ΣΗΜΕΙΟΣ 10

Χρησιμοποιήνεν Σωστά Τουμαρί Φωνή

Παροιμίες 8:4, 7

ΧΑΝΙΚ ΛΑΦΙΝΤΖΑΡ: Για τι αγαβέν ο γιαβερά ξεκάθαρα σο μανγκένα τι βακερέν ντα τι δημιουργίνεν λένγκε συναισθήματα αλλάνεν ι ένταση τουμαρέ φωνιάκι, ο ύψος τουμαρέ φωνιάκο ντα κερέν λάφι πιο σουγκό ή πιο σιγά.

ΣΟ ΤΙ ΚΕΡΕΝ:

Οτθέ σο χρειαζίντιβελα, αλλάνεν ι ένταση τουμαρέ φωνιάκι. Βάντεν τουμαρί φωνή για τι τονίνεν ο σημαντικά σημεία ντα για τι ερεσέν τουμαρέ λάφια κι τζενένγκο γκι. Κερέν ο ίδιος κάνα διαβάνενα κατά Γραφή ο τιμωρίες σο αντάς ο Ντεβέλ. Γουλιαρέν ι ένταση τουμαρέ φωνιάκι για τι κερέν ι γιαβερέν τι μπεκλεντίνεν τι ασουνέν-τουμέν ή για τι σικαβέν ότι κάτι ανέλα ανησυχία ή νταρ.

Μα βάντεν ι ένταση τουμαρέ φωνιάκι αζόμ συχνά σο κα κερέν ι τζενέν τι νιωθίνεν ότι χάνα-τουμέν λέντζαρ. Μα κερέν λάφι ή διαβάνεν με μπουτ υπερβολικός τρόπος επειδή αντικάς κα ταρτίνεν ι προσοχή τουμαρέ νεαυτόστε.
Οτθέ σο χρειαζίντιβελα, βάντεν ή γουλιαρέν ο ύψος τουμαρέ φωνιάκο. Άμα ισί συνηθισμέ τουμαρέ τσσιμπάτε, βάντεν ο ύψος τουμαρέ φωνιάκο για τι σικαβέν ενθουσιασμός ή για τι σικαβέν ότι κάτι ισί μπαρό ή χουρντό, πασέ ή ντουρ. Γουλιαρέν ο ύψος τουμαρέ φωνιάκο για τι σικαβέν στεναχώρια ή ανησυχία.
Οτθέ σο χρειαζίντιβελα, κερέν λάφι πιο σουγκό ή πιο σιγά. Κερέν λάφι πιο σουγκό για τι σικαβέν μπαρέ συναισθήματα. Κερέν λάφι πιο πφαρές όταν βακερένα σημαντικά σημεία.

Για μα τι σαστίνεν ο τζενέ μα αλλάνεν απότομα ο τρόπος σο κερένα λάφι. Μα κερέν λάφι αζόμ σουγκό σο να κα αγαβέν-τουμέν ο τζενέ επειδή τσαμτσαρένα ο λέξεις.