Ο Χριστιανικές Ελληνικές Γραφές βακερένα μπουτ φαρ για τον Βαρνάβα ντα για τον απόστολο Παύλο. Αφού μουλό ο Ιησούς, βον ισινέ επίσκοποι ντα τζάνας κο εκκλησίες. Σόσκε; Επειδή πφαμπόνας μπαγιά πουμαρέ πφραλένγκε σο τθερένας ι ίδια πίστη. Ο Παύλος βακερντάς ότι μανγκέλας τι “βουρτίνελ για τι ντικχέλ σαρ ισινέ ο πφραλά”. Παρόλο σο κα κερέλας αζόμ μπουτ ντρομ, μανγκέλας τι τζαλ ντα τι κερέλ λένγκι πίστη πιο ζουρανί. (Πράξεις 15:​36) Ανταβά ακριβώς μανγκένα ο επίσκοποι περιοχής αντιβές-ντα.

Αβένα για τι ντεν-αμέν θάρρος τι συνεχίνας. Κάθε επίσκοπος περιοχής τζάλα σε περίπου 20 εκκλησίες ντούι φαρ κο μπρες ντα μπεσέλα εκ εβδομάδα κι κάθε εκκλησία. Μπορίνασα τι βοηθίντιβας μπουτ ανταλέ πφραλένταρ​—ντα λένγκε ρομνιένταρ, άμα ισί παντρεμέ. Βον προσπαθίνενα τι γνωρίνεν εμ ι χουρντέν εμ ι μπαρέν, ντα μανγκένα με χαρά τι τζαν αμέντζαρ τι κερέν λάφι ι Ντεβλέσκε ντα τι αβέν κο μελέτες σο τθεράσα. Ο επίσκοποι τζάνα κο πφραλά για τι κερέν λένγκι πίστη πιο ζουρανί γιεκ ι πρεσβυτερόντζαρ, κερένα ομιλίες κο συναθροίσεις ντα κο συνελεύσεις ντα αντικάς ντένα-λεν θάρρος για τι συνεχίνεν.​—Πράξεις 15:35.

Πφαμπόνα σαριλένγκε. Ο επίσκοποι περιοχής ενδιαφερίντιβενα μπουτ άμα ο πφραλά σο ισί κο εκκλησίες τζάνα λατσσές κι πίστη. Κερένα λάφι ι πρεσβυτερόντζαρ ντα με τους διακονικούς υπηρέτες για τι ντικχέν σαρ τζάλα η εκκλησία ντα για τι βοηθίνεν-λεν σαρ τι κερέν σαρέ ο πράγματα σωστά κι εκκλησία. Ο επίσκοποι περιοχής ντένα βοήθεια κο σκαπανείς για τι κερέν λάφι κο τζενέ πιο λατσσές ντα χαιρίνενα μπουτ τι γνωρίνεν ι τζενέν σο σικλιόνα ακανά ι Ντεβλέσκε ντα τι σικλιόν σαρ αβέλα λένγκι πίστη πιο ζουρανί. Ο κάθε εκ ανταλέ πφραλένταρ ντέλα οντουβά σο μπορίνελα πι νεαυτόσταρ «σαρ εκ τζενό σο βοηθίνελα-[αμέν] αμαρέ λατσσιμάσκε». (2 Κορινθίους 8:​23) Σαρ κερένα βον, αντικάς αμέν-ντα πρέπει τι πακιάς ντα τι κεράς αμαρέ ζωγιάτε σαρέ οντουλά σο μανγκέλα ο Ντεβέλ.​—Εβραίους 13:7.

