Ο Απόστολοι Κερένα Λάφι ι Ντεβλέσκε κο Τζενέ Χωρίς τι Νταρέν

ΑΦΟΥ νακχλέ ντες ντιβεσά από αζομάν σο ο Ιησούς γκιλό οπρέ κο ουρανός, περίπου 120 λέσκε μαθητένταρ γκιντισάλε εκχέ κχερέστε κι Ιερουσαλήμ όταν ισινέ η Ιουδαϊκή Γιορτή της Πεντηκοστής κο μπρες 33 Κ.Χ. Οντουλά σο ισινέ κο κχερ ξαφνικά ασουντέ εκ θόρυβος σαρ ο θόρυβος σο κερέλα εκ ζουρανί μπαρμπάλ. Οντιά στιγμή αβιλό-πες εκ θαύμας ντα ο μαθητές αρχισάλε τι κερέν λάφι τσσιμπέντε σο να τζανένας. Σαρ αβιλέ-πες ανταλά παράξενα πράγματα; Ο Ντεβέλ ντινάας κο μαθητές ο άγιος πνεύμας.

Αβρί ισινέ μπουτ τζενέ σο αβιλέας γιαβερέ τθεμένταρ για τι κερέν ι γιορτή. Βον ατσσιλέ πουταρντέ μόσαρ όταν ασουντέ ι Ιησούσκε μαθητέν τι κερέν λάφι αζόμ σουκάρ ντα καθαρά λένγκε τσσιμπέντε. Ο Πέτρος, για τι εξηγίνελ σο αβιλόας-πες, βακερντάς λένγκε οντουβά σο γραφιντάας ο προφήτης Ιωήλ, ότι ο Ντεβέλ κα “μπουτσσαβέλας” πο πνεύμας για τι μπορίνεν οντουλά τζενέ σο κα λένας-λες τι κερέν θαύματα. (Ιωήλ 2:​28, 29) Οντουβά θαύμας σο αβιλό-πες με το άγιος πνεύμας σικαντάς ότι αβιλίας εκ σημαντική αλλαγή: Ο Ντεβέλ σταματιντάας τι υποστηρίνελ ι Ισραηλιτέν ντα ακανά κα υποστηρίνελας ι Χριστιανική εκκλησία. Οντουλά σο μανγκένας τι υπηρετίνεν ι Ντεβλές με το σωστός τρόπος έπρεπε τι αβέν μαθητές ι Χριστόσκε.

Ο ντουσμάνια μισίνενας μπουτ ι μαθητέν ντα τσσουντέ-λεν κι φυλακή. Αλλά ιράτ, εκ άγγελος ι Ιεχωβάσκο πουταρντάς ο πόρτες ι φυλακιάκε ντα βακερντάς κο μαθητές τι συνεχίνεν τι κερέν λάφι ι Ντεβλέσκε. Κο ντίσιπε, κερντέ ακριβώς οντουβά. Γκιλέ κο ναός ντα αρχισάλε τι βακερέν ο λατσσέ αμπέρια ι Ιησούσκε. Οντουλά τζενέ σο τζάνας λέντζαρ κόντρα χολιασάλε μπουτ ντα βακερντέ λένγκε τι τσσιναβέν τι κερέν λάφι ι Ιησούσκε. Χωρίς τι νταρέν, ο απόστολοι βακερντέ: «Πρέπει τι ασουνάς ι Ντεβλές σαρ άρχοντας παρά ι τζενέν».​—Πράξεις 5:​28, 29.

Ο μίσος σο τθερένας ι Χριστιανόνγκε αβιλό ατζέκ πιο μπουτ. Μερικά τζενέ σο ισινέ Ιουδαίοι κατηγοριντέ εκχέ μαθητής, ι Στεφανός, ότι πι λαφίντζαρ προσβαλιντάς ι Ντεβλές ντα αντικάς φουρτιντέ λέσκε μπαρά μέχρι σο μουλό. Εκ τερνό μουρς​—ο Σαύλος (ή γιαβέρτουλους Σαούλ) σο ισινέ κατά Ταρσός​—ντικχέλας όταν μουνταρένας ι Στεφανός ντα μπεϊντίνελας οντουβά σο κερένας. Σοράν, γκιλό κι Δαμασκός για τι ασταρέλ ντα τι κερέλ κακός σαρέ οντουλένγκε σο ισινέ μαθητές ι Χριστόσκε. Ενώ ο Σαύλος ισινέ κο ντρομ, εκ φως κατά ουρανός αβιλό ντονταλάι λέσταρ ντα εκ φωνή βακερντάς: «Σαούλ, Σαούλ, σόσκε τζάσα μάντζαρ κόντρα;» Ενώ κοριαρντάας-λες ο φως, ο Σαύλος πουτσλάς: «Κον ισινάν;» Η φωνή βακερντάς: «Ισινόμ ο Ιησούς».​—Πράξεις 9:​3-5.

Μετά από τριν ντιβεσά, ο Ιησούς μπουτσσαντάς εκχέ μαθητής σο βακερένας λέσκε Ανανία για τι κερέλ τον Σαύλο τι ξαναντικχέλ. Ο Σαύλος μπολντιλό ντα αρχισάλο τι κερέλ λάφι ι Ιησούσκε κο τζενέ χωρίς τι νταρέλ. Σοράν αβιλό γνωστός σαρ απόστολος Παύλος ντα κερέλας μπουτ πράγματα αντράλ πι γκίσταρ για την Χριστιανική εκκλησία.

Ο μαθητές ι Ιησούσκε βακερένας ο λατσσέ αμπέρια για τη Βασιλεία ι Ντεβλέσκι σάντε οντουλέντε σο ισινέ Ιουδαίοι ντα Σαμαρείτες. Όμως, εκ άγγελος σικαντάς-πες κο Κορνήλιος. Βοβ ισινέ εκ Ρωμαίος λοχαγός σο πακιάλας κο Ντεβέλ. Ο άγγελος βακερντάς κο Κορνήλιος τι καλίνελ πι κχερέστε τον απόστολο Πέτρο. Ο Πέτρος γκιλό μαζί γιαβερέ τζενέντζαρ ντα κερντάς λάφι ι Ντεβλέσκε κο Κορνήλιος ντα λέσκε φαμιλιάτε. Ενώ ο Πέτρος κερέλας λάφι, αβιλό ο άγιος πνεύμας οπράλ οντουλέ πιστέ τζενέντε σο να ισινέ Ιουδαίοι, ντα ο απόστολος ντινάς εντολή τι μπολντιόν κο ναβ κι Ιησούσκο. Ο ντρομ ισινέ πουταρντό για τι μπορίνεν τι τζουβντιόν για πάντα ο τζενέ καλέ τθεμέσταρ-ντα τι αβένας. Ο μαθητές ισινέ έτοιμοι τι βακερέν ο λατσσέ αμπέρια σε τθεμά σο ισινέ ντουρ.

​—Στηρίντιβελα κο εδάφια Πράξεις 1:​1–11:21.