Ο Παράδεισος Αβέλα Πάλι!

Ο ΤΕΛΕΥΤΑΙΟΣ βιβλίος ι Γραφιάκο, σο βακέρντιβελα Αποκάλυψη, ντέλα ελπίδα σαρέ κο τζενέ. Ανταβά βιβλίος, σο γραφιντάς-λες ο απόστολος Ιωάννης, τθερέλα αντρέ οράματα, σο ισί σαρ σουνέ σο ντικχλάς ενώ ισινέ τζανγκαντό, ντα σικαβένα αμένγκε οντουλά σο κα αβέν-πες κο μέλλον μέχρι αζομάν σο κα νικιόλ μπαγιά ο σκοπός ι Ιεχωβάσκο.

Κο πρώτος όραμας, ο Ιησούς σο αναστισάλο ισαρέλα ντα διορθώνελα μερικές εκκλησίες. Ο γιαβέρ όραμας γκερέλα-αμέν κο ουρανός ανγκλάλ κο θρόνος κι Ντεβλέσκο, οτθέ σο ντένα-λες δόξα ο άγγελοι.

Ενώ ο σκοπός ι Ντεβλέσκο προχωρίνελα, ο Μπρακό, ο Ιησούς Χριστός, λέλα εκ ρόλος, δηλαδή εκ βιβλίος, σο τθερέλα εφτά σφραγίδες. Κάνα πουτάρντιβενα ο πρώτες σταρ σφραγίδες, κάποιοι αρχίνενα συμβολικά τι τθάβντεν πουμαρέ γκραστέντζαρ. Ο πρώτος οντουλένταρ ισί ο Ιησούς οπράλ εκχέ παρνέ γκραστέστε ντα τθερέλα στέμμας επειδή ισί Βασιλιάς. Σοράν, παλά-λέστε αβένα οντουλά σο λένγκε γκραστά τθερένα διαφορετικά χρώματα. Οντουλά σο ισί οπράλ κο γκραστά μανγκένα τι σικαβέν ότι κα αβέν-πες τζένγκια, μποκχ ντα νασφαλίματα. Σαρέ ανταλά αβένα-πες κο τελευταία ντιβεσά ανταλέ ντουνιάσκε. Όταν πουτάρντιβελα η έβδομη σφραγίδα, ασούντιβενα εφτά σάλπιγγες σο σικαβένα μερικά πράγματα σο αποφασιντάς τι κερέλ ο Ντεβέλ. Αφού ασούντιβενα ο σάλπιγγες, αβένα εφτά συμβολικά ντουκχά σο σικαβένα ι χολί ι Ντεβλέσκι.

Η Βασιλεία ι Ντεβλέσκι, σο βακέρντιβελα ότι ισί σαρ εκ χουρντό τσσαβό σο μπιάντιλο, αρχίνελα τι κυβερνίνελ κο ουρανός. Αβέλα-πες τζένγκι, ντα ο Μπενγκ πι πφιρνέ αγγελόντζαρ φουρτίντιβελα κι πφουβ. «Τιμωρία κα τσσίντελ η πφουβ», βακερέλα εκ ζουρανί φωνή. Ο Διάβολος τθερέλα μπαρί χολί επειδή τζανέλα ότι τθερέλα χάνικ χρόνος ανγκλά-πέστε.​—Αποκάλυψη 12:12.

Ο Ιωάννης ντικχέλα κο ουρανός ι Ιησούς σο σικαβέλα-πες σαρ μπρακό, ντα γιεκ λέσαρ 144.000 σο τραμπίντιλε κατά τζενέ. Βον «κα κυβερνίνεν» γιεκ ι Ιησούσαρ. Αντικάς, ο βιβλίος της Αποκάλυψης βακερέλα αμένγκε ότι ο 144.000 τζενέ σο τραμπιντάς-λεν ο Ντεβέλ κατά πφουβ ισί επίσης ο προσάγγονα ι “τζουβλιάκε” σο βακερέλα ο εδάφιος Γένεση 3:​15.​—Αποκάλυψη 14:1· 20:6.

Οντουλά σο κυβερνίνενα ι πφουβ γκιντίντιβενα κο Αρμαγεδδώνας, κο «τζένγκι σο κα αβέλ-πες κο μπαρό ντιβές κι Ντεβλέσκο, σο τθερέλα ι ζορ τι κερέλ-λεν σαρέ». Κερένα τζένγκι οντουλέσαρ σο μπεσέλα οπράλ κο παρνό γκρας, δηλαδή ι Ιησούσαρ, σο ισί αργηχός κο 144.000 ντα κο μπουτ ζουρανέ άγγελοι. Σαρέ οντουλά σο κυβερνίνενα ανταλέ ντουνιάς καταστραφίντιβενα. Ο Μπενγκ πφαντιόλα, ντα ο Ιησούς ντα ο 144.000 κυβερνίνενα ι πφουβ σαρ βασιλιάδες για «χίλια μπρεσά». Όταν τελειώνενα ο χίλια μπρεσά, ο Μπενγκ καταστραφίντιβελα.​—Αποκάλυψη 16:​14· 20:4.

Σο κα αβέλ-πες κο πιστά τζενέ όταν για χίλια μπρεσά κα κυβερνίνελ ο Χριστός ντα ο 144.000; Ο Ιωάννης γραφίνελα: «[Ο Ιεχωβά] κα νασκιαρέλ σαρέ ο δάκρυα λένγκε γιακχίνταρ, ντα ο μεριπέ να κα αβέλ πάλι, ούτε λύπη ούτε βίκος ούτε ντουκχ να κα αβέν πάλι. Ο πουρανέ νασλέ σαρέ». (Αποκάλυψη 21:4) Η πφουβ αβέλα παράδεισος!

Αντικάς, με το βιβλίος της Αποκάλυψης ολοκληρώντιβελα οντουβά σο μανγκέλα τι βακερέλ η Αγία Γραφή. Ι Χριστόσκε Βασιλειάσαρ, ο ναβ ι Ιεχωβάσκο αγιάντιβελα ντα σικάντιβελα ότι βοβ τθερέλα ο δικαίωμας τι κυβερνίνελ για πάντα!

​—Στηρίντιβελα κο βιβλίος Αποκάλυψη.