• Σόσκε ο επίσκοποι περιοχής τζάνα κο εκκλησίες;

• Σαρ μπορίνενα τι βοηθίντιβεν όταν αβένα ο επίσκοποι;

Όταν αβέλα εκ καταστροφή, ο Μάρτυρες του Ιεχωβά γκιντίντιβενα σουγκό για τι βοηθίνεν πουμαρέ πφραλέν. Ανταλά προσπάθειες σικαβένα ι μπαρί αγάπη σο τθεράσα ο εκ ι γιαβερέσκε. (Ιωάννης 13:​34, 35· 1 Ιωάννη 3:​17, 18) Σαρ βοηθίνασα-λεν;

Ντάσα λοβέ. Μετά κατά μεριπέ ι Ιησούσκο, κι Ιουδαία αβιλί εκ μπαρί μποκχ ντα ο Χριστιανοί σο ισινέ κι Αντιόχεια μπουτσσαντέ λοβέ για τι βοηθίνεν πουμαρέ πφραλέν. (Πράξεις 11:​27-30) Αντικάς αμέν-ντα, όταν σικλιάσα ότι αμαρέ πφραλά εκχέ τθεμέστε νακχένα μπουτ δύσκολα, μπουτσσαβάσα λένγκε πράγματα αμαρέ εκκλησιάσαρ χωρίς τι μανγκάς λοβέ για τι μπορίνεν τι βοηθίντιβεν οντουλά σο τθερένα μπουτ μπαρί ανάγκη. ​—2 Κορινθίους 8:​13-15.

Ντάσα βοήθεια όταν υπαρχίντιβελα ανάγκη. Ο πρεσβύτεροι κο τθεμ σο νακχέλα εκ καταστροφή ρόντενα σαρέ ι πφραλένγκε σο ισί κι ίδια εκκλησία, για τι αβέν σίγουροι ότι να παθισάλε τίποτα. Εκ τανί ομάδα σο ντέλα βοήθεια βακερέλα σαρ κα ντιντιόλ ο χαμπέ, ο πανί, ο σέα, ο φάρμακα ντα κάι κα σοβέν. Μπουτ Μάρτυρες του Ιεχωβά σο τζανένα οντουλέ μπουτιένταρ σο χρειαζίντιβενα οτθέ τζάνα τι βοηθίνεν ι πφραλέν ντα τι ξανακερέν ο κχερά ντα ο Αίθουσες Βασιλείας σο καταστραφισάλε χωρίς τι ποκίντιβεν. Επειδή ισινάμ εκ ενωμέ λαός ντα βοηθιντάμ μπουτ φαρ σε γιαβερά-ντα καταστροφές, οτθάρ μπορίνασα τι τζας σουγκό αζομάν σο τθερένα-αμέν ανάγκη. Παρόλο σο τζάσα τι βοηθίνας οντουλέν σο τθερένα ι ίδια πίστη αμέντζαρ, όταν μπορίνασα βοηθίνασα εμ οντουλέν σο πακιάνα γιαβερτθέ.​—Γαλάτες 6:10.

Ντάσα-λεν κουράγιος ντα βοηθίνασα-λεν τι συνεχίνεν τι τθερέν ζουρανί πίστη κο Ντεβέλ. Οντουλά τζενέ σο νακχένα ανταλά προβλήματα τθερένα μπουτ ανάγκη αμαρί παρηγοριά. Αζομάν χρειαζίντιβασα τι λας ζορ κατά Ιεχωβά, σο ισί “ο Ντεβέλ σο ντέλα-αμέν παρηγοριά”. (2 Κορινθίους 1:3, 4) Χαιρίνασα τι βακεράς ο σκοπός ι Ντεβλέσκο τζενένγκε σο ισί απελπισμέ, ότι μπουτ σουγκό η Βασιλεία ι Ντεβλέσκι κα νασκιαρέλ σαρέ ο μπέτι πράγματα σο ανένα ντουκχ ντα βάσανα.​—Αποκάλυψη 21:4.

