντίνας ότι μπορίνασα τι γκεραβάς ι αλήθεια;

• Σαρ πακιάσα ότι νιωθίνελα ο Ιεχωβά κάνα τραμπίνασα τι βακεράς ι αλήθεια ατζέ-ντα κάνα ανταβά ισί δύσκολος;

5. Τι αβές πάντα τίμιος

ΒΙΝΤΕΟΣ: Σο Βοηθίνελα-αμέν τι Τθεράς Χαρά;​—Πάκι Συνείδηση (2:32)

Διαβάνεν Εβραίους 13:​18 ντα σοράν συζητίνεν σαρ μπορίνασα τι αβάς τίμιοι ντα τι βακεράς ι αλήθεια  . . .

• αμαρέ φαμιλιάτε.

• κι μπουτί ή κο σχολείος.

• γιαβερέ περιπτωσιέντε.

6. Κάνα ισινάμ τίμιοι τθεράσα λατσσιπέ

Μπάζιμα, η τιμιότητα μπέκιμ τι ανέλ αμένγκε προβλήματα. Αλλά κο τέλος, ισί πάντα ο πο λατσσό σο μπορίνασα τι κεράς. Διαβάνεν Ψαλμός 34:​12-16 ντα σοράν συζητίνεν ι ερώτηση:

• Σαρ κα αβέλ τι ζωή πο λατσσί άμα ισινάν τίμιος;

1. Ο αντρόγυνα σο βακερένα ι αλήθεια ο εκ κο γιαβέρ κερένα πουμαρό μπιαβ πο ζουρανό

2. Ο τζενέ σο ισί τίμιοι κερδίνενα ι μπέσα πουμαρέ αφεντικόνγκι

3. Ο τζενέ σο ισί τίμιοι κερδίνενα ο σεβασμός ι τζενένγκο σο τθερένα εξουσία

ΧΑΝΙΚ ΛΑΦΙΝΤΖΑΡ

Ο Ιεχωβά μανγκέλα πι αμαλένταρ τι αβέν τίμιοι σαρέ οντουλέντε σο βακερένα ντα κερένα.

Σο Σικλιλάν;

• Καλά ισί μερικοί τρόποι σο μπορίνεσα τι αβές τίμιος;

• Σόσκε νανέ γκοντιαβέρ τι αμντίνας ότι μπορίνασα τι γκεραβάς ι αλήθεια;

• Σόσκε πρέπει τι αβές πάντα τίμιος;

ΡΟΝΤΕ

Σαρ μπορίνενα ο νταντά ντα ο νταγιά τι σικλιαρέν πουμαρέ τσσαβέν τι αβέν τίμια;

Τι Βακερές ι Αλήθεια (1:44)

Καλά λατσσίματα αβένα κάνα ατσσικιαράσα αμαρό λάφι;

Κάνα Ατσσικιαράσα Αμαρό Λάφι, Τθεράσα Ευλογίες (9:09)

Ντικχ άμα πρέπει τι ποκινάς φόρους ατζέ-ντα κάνα να χρησιμοποιήντιβενα σωστά.

«Φόροι​—Πρέπει τι Ποκινέν-λεν;» (Η Σκοπιά 1 Σεπτεμβρίου 2011)

Σο τσσιντιντάς εκχέ τζενές σο να ισινέ τίμιος, τι αλλάνελ πι ζωή ντα τι κερέλ εκ τίμια μπουτί για τι νικαβέλ πο μαντρό;

«Σικλιλόμ ότι ο Ιεχωβά Τζιτζίνελα ντα Συγχωρίνελα» (Η Σκοπιά 1 Μαΐου 2015)