ΣΗΜΕΙΟΣ 2

Κερέν Λάφι με Φυσικός Τρόπος

2 Κορινθίους 2:17

ΧΑΝΙΚ ΛΑΦΙΝΤΖΑΡ: Τι κερέν λάφι αντράλ τουμαρέ γκίσταρ ντα με φυσικός τρόπος σο σικαβέλα σαρ αισθάντιβενα για το θέμας ντα ι τζενένγκε σο ασουνένα-τουμέν.

ΣΟ ΤΙ ΚΕΡΕΝ:

Προετοιμάνεν-τουμέν με προσευχή ντα προσοχή. Προσευχίντιβεν για βοήθεια ώστε τι σκεφτίνεν, όχι τουμαρό άγχος, αλλά ο λάφια σο κα βακερέν. Τι τθερέν ξεκάθαρα τουμαρέ γκοντιάτε ο σημαντικά σημεία. Τι βακερέν οντουλά σο τθερένα τουμαρέ γκοντιάτε τουμαρέ λαφίντζαρ—μα προσπαθίνεν τι βακερέν-λεν ντιπ ακριβώς σαρ ισί γραμμέ.

Άμα κα διαβάνεν κατά Αγία Γραφή ή από εκ γιαβέρ έντυπος, τι τζανέν λατσσές τουμαρό κείμενος για τι μπορίνεν τι διαβάνεν χωρίς τι δυσκολίντιβεν. Άμα ισί τι διαβάνεν ο λάφια γιαβερέ τζενένγκε, διαβάνεν-λεν με αίσθημας, αλλά όχι με μπουτ υπερβολικός τρόπος.
Τι κερέν λάφι αντράλ τουμαρέ γκίσταρ. Σκεφτίνεν σόσκε ο τζενέ χρειαζίντιβελα τι ασουνέν ο λάφια σο βακερένα. Ντεν προσοχή λέντε. Αζομάν τουμαρό σώμας, τουμαρέ χειρονομίες ντα ο εκφράσεις σο κερένα τουμαρέ μόσαρ κα σικαβέν κο γιαβερά ότι ισινέν φιλικοί, ότι νιωθίνενα οντουλά σο βακερένα ντα ότι τουμαρέ λάφια ισί μπαγιά.

Τι κερέν λάφι με φυσικός τρόπος αλλά όχι σαρ τι αβέλ. Κερέν λάφι καθαρά ντα με σωστή γραμματική για τι ατσσικιαρέν ι αξιοπρέπεια σο τθερένα ο λάφια σο βακερένα.
Τι ντικχέν ι τζενέν σο ασουνένα-τουμέν. Τι ατσσικιαρέν τουμαρό βλέμμας κο ακροατήριος. Όταν κερένα εκ ομιλία, τι ντικχέν εκχέ τζενές κάθε φαρ, αντίς τι ντικχέν ακατάρ ντα οκουτάρ.