Ο Πιστός Ιώβ Βακερέλα πι Μπαρέ Βασανένγκε

Ο Ιώβ ατσσιλό πιστός παρόλο σο χασαρντάς σαρί πι περιουσία, μουλέ λέσκε τσσαβέ ντα ισινέ μπουτ νασφαλό. Οτθάρ, ο Σατανάς προσπαθιντάς τι κερέλ-λες τι χασαρέλ πο κουράγιος ντα πι πίστη. Γκιλέ λέσκε τριν «αμαλά», ντα κι αρχή σικαντέ ότι τζιτζισάλε λέσκε. Σοράν, μπεσλέ μαζί με τον Ιώβ εφτά ντιβεσά χωρίς τι βακερέν ούτε εκ λάφι για τι παρηγορίνεν-λες. Κάνα νακχλέ ο εφτά ντιβεσά, αρχισάλε τι κατηγορίνεν-λες μπουτ.

Ο Ιώβ ατσσιλό πιστός κο Ιεχωβά παρόλο σο πιένενας-λες μπουτ ο γιαβερά

6:3· 7:16· 9:20-22· 10:1, 12

• Επειδή ισινέ μπουτ στεναχωριμέ, ο Ιώβ αρχισάλο τι ντικχέλ ο πράγματα με λάθος τρόπος. Αμντισάλο ότι να χάλας ανάγκη ι Ντεβλές άμα κα ατσσόλας πιστός

• Επειδή τθερέλας μπαρέ προβλήματα ντα χασαρντάς πο κουράγιος, ο Ιώβ να σκεφτιντάς ότι λέσκε βάσανα αβένας γιαβερτθάρ

• Παρόλο σο ο Ιώβ ισινέ μπουτ στεναχωριμέ, βακερντάς οντουλένγκε σο κατηγορίνενας-λες για την αγάπη σο τθερέλας ι Ιεχωβάσκε