Σαρ τι Σικλιαράς ι Γιαβερέν Κατά Ειδικός Βιβλιάριος Λατσσέ Αμπέρια
1. Σαρ ισί κερντό ο ειδικός βιβλιάριος Λατσσέ Αμπέρια;
1 Αμαρί Διακονία της Βασιλείας κο Ιούλιος σικαντάς ότι εκ σημαντικός εργαλείος σο τθεράσα αμαρέ βαστέντε για τι σικλιαράς τζενέν κο έργος ισί ο βιβλιάριος Ο Λατσσέ Αμπέρια ι Ντεβλέσκε! Για τι τθερέν ο τζενέ ι χαρά τι σικλιόν κατευθείαν κατά Αγία Γραφή, ο εδάφια σο τθερένα ο παράγραφοι νανέ γραμμέ αντρέ κο βιβλιάριος. Κο πιο μπουτ βιβλία ντα βιβλιάρια σο τθεράσα για τι κεράς μελέτες, ο τζενέ μπορίνενα τι σικλιόν μπουτ πράγματα ατζέ-ντα άμα να τθερένα βοήθεια καεκχέσταρ. Ανταλέ βιβλιαριόστε, όμως, ισί απαραίτητος τι βοηθίνας-λεν. Οτθάρ, κάνα ντάσα-λες κο τζενέ, πρέπει τι σικαβάς λένγκε οντιά στιγμή σαρ αβέλα-πες η μελέτη, για τι ντικχέν βον-ντα αζόμ χαρά λέλα κάποιος όταν σικλιόλα ο λατσσέ αμπέρια αντράλ κατά Αγία Γραφή.—Ματθ. 13:44.
2. Σαρ μπορίνασα τι χρησιμοποιήνας ο ειδικός βιβλιάριος Λατσσέ Αμπέρια όταν τζάσα ι τζενένγκε πρώτη φαρ;
2 Όταν Τζάνα Λένγκε Πρώτη Φαρ: Μπορίνενα τι βακερέν: «Αβιλόμ τι κχερέστε επειδή ο τζενέ σκεφτίνενα σο κα αβέλ-πες ανταλέ ντουνιάσαρ. Πακιάσα τούι ότι ο πράγματα κα αβέν πιο λατσσέ; [Μουκχέν τι απαντίνελ.] Η Γραφή τθερέλα λατσσέ αμπέρια σο ντένα-αμέν ελπίδα. Ντικχ μερικές ερωτήσεις σο μπορίνασα τι λας απαντήσεις κατά Αγία Γραφή». Ντε κο τζενό ο βιβλιάριος ντα μανγκέν λέσταρ τι τραμπίνελ εκ ερώτηση σο ισί κι τελευταία σελίδα. Σοράν, διαβάνεν λέσκε ι πρώτη παράγραφος κατά κεφάλαιος σο κα τραμπίνελ ντα σικαβέν λέσκε οντιά στιγμή σαρ αβέλα-πες η μελέτη. Επίσης, μπορίνενα τουμέν τι τραμπίνεν εκ κεφάλαιος ντα τι κερέν λέσκε εκ ερώτηση σο κα ταρτίνελ λέσκι προσοχή. Σικαβέν λέσκε σαρ μπορίνελα ανταβά ειδικός βιβλιάριος τι βοηθίνελ-λες τι αρακχέλ ι απάντηση αντράλ κατά Αγία Γραφή. Άμα οντουλέ κεφαλαιόσκε ισί εκ βίντεος κο jw.org, μερικοί ευαγγελιζόμενοι σικαβένα-λες.
3. Βακερέν σαρ αβέλα-πες η μελέτη με το ειδικός βιβλιάριος Λατσσέ Αμπέρια.
3 Σαρ τι Κερέν ι Μελέτη: (1) Διαβάνεν ι ερώτηση σο ισί με πιο καλέ γράμματα για τι βοηθίνεν ι τζενές τι ντελ σημασία κο σημαντικός σημείος. (2) Διαβάνεν ι παράγραφος σο ισί πιο τελέ. (3) Διαβάνεν ο εδάφια σο ισί με πλάγια γράμματα ντα, χωρίς τι ανέν-λες σε δύσκολη θέση, κερέν λέσκε ερωτήσεις για τι βοηθίνεν-λες τι αγαβέλ σαρ απαντίνενα ο εδάφια κι ερώτηση. (4) Άμα εκ ερώτηση τθερέλα ντούι ή τριν παραγράφους, κερέν σε κάθε παράγραφος ο σημεία 2 ντα 3. Άμα οντουλέ ερωτημάσκε ισί εκ βίντεος σο να ντικχλάς, σικαβέν-λες λέσκε. (5) Τέλος, μανγκέν λέσταρ τι απαντίνελ κι ερώτηση για τι αβέν σίγουροι ότι αγαντάς ο σημείος.
4. Σο κα βοηθίνελ-αμέν τι χρησιμοποιήνας σωστά ανταβά σημαντικός βιβλιάριος;
4 Σικλιόν τι χρησιμοποιήνεν λατσσές ανταβά μπουτ σημαντικός βιβλιάριος. Τι αβέν έτοιμοι τι χρησιμοποιήνεν-λες σε κάθε ευκαιρία. Πριν τι κερέν ι κάθε μελέτη, σκεφτίνεν ι τζενές σο κερένα μελέτη ντα σαρ μπορίνενα τι χρησιμοποιήνεν ο εδάφια για τι συζητίνεν λέσαρ λογικά. (Παρ. 15:28· Πράξ. 17:2, 3) Καζόμ πιο μπουτ μελέτες κα κερέν ανταλέ βιβλιαριόσταρ, κα μανγκέν μπουτ τι χρησιμοποιήνεν-λες για τι σικλιαρέν ι αλήθεια κο τζενέ!