Αφού μουλό ο Ιησούς, εκ χουρντί ομάδα, “ο απόστολοι ντα ο πρεσβύτεροι σο ισινέ κι Ιερουσαλήμ”, ισινέ ο κυβερνών σώμας για τι λεν σημαντικές αποφάσεις για τη Χριστιανική εκκλησία ι χρισμέ πφραλένγκι. (Πράξεις 15:2) Όταν λένας εκ απόφαση σο συμφωνίνενας σαρέ, ανταβά αβέλας-πες επειδή συζητίνενας οντουλά σο βακερένα ο Γραφές ντα μουκχένας ο πνεύμας ι Ντεβλέσκο τι καθοδηγίνεν-λεν. (Πράξεις 15:​25) Ανταβά κερέλα αντιβές-ντα ο Κυβερνών Σώμας.

Χρησιμοποιήντιβελα κατά Ντεβέλ για τι κερέλ οντουβά σο μανγκέλα Βοβ. Ο χρισμέ πφραλά σο ισί κο Κυβερνών Σώμας ενδιαφερίντιβενα μπουτ ι Γραφιάκε ντα τζανένα μπουτ λατσσές σο πρέπει τι κερέν κο πνευματικά ντα κο γιαβερά θέματα. Γκιντίντιβενα κάθε εβδομάδα για τι ντικχέν σο ανάγκες τθερένα ο πφραλά σαρί κι πφουβ. Σαρ αβέλας-πες κο πρώτοι Χριστιανοί, αντικάς αντιβές-ντα, ο αποφάσεις σο λέλα ο Κυβερνών Σώμας κατά Αγία Γραφή σικλιόνα-λεν σαρέ ο εκκλησίες κατά επιστολές ή κατά επίσκοποι περιοχής ή γιαβερένταρ. Ανταβά βοηθίνελα μα τι κεράς ντα μα τι σκεφτίνας διαφορετικά πράγματα κο λαός κι Ντεβλέσκο. (Πράξεις 16:4, 5) Ο Κυβερνών Σώμας τθερέλα ι ευθύνη τι ντελ-αμέν ο πνευματικός χαμπέ, τι βακέρντιβεν ο λατσσέ αμπέρια σαρί κι πφουβ ντα τι ντικχέλ σαρ αβένα-πες ι πφραλένγκε διορισμοί.

Δεχτίνελα τι καθοδηγίνελ-λες ο πνεύμας ι Ντεβλέσκο. Ο Κυβερνών Σώμας μανγκέλα τι καθοδηγίνελ-λες Οντουβά σο ισί ο πιο μπαρό σαρό κο ντουνιάς, ο Ιεχωβά, ντα οντουβά σο κερέλα κουμάντος ο εκκλησίες, ο Ιησούς. (1 Κορινθίους 11:3· Εφεσίους 5:​23) Ο τζενέ σο ισί κο Κυβερνών Σώμας να αμντίνενα ότι ισί αρχηγοί κο λαός κι Ντεβλέσκο. Σαρέ οντουλέντζαρ σο ισί χρισμέ Χριστιανοί «ακολουθίνενα ι Μπρακές [ι Ιησούς] κάι ντα τζάλα». (Αποκάλυψη 14:4) Ο πφραλά σο ισί κο Κυβερνών Σώμας εκτιμίνενα σο κεράσα λένγκε προσευχές.

• Μετά κατά μεριπέ ι Ιησούσκο, κον ισινέ ο Κυβερνών Σώμας;

• Σαρ μανγκέλα ο Κυβερνών Σώμας ι βοήθεια ι Ντεβλέσκι αντιβές;

Η εβραϊκή λέξη «Μπέθελ», κο μπαλαμανές «Βαιθήλ», μανγκέλα τι βακερέλ ότι ισί «ο Κχερ ι Ντεβλέσκο». (Γένεση 28:​17, 19) Ανταβά ναβ ταιριάνελα κο κτίρια σο τθερένα ο Μάρτυρες του Ιεχωβά μπουτέ τθεμέντε, ντα ο τζενέ σο ισί οτθέ βοηθίνενα-αμέν ντα βακερένα αμένγκε σαρ τι κεράς λάφι ι Ντεβλέσκε. Ο Κυβερνών Σώμας ισί κο κεντρικά γραφεία σο ισί κι Νέα Υόρκη, ντα οτθάρ ντικχένα σο αβέλα-πες κο γιαβερά γραφεία μπουτέ τθεμέντε. Σαρ ομάδα, οντουλά σο κερένα μπουτί ντα ισί ανταλέ κτιριόντε βακέρντιβενα φαμιλί Μπέθελ. Σαρ εκ φαμιλί, τζουβντιόνα ντα κερένα μπουτί μαζί, χάνα ντα διαβάνενα ι Γραφή σαρέ γιεκ.​—Ψαλμός 133:1.

