Ανταβά ειδικός βιβλιάριος κα βοηθίνελ-τουμέν τι σικλιόν αντράλ κατά Αγία Γραφή, με εκ τρόπος σο κα μπεϊντίνεν μπουτ. Η κάθε εκ παράγραφος κο τέλος τθερέλα εδάφια σο ντένα ο απαντήσεις ι Γραφιάκε κο ερωτήματα σο ισί με πιο καλέ γράμματα.

Όταν διαβάνενα ο εδάφια, σκεφτίνεν σαρ ντέλα απαντήσεις η Γραφή οντουλέ ερωτηματέντε. Κάποιος Μάρτυρας του Ιεχωβά κα χαιρίνελ τι βοηθίνελ-τουμέν τι σκεφτίνεν ντα τι αγαβέν οντουλά σο βακερέλα η Αγία Γραφή.​—Διαβάνεν Λουκάς 24:32, 45.

1. Καλά ισί ο λατσσέ αμπέρια ι Ντεβλέσκε;

Ο Ντεβέλ μανγκέλα τι χαιρίνας ι ζωή κι πφουβ. Κερντάς ι πφουβ ντα σαρέ οντουλά σο ισί λάτε επειδή μανγκέλα σαρέ ι τζενέν. Χάνικ ατζέ ντα ο Ντεβέλ κα εξαφανίνελ σαρέ οντουλέν σο ανένα ο προβλήματα ντα κα ανέλ κο ντουνιάς σε κάθε τθαν εκ σουκάρ μέλλον.​—Διαβάνεν Ιερεμίας 29:11.

Καέκ κυβέρνηση να μπορισάλι ποτές τι εξαφανίνελ ι βία, ο νασφαλίματα, ο πασλίματα ή ο μεριπέ. Αλλά υπαρχίντιβενα λατσσέ αμπέρια. Ατζεχάνικ, ο Ντεβέλ κα ανέλ πι κυβέρνηση ντα κα καταστραφίνελ σαρέ ι τζενένγκε κυβερνήσεις. Οντουλά σο μανγκένα ι Ντεβλέσκι κυβέρνηση κα τθερέν ειρήνη ντα λατσσί υγεία.​—Διαβάνεν Ησαΐας 25:8· 33:24· Δανιήλ 2:44.

2. Σόσκε ισί σημαντικός τι σικλιάς σουγκό ο λατσσέ αμπέρια;

Ο προβλήματα κα σταματίνεν μόνο όταν ο Ντεβέλ κα εξαφανίνελ κατά πφουβ οντουλέ τζενέν σο νανέ λατσσέ. (Σοφονίας 2:3) Κάνα κα αβέλ ανταβά; Πριν μπουτ μπρεσά η Αγία Γραφή βακερντάς αμένγκε ο πράγματα σο αβένα αντιβές ντα σο μπορίνενα τι καταστραφίνεν ι τζενέν. Σαρέ ανταλά μπέτι πράγματα σικαβένα ότι ερεσέλα μπουτ σουγκό ο ντιβές σο κα κερέλ κουμάντος ο Ντεβέλ.​—Διαβάνεν 2 Τιμόθεο 3:1-5.

3. Σο πρέπει τι κεράς;

Πρέπει τι σικλιάς ι Ντεβλέσκε κατά Αγία Γραφή. Ανταγιά ισί σαρ εκ γράμμας σο μπουτσσαντάς αμένγκε εκ λατσσό ντατ. Βακερέλα αμένγκε σαρ τι τθεράς εκ λατσσί ζωή ακανά ντα σαρ τι απολαμβάνας ζωή για πάντα κο μέλλον ατθέ κι πφουβ. Μερικά τζενέ μπορεί μα τι μπεϊντίνεν σο κα κερέν-τουμέν μελέτη κατά Αγία Γραφή. Αλλά μα χασαρέν ι ευκαιρία σο ντιντιόλα-τουμέν τι τθερέν εκ λατσσό μέλλον.​—Διαβάνεν Παροιμίες 29:25· Αποκάλυψη 14:6, 7.