Καλωσορίνεν Οντουλέν σο Καλιντάμ

Κι Ανάμνηση σο κα τθεράς 23 Μαρτίου, μπεκλεντίνασα τι αβέν πιο μπουτ από 12 εκατομμύρια τζενέ σο νανέ Μάρτυρες του Ιεχωβά. Κα σικλιόν μπουτ πράγματα κι ομιλία σο κα αβέλ-πες, επειδή κα ασουνέν για το δώρος σο ντινάς-αμέν ο Ιεχωβά ντα για μερικές ευλογίες σο κα τθερέν ο τζενέ κο μέλλον. (Ησ 11:​6-9· 35:5, 6· 65:​21-23· Ιωα 3:​16) Όμως, να κα βοηθίντιβεν σάντε κατά ομιλία. Σαρέ μπορίνασα τι βοηθίνας οντουλέν σο κα αβέν άμα κα καλωσορίνας-λεν αντράλ αμαρέ γκίσταρ. (Ρω 15:7) Ντικχέν σο μπορίνενα τι κερέν.

• Αντίς τι μπεσέν τουμαρέ θεσιάτε ντα τι μπεκλεντίνεν τι αρχίνελ ο πρόγραμμας, με εκ σουκάρ ασαπέ καλωσορίνεν αντράλ τουμαρέ γκίσταρ ι τζενέν σο αβιλέ ντα οντουλέν σο ισί αδρανείς

• Παρόλο σο κα ντεν τουμαρί προσοχή οντουλέντε σο καλιντέν τουμέν, πρέπει τι αβέν έτοιμοι τι καλωσορίνεν ι τζενέν-ντα σο λιντέ εκ πρόσκληση ντα αβιλέ κορκορέ. Βακερέν λένγκε ότι μπορίνενα τι μπεσέν τουμέντζαρ. Τι σικαβέν λένγκε τουμαρέ Γραφιάταρ ντα κατά υμνολόγιος

• Μετά κατά ομιλία, βακερέν λένγκε ότι μπορίνενα τι απαντίνεν κο ερωτήσεις σο μπορεί τι τθερέν. Άμα τουμαρί εκκλησία πρέπει τι νασέλ σουγκό κατά αίθουσα για τι αβέλ ι γιαβέρ εκκλησία, κανονίνεν τι τζαν οντουλέ τζενέσκε σε χάνικ ντιβεσά. Άμα να τθερένα λέσκο τηλέφωνος ή να τζανένα κάι μπεσέλα, μπορίνενα τι βακερέν λέσκε: «Κα χαιρίναβας τι σικλιάβ σαρ ντικχλάν ο πρόγραμμας. Σαρ κα μπορίναβας τι αρακχάβ-τουτ για τι κεράς πάλι λάφι;»