Εκ ξεχωριστός τθαν σο ο τζενέ οντουλέ φαμιλιάκε ντένα πουμαρέ νεαυτόσταρ. Σαρέ κο Μπέθελ, ισί Χριστιανοί μουρσά ντα τζουβλιά σο κερένα συνέχεια οντουβά σο μανγκέλα ο Ντεβέλ ντα τσσουβένα πρώτα πουμαρέ ζωγιάτε ο πράγματα ι Βασιλειάκε σαρό ο μπρες. (Ματθαίος 6:​33) Καέκ να ποκίντιβελα, αλλά σαριλέντε ντιντιόλα χαμπέ, κάπου τι μπεσέν, ντα εκ χουρντί βοήθεια κο έξοδα σο τθερένα. Ο κάθε εκ τζενό κο Μπέθελ τθερέλα τι κερέλ εκ μπουτί, για παράδειγμας σε εκ γραφείος, κι κουζίνα ή κι τραπεζαρία. Μερικοί βοηθίνενα οτθέ σο κερένα ντα νικαβένα ο βιβλία, ενώ γιαβερά κο καθάρισμας, κο πλυντήρια ή κάπου γιαβερτθέ.

Εκ τθαν σο κερένα μπουτ πράγματα για τι ασουνέν σαρέ ο τζενέ ο λατσσέ αμπέρια. Ο Μπέθελ ισί για εκ σκοπός, για τι σικλιόν ι Ντεβλέσκι αλήθεια αζόμ πιο μπουτ τζενέ αβέλα-πες. Εκ λατσσό παράδειγμας ισί ανταβά βιβλιάριος. Γραφισάλο με το οδηγίες σο ντέλα ο Κυβερνών Σώμας, μπουτσσάντιλο κατά υπολογιστές σε μπουτ ομάδες σο μεταφράνενα σαρό κο ντουνιάς, κερντιλό σε μηχανήματα σε διάφορα Μπέθελ ντα λιντέ-λες πιο μπουτ από 110.000 εκκλησίες. Σε κάθε βιβλίος ή περιοδικός σο νικιόλα, ο φαμιλιά Μπέθελ κερένα ο πιο λατσσό σο μπορίνενα για τι βοηθίνεν τι αβέλ η πιο σημαντική μπουτί σο υπαρχίντιβελα​—τι βακέρντιβεν ο λατσσέ αμπέρια.​—Μάρκος 13:10.

• Κον κερέλα μπουτί κο Μπέθελ, ντα σο βοήθεια λένα;

• Καλέ μπουτιάτε σο πρέπει τι αβέλ σουγκό βοηθίνελα ο κάθε Μπέθελ;

Οντουλά σο κερένα ο τζενέ κι φαμιλί Μπέθελ κο διάφορα τμήματα, βοηθίνενα για τι βακέρντιβεν ο λατσσέ αμπέρια σε εκ ή σε πιο μπουτ τθεμά. Μπορεί τι κερέν μπουτί κι μετάφραση, οτθέ σο κερένα ντα τσσουβένα ο βιβλία ντα ο περιοδικά, οτθέ σο νικαβένα πράγματα για τι ασουνέν ντα τι ντικχέν ή βοηθίνενα κο προβλήματα ι κάθε τθεμέσκε.

Εκ Επιτροπή Τμήματος ντικχέλα σο αβέλα-πες. Ο Κυβερνών Σώμας ντέλα μπέσα κι Επιτροπή Τμήματος για τι ντικχέλ σαρ τζάνα ο πράγματα κο γραφείος τμήματος. Ανταγιά Επιτροπή τθερέλα τρινέν ή ατζέ πιο μπουτ πρεσβυτερόν. Η Επιτροπή βακερέλα κο Κυβερνών Σώμας σαρ τζάνα ο πράγματα κάθε τθεμέστε ντα βοηθίνελα κάνα τθερένα προβλήματα. Ανταβά, βοηθίνελα τι αγαβέλ ο Κυβερνών Σώμας καλά θέματα πρέπει τι τσσουβέλ κο περιοδικά, κο συναθροίσεις ντα κο συνελεύσεις. Ο Κυβερνών Σώμας μπουτσσαβέλα μερικές φορές πφραλέν για τι βοηθίνεν ο Επιτροπές Τμήματος τι κερέν πιο λατσσές πουμαρέ μπουτιά. (Παροιμίες 11:​14) Για τι ντεν ενθάρρυνση κο πφραλά σο τζουβντιόνα κο τθεμ σο ισί ο γραφείος τμήματος, αβέλα-πες εκ ομιλία σο κερέλα-λα ο πφραλ σο μπουτσσαβένα-λες ο κεντρικά γραφεία.

Ντιντιόλα βοήθεια κο εκκλησίες σο ισί σε κάθε τθαν. Πφραλά σο τθερένα ι ευθύνη κο γραφείος τμήματος λένα ι απόφαση τι αβέν νεβέ εκκλησίες. Οντουλά πφραλά σικαβένα κο σκαπανείς, κο ιεραπόστολοι ντα κο επίσκοποι περιοχής σο τι κερέν οντουλέ τθεμέστε σο ισί ο γραφείος τμήματος. Ετοιμάνενα ο συνελεύσεις, κερένα νεβέ Αίθουσες Βασιλείας ντα μπουτσσαβένα αζόμ περιοδικά ντα βιβλία μανγκέλα ι κάθε εκκλησία. Ο κάθε εκ πράγμας σο αβέλα-πες κο γραφείος τμήματος βοηθίνελα τι βακέρντιβεν ο λατσσέ αμπέρια με εκ λατσσό τρόπος.​—1 Κορινθίους 14:​33, 40.

• Σαρ ο Κυβερνών Σώμας βοηθίντιβελα κατά Επιτροπές Τμήματος;

• Σο μπουτιά πρέπει τι κερέλ ο γραφείος τμήματος;