• Σόσκε ο Μάρτυρες του Ιεχωβά μπορίνενα τι τζαν τι βοηθίνεν σουγκό όταν αβέλα-πες εκ καταστροφή;

• Σαρ μπορίνασα τι ντας παρηγοριά κατά Αγία Γραφή οντουλέντε σο σωσάλε εκχέ καταστροφιάταρ;

Χάνικ προτού τι μερέλ ο Ιησούς, κερντάς λάφι πι σταρέ μαθητέντζαρ, σο ισινέ ο Πέτρος, ο Ιάκωβος, ο Ιωάννης ντα ο Ανδρέας. Αφού βακερέλας καβά ισινέ ο σημείος σο κα σικαβέλας ότι ισί πασέ ο τέλος, πουτσλάς: «Κον ισί άραγες ο πιστός ντα φρόνιμος δούλος σο λέσκο κύριος τσσουντάς-λες τι αβέλ υπεύθυνος κο υπηρέτες σο τθερέλα για τι ντελ-λεν ο χαμπέ, αζομάν σο πρέπει τι ντελ-λες;» (Ματθαίος 24:3, 45· Μάρκος 13:3, 4) Ανταλέ λαφίντζαρ, ο Ιησούς βακερντάς πι μαθητένγκε ότι, σαρ λένγκο «κύριος», κα τσσουβέλας οντουλέν σο κα ντένας συνέχεια χαμπέ ι γκοντιάκε για τι μπαριαρέν λένγκι πίστη κο τελευταία ντιβεσά. Κον κα αβένας οντουβά δούλος;

Ισί εκ χουρντί ομάδα τζενένγκι σο ισί χρισμέ μαθητές ι Ιησούσκε. Ο «δούλος» ισί ο Κυβερνών Σώμας σο τθερένα ο Μάρτυρες του Ιεχωβά αντιβές. Ο Κυβερνών Σώμας ντέλα χαμπέ ι γκοντιάκε, αζομάν σο πρέπει τι ντελ-λες, για τι μπαριαρέν ι πίστη σαρέ οντουλένγκι σο σικαβένα πουμαρέ ζωγιάσαρ ότι πακιάνα ι Ιεχωβάς. Τθεράσα ανάγκη τι ντελ-αμέν ο πιστός δούλος χαμπέ για τι μπαριαρέλ αμαρί πίστη αζομάν σο χρειαζίντιβασα-λες.​—Λουκάς 12:42.

Ισί υπεύθυνος για τι κερέλ σαρέ ο πράγματα κι Ντεβλέσκο κχερ. (1 Τιμόθεο 3:​15) Ο Ιησούς ντινάς ι μπαρί ευθύνη κο πιστός δούλος για τι κερέλ κουμάντος ι Ντεβλέσκε πράγματα σο ισί ατθέ κι πφουβ, για τι καθοδηγίνελ-αμέν σαρ τι βακεράς ο λατσσέ αμπέρια ντα για τι σικλιαρέλ-αμέν ι Ντεβλέσκε κο συναθροίσεις. Για τι ντελ-αμέν οντουβά σο χρειαζίντιβασα όταν τθεράσα-λες ανάγκη, «ο πιστός ντα φρόνιμος δούλος» ντέλα χαμπέ ι γκοντιάκε αντράλ κατά περιοδικά σο χρησιμοποιήνασα όταν κεράσα λάφι ι Ντεβλέσκε ντα αντράλ κατά ομιλίες σο ασουνάσα κο συναθροίσεις ντα κο συνελεύσεις.

Ο δούλος ισί πιστός κο Γραφικές αλήθειες ντα κι ευθύνη σο τθερέλα τι βακερέλ ο λατσσέ αμπέρια. Επίσης ισί φρόνιμος επειδή αρακχαβέλα μπουτ λατσσές ο πράγματα ι Ιησούσκε σο ισί κι πφουβ. (Πράξεις 10:​42) Ο Ιεχωβά ευλογίνελα οντουλά σο κερέλα ο δούλος, οτθάρ μπουτ τζενέ αβένα Μάρτυρες του Ιεχωβά ντα τθεράσα αζόμ μπουτ χαμπέ ι γκοντιάκε.​—Ησαΐας 60:​22· 65:13.

• Κας τσσουντάς ο Ιησούς υπεύθυνος για τι ντελ χαμπέ ι γκοντιάκε πι μαθητέντε;

• Σαρ σικάντιβελα ότι ο δούλος ισί πιστός ντα φρόνιμος;