Σαρ Μπορίνασα τι Σικαβάς ότι Μανγκάσα ι Ιεχωβάς;

Αβιλάν πο πασέ κο Ντεβέλ οτθάρ μπερί σο αρχισάλαν τι σικλιός κατά Αγία Γραφή; Μανγκέσα τι συνεχίνες τι αβές πο λατσσό αμάλ λέσαρ; Άμα βα, τι ντες-τουτ γκοντί ότι, καζόμ πο μπουτ ντικχέλα ο Ιεχωβά τι μπαριόλ το μανγκιπέ λέσκε, αζόμ πο μπουτ κα μανγκέλ-τουτ ντα κα αρακχαβέλ-τουτ. Σαρ κα σικαβές λέσκε ότι μανγκέσα-λες;

1. Σαρ σικαβάσα κο Ιεχωβά ότι μανγκάσα-λες;

Σικαβάσα ότι μανγκάσα ι Ιεχωβάς κάνα ντάσα-λες καν. (Διαβάνεν 1 Ιωάννη 5:3) Ο Ιεχωβά να ζορισκιαρέλα καεκχές τι ντελ-λες καν. Οκιά μπάνταρ, ντέλα-αμέν ι ευκαιρία τι τραμπίνας άμα κα ντας-λες καν ή όχι. Σόσκε; Ο Ιεχωβά μανγκέλα τι ντας-λες καν “αντράλ αμαρέ γκίσταρ”. (Ρωμαίους 6:​17) Γιαβερέ λαφίντζαρ, μανγκέλα τι ντες-λες καν όχι επειδή πρέπει, αλλά επειδή μανγκέσα-Λες. Ο μέρη 3 ντα 4 ανταλέ βιβλιόσκε ισί κερντέ για τι βοηθίνεν-τουτ τι σικαβές το μανγκιπέ ι Ιεχωβάσκε καζόμ κερέσα ο πράγματα σο μανγκέλα ντα να κερέσα οντουλά σο πφανγκένα λέσκο γκι.

2. Σόσκε μπέκιμ τι αβέλ δύσκολος τι σικαβάς ότι μανγκάσα ι Ιεχωβάς;

«Μπουτ ισί ο προβλήματα σο τθερέλα ο δίκαιος». (Ψαλμός 34:​19) Σαρέ ουσαράσα αμαρέ ατελειέντζαρ. Ατζέ, μπορεί τι τθεράσα προβλήματα ι λοβέντζαρ, τι νακχάσα αδικίες ντα γιαβερά δυσκολίες. Κάνα τσσίντασα ταλαιπωρίες, μπέκιμ μα τι αβέλ αμένγκε εύκολος τι κεράς οντουβά σο μανγκέλα ο Ιεχωβά. Ντα ανταβά αβέλα-πες σόσκε ο λάθος ντρομ μπέκιμ τι ντικχιόλ πο εύκολος. Αλλά, κάνα κερέσα πιστά οντουβά σο βακερέλα τούκε ο Ιεχωβά, σικαβέσα ότι μανγκέσα-λες πο μπουτ σαρέ κατά γιαβερά πράγματα. Ντα σικαβέσα ότι ισινάν αφοσιωμέ λέστε. Σοράν βοβ-ντα κα αβέλ αφοσιωμέ τούτε. Να κα μουκχέλ-τουτ ποτές.​—Διαβάνεν Ψαλμός 4:3.

4. Κερ ι Ιεχωβάσκο γκι τι χαιρίνελ

Διