Οντουβά σο Μανγκέλα τι Βακερέλ η Αγία Γραφή

Ο Ιεχωβά κερέλα τον Αδάμ ντα την Εύα ντα ντέλα-λεν ι ευκαιρία τι τζουβντιόν για πάντα κο Παράδεισος. Ο Μπενγκ βακερέλα ψέματα ι Ντεβλέσκε, ότι Βοβ να τθερέλα ο δικαίωμας τι κυβερνίνελ. Ο Αδάμ ντα η Εύα τζάνα κόντρα κο Ντεβέλ σαρ κερντάς ο Μπενγκ, ντα αντικάς ανένα ι αμαρτία ντα ο μεριπέ πουμένγκε ντα πουμαρέ τσσαβένγκε

Ο Ιεχωβά τιμωρίνελα οντουλέν σο γκιλέ λέσαρ κόντρα ντα ντέλα πο λάφι ότι κα αβέλ Οντουβά σο κα ελευθερώνελ ι τζενέν, ή γιαβέρτουλους εκ Προσάγγονος, σο κα καταστραφίνελ ι Μπενγκές ντα κα νασκιαρέλ σαρέ ο μπέτι πράγματα σο αβιλέ επειδή ο Αδάμ ντα η Εύα γκιλέ κόντρα κο Ντεβέλ ντα αμαρτιντέ

Ο Ιεχωβά ντέλα πο λάφι κο Αβραάμ ντα κο Δαβίδ ότι λένταρ κα αστάρντιβελ ο Προσάγγονος, δηλαδή ο Χριστός, σο κα κυβερνίνελ για πάντα σαρ Βασιλιάς

Ο Ιεχωβά ντέλα πο πνεύμας πι προφητέντε για τι βακερέν ότι ο Χριστός κα νασκιαρέλ ι αμαρτία ντα ο μεριπέ κατά τζενέ. Γιεκ οντουλέντζαρ σο κα κυβερνίνεν λέσαρ, κα αβέλ Βασιλιάς κι Βασιλεία κι Ντεβλέσκι, ντα οντιά Βασιλεία κα σταματίνελ ο τζένγκια, ο νασφαλίματα δηλαδή ο πασλίματα, ατζέ-ντα ο μεριπέ

Ο Ιεχωβά μπουτσσαβέλα πι Τσσαβές κι πφουβ ντα σικαβέλα ότι ο Ιησούς ισί ο Μεσσίας, δηλαδή ο Χριστός. Ο Ιησούς κερέλα λάφι για τη Βασιλεία ι Ντεβλέσκι ντα ντέλα πι ζωή σαρ θυσία. Σοράν, ο Ιεχωβά αναστίνελα-λες σαρ πνεύμας

Ο Ιεχωβά τσσουβέλα πι Τσσαβές τι αβέλ Βασιλιάς κο ουρανός, ντα αντικάς σικαβέλα ότι αρχίνενα ο τελευταία ντιβεσά ανταλέ ντουνιάσκε. Ο Ιησούς οδηγίνελα πι υπηρετόν σο ισί κι πφουβ, ενώ βον βακερένα για τη Βασιλεία ι Ντεβλέσκι σαρί κι πφουβ

Ο Ιεχωβά ντέλα εντολή πι Τσσαβέστε τι ανέλ ι Βασιλεία κι πφουβ. Η Βασιλεία καταστραφίνελα σαρέ ο πφιρνέ κυβερνήσεις, ανέλα ο Παράδεισος ντα βοηθίνελα ι πιστέ τζενέν τι αβέν τέλειοι. Σικάντιβελα ξεκάθαρα ότι ο Ιεχωβά τθερέλα ο δικαίωμας τι κυβερνίνελ, ντα λέσκο ναβ αγιάντιβελα για πάντα