Σο Πρέπει τι Κεράς για τι Ευχαριστίνας ι Ντεβλές;

Μα κερέν ο κακός. 1 Κορινθίους 6:9, 10

Άμα μαγκάσα ι Ντεβλές, να κα κεράς οντουβά σο μισίνελα.

Ο Ιεχωβά να μαγκέλα τι τσοράς, τι ματιάς ή τι λας ναρκωτικά.

Ο Ιεχωβά μισίνελα ο μουνταριπέ ντα ο περαφκιαριπέ. Ο Ντεβέλ να μαγκέλα ο μουρς τι τζαλ μουρσέσαρ ντα ι τζουβέλ τζουβλιάσαρ. Να μαγκέλα τι μαγκάς έψαρε ο πράγματα αμέγκε ούτε τι χας-αμέν γιαβερέντζαρ.

Να κερέλα τι πακιάς κο είδωλα ούτε τι κεράς μάγια.

Οντουλά τζενέ σο κερένα μπέτι πράγματα να κα αβέν κο Παράδεισος σο κα αβέλ ατθέ κι πφουβ.

Τι κερέν ο λατσιπέ. Ματθαίος 7:12

Για τι ευχαριστίνας ι Ντεβλές, πρέπει τι προσπαθίνας τι μοιάζας λέστε.

Κα σικαβάς αγάπη κο γιαβερά, άμα κερντάμ λέγκε λατσιπέ, ντα σο ντα τι ντας, τι ντας-λες αντράλ αμαρέ γκίσταρ.

Μα τι τσοράς, μα τι χουχαβάς.

Τι τζιτζίνας ι γιαβερέγκε ντα τι συγχωρίνας-λεν.

Ο Ιεχωβά μαγκέλα τι μοτθαβάς λέσκο ναβ ντα λέσκε λάφια.​—Ησαΐας 43:10.