Μπορίνεσα τι Αβές Αμάλ ι Ιεχωβάσκο

Ο Ιεχωβά μανγκέλα τι σικλιός-λες πο λατσσές. Σόσκε; Μπεκλεντίνελα ότι καζόμ πο μπουτ σικλιόσα λέσκε λατσσιματένγκε, οντουλένγκε σο κερέλα ι τζενένγκε ντα οντουλένγκε σο τθερέλα πι γκοντιάτε, κα μανγκές ατζέ πο μπουτ τι αβές λέσκο αμάλ. Μπορίνεσα μπαγιά τι αβές αμάλ ι Ντεβλέσκο; (Διαβάνεν Ψαλμός 25:14) Σο μπορίνεσα τι κερές για τι αβές λέσκο αμάλ; Η Αγία Γραφή απαντίνελα ανταλέ ερωτησιέντε ντα σικαβέλα σόσκε η φιλία ι Ιεχωβάσαρ ισί ο πο σημαντικός πράγμας σο μπορίνεσα τι τθερές.

1. Σο μανγκέλα τούταρ ο Ιεχωβά;

“Τζα πασέ κο Ντεβέλ, ντα βοβ κα αβέλ πασέ τούτε”. (Ιακώβου 4:8) Σο μανγκέλα τι βακερέλ ανταβά; Ο Ιεχωβά βακερέλα τούκε τι αβές λέσκο αμάλ. Ισί τζενέ σο δυσκολίντιβενα τι πακιάν ότι μπορίνενα τι αβέν αμαλά ι Ντεβλέσαρ σόσκε ναστί ντικχένα-λες. Όμως, ο Ιεχωβά σικαβέλα αντρέ πι Λαφίστε, κι Αγία Γραφή, σο-ντα πρέπει τι τζανάς λέσκε για τι αβάς πασέ λέστε. Κάνα διαβάνασα ι Γραφή, σο τθερέλα ο λάφια σο μανγκέλα ο Ντεβέλ τι τζανάς, αβάσα πο λατσσέ αμαλά ι Ιεχωβάσαρ παρόλο σο να ντικχλάμ-λες ποτές.

2. Σόσκε ισί ο Ιεχωβά ο πο λατσσό Αμάλ σο μπορίνεσα τι τθερές;

Καέκ τζενό να μανγκέλα-τουτ πο μπουτ κατά Ιεχωβά. Βοβ μανγκέλα τι αβές ευτυχισμέ ντα τι μανγκές λέσκι βοήθεια κάνα τθερέσα-λα ανάγκη. Μπορίνεσα τι μουκχές “οπρά-λέστε σο-ντα στεναχώρια τθερέσα σόσκε βοβ πφαμπόλα τούκε”. (1 Πέτρου 5:7) Ο Ιεχωβά πάντα μανγκέλα τι βοηθίνελ πι αμαλέν, τι λοκχιαρέλ λένγκο γκι ντα τι ασουνέλ-λεν.​—Διαβάνεν Ψαλμός 94:18, 19.

3. Σο μπεκλεντίνελα ο Ιεχωβά πι αμαλένταρ;

Ο Ιεχωβά μανγκέλα σαρέ ι τζενέν, «αλλά ισί λατσσό αμάλ οντουλέντζαρ σο ισί δίκαιοι» ή γιαβέρτουλους οντουλέντζαρ σο κερένα ο σωστός. (Παροιμίες 3:32) Ο Ιεχωβά μπεκλεντίνελα πι αμαλένταρ τι προσπαθίνεν τι κερέν οντουλά σο ισί λατσσέ λέσκε γιακχίντε ντα τι νασέν ντουρ μπίλατσσε πραγματένταρ. Ισί τζενέ σο αμντίνενα ότι να αβέλα-πες τι ντεν καν κο κανόνες κι Ιεχωβάσκε ι λατσσιμάσκε ντα ι γκεραλιμάσκε, αλλά ο Ιεχωβά τζιτζίνελα σαριλένγκε. Δεχτίνελα ι κάθε τζενές σο μανγκέλα-Λες μπαγιά ντα κερέλα ο πο λατσσό για τι αβέλ Λέσκο γκι.​—Ψαλμός 147:11· Πράξεις 10:34, 35.

