Τι Προσοχίνεν για μα τι Τσσουβέν κο Πειρασμός Τουμέν ντα ι Γιαβερέν

Ο Ιησούς χρησιμοποιηντάς παραβολές για τι σικλιαρέλ καζόμ σοβαρός ισί τι τσσουβέλ κάποιος κο πειρασμός πες ή ι γιαβερέν.

18:6, 7

• Η φράση «τσσουβάβα κο πειρασμός» κερέλα λάφι για εκ πράξη ή για κάτι γιαβέρ σο κερέλα εκχέ τζενές τι λελ γκεραλό ντρομ, τι κερέλ κάτι σο νανέ πάκι κι Ντεβλέσκε γιακχά, ή τι περέλ κι αμαρτία

• Ο τζενό σο τσσουβέλα εκχέ γιαβερές κο πειρασμός κα αβέλας πιο λατσσό τι νακχαβέλ πι κοριάτε εκ μπαρό μπαρ ντα τι φουρτίνελ-πες κι ντεριάβ

18:8, 9

• Ο Ιησούς βακερντάς οντουλένγκε σο ακολουθίνενα-λες τι νικαβέν ατζέ-ντα κάτι αζόμ σημαντικός σαρ ισί εκ βας ή εκ γιακχ άμα ανταλά τσσουβένα-λεν κο πειρασμός

• Πιο λατσσές τι χασαρέλ κάποιος κάτι αζόμ σημαντικός ντα τι νακχέλ κι Βασιλεία κι Ντεβλέσκι παρά τι ατσσικιαρέλ-λες ντα τι τζαλ κι Γέεννα, εκχέ τθανέστε σο συμβολίνελα ι αιώνια καταστροφή.

Σο τθεράβα μι ζωγιάτε σο κα μπορίνελας τι τσσουβέλ-μαν κο πειρασμός, ντα σαρ μπορίναβα μα τι τσσουβάβ κο πειρασμός μαν ή ι γιαβερέν;