«Σαρί η Πφουβ Συνεχίνελας τι Κερέλ Λάφι εκ Τσσιπ»

11:​1-4, 6-9

Κι Βαβέλ, ο Ιεχωβά αλλαντάς ι τσσιπ ι τζενένγκι σο να ντένας-λες καν ντα αντικάς τρουγιντάς-λεν. Αντιβές γκίντελα μπουτέ τζενέν σαρέ κατά τθεμά ντα κατά τσσιμπά ντα ντέλα-λεν «εκ πάκι τσσιπ» για τι «χρησιμοποιήνεν σαρέ με σεβασμός ο ναβ ι Ιεχωβάσκο ντα τι υπηρετίνεν-λες σαρέ γιεκ». (Σοφ 3:9· Απ 7:9) Ανταγιά «πάκι τσσιπ» ισί η αλήθεια ι Ιεχωβάσκε ντα οντουλέ πραγματένγκε σο μανγκέλα τι κερέλ, αντικάς σαρ ισί γραμμέ κι Αγία Γραφή.

Για τι σικλιόλ εκ τζενό εκ νεβί τσσιπ, να ερεσέλα σάντε τι ντελ-πες γκοντί αβριάλ νεβέ λέξεις. Πρέπει τι σικλιόλ τι σκεφτίνελ γιαβέρτουλους. Αντικάς αμέν-ντα, καζόμ σικλιάσα ι πάκι τσσιπ ι αληθειάκι, αμαρί γκοντί αλλάνελα. (Ρω 12:2) Ανταβά κερένα-λες συνέχεια ι Ντεβλέσκε υπηρέτες ντα οτθάρ ισί ενωμέ.​—1Κο 1:10.