ΧΑΝΤΖΟΥΒ ΠΟ ΑΧΟΡΤ

4. Ο Αβραάμ ισινέ αμάλ ι Ιεχωβάσκο

Οντουλά σο βακερέλα η Γραφή ι Αβρααμίσκε (σο βακέρντιβελας εμ Άβραμ) σικαβένα αμένγκε σο μανγκέλα τι βακερέλ τι αβές αμάλ ι Ντεβλέσκο. Διαβάνεν ι Αβρααμίσκε κο εδάφια Γένεση 12:1-4. Σοράν συζητίνεν ο ερωτήσεις:

• Σο μανγκλάς ο Ιεχωβά κατά Αβραάμ;

• Σο λάφι ντινάς ο Ιεχωβά λέστε;

• Σο κερντάς ο Αβραάμ κάνα ο Ιεχωβά ντινάς-λες ανταλά οδηγίες;

5. Σο μανγκέλα ο Ιεχωβά πι αμαλένταρ

Μπουτ φαρ μπεκλεντίνασα κάποια πράγματα αμαρέ αμαλένταρ.

• Καλά ισί μερικά πράγματα σο κα μανγκέας τι κερέν τούκε το αμαλά;

Διαβάνεν 1 Ιωάννη 5:3 ντα σοράν συζητίνεν ι ερώτηση:

• Σο μπεκλεντίνελα ο Ιεχωβά πι αμαλένταρ;

Για τι ντας καν κο Ιεχωβά, μπέκιμ τι χρειαζίντιβελα τι αλλάνας οντουλά σο κεράσα ή αμαρό χαρακτήρας. Διαβάνεν Ησαΐας 48:17, 18 ντα σοράν συζητίνεν ι ερώτηση:

• Σόσκε μανγκέλα ο Ιεχωβά πι αμαλένταρ τι κερέν αλλαγές;

6. Σο κερέλα ο Ιεχωβά πι αμαλένγκε

ΒΙΝΤΕΟΣ: Ο Ιεχωβά Κερντάς Αζόμ Μπουτ Μάνγκε (3:20)

• Σαρ ντικχλάμ κο βίντεος, σαρ βοηθιντάς ο Ιεχωβά ι τζουβλιά τι ντελ πέρα ο μπέτι σκέψεις ντα αισθήματα σο τθερέλας;

Διαβάνεν Ησαΐας 41:10, 13 ντα σοράν συζητίνεν ο ερωτήσεις:

• Σο ντέλα πο λάφι ο Ιεχωβά τι κερέλ σαρέ πι αμαλένγκε;

• Πακιάσα ότι ο Ιεχωβά κα αβέλας λατσσό Αμάλ τούκε; Σόσκε πακιάσα-λες ανταβά;

7. Για τι αβάς αμαλά ι Ιεχωβάσαρ πρέπει τι κεράς λέσαρ λάφι ντα τι ασουνάς-λες

Κάνα κεράσα λάφι αμαρέ αμαλέντζαρ ντα ασουνάσα-λεν, αμαρί φιλία αβέλα πο ζουρανί. Διαβάνεν Ψαλμός 86:6, 11 ντα σοράν συζητίνεν ο ερωτήσεις:

• Σαρ μπορίνασα τι κεράς λάφι ι Ιεχωβάσαρ;

• Σαρ κερέλα λάφι ο Ιεχωβά αμέντζαρ;

ΧΑΝΙΚ ΛΑΦΙΝΤΖΑΡ

Ο Ιεχωβά μανγκέλα τι αβέλ το Αμάλ, ντα κα βοηθίνελ-τουτ τι αβές πασέ λέστε.

Σο Σικλιλάν;

• Σαρ βοηθίνελα ο Ιεχωβά πι αμαλέν;

• Σόσκε βακερέλα ο Ιεχωβά πι αμαλένγκε τι κερέν αλλαγές;

• Τούι σαρ αγαβέσα, μπεκλεντίνελα μπουτ πράγματα ο Ιεχωβά πι αμαλένταρ; Σόσκε βακερέσα-λες ανταβά;

ΡΟΝΤΕ

Σο λατσσιπέ κα τθερές τι ζωγιάτε άμα κα αβές αμάλ ι Ντεβλέσαρ;

«Αξίνελα τι Σικλιάς ι Ιεχωβά Ντεβλέσκε» (Η Σκοπιά 15 Φεβρουαρίου 2003)

Σίκλιουβ σαρ μπορίνεσα τι αβές αμάλ ι Ντεβλέσαρ.

«Σαρ Μπορίναβα τι Αβάβ Αμάλ ι Ντεβλέσαρ;» (Οι Νεαροί Ρωτούν​—Αποτελεσματικές Απαντήσεις, Τόμος 2, κεφάλαιος 35)

Ντικχ σόσκε εκ τζουβέλ πακιάλα ότι η φιλία σο τθερέλα ι Ιεχωβάσαρ σωντάς-λα.

«Να Μανγκάβας τι Μεράβ!» (Η Σκοπιά, Αρ. 1 2017)

Ασούν μερικέ τερνέν σο βακερένα σαρ νιωθίνενα ι Ιεχωβάσκε.

Σο Μανγκέλα τι Βακερέλ τι Αβές Αμάλ ι Ντεβλέσκο; (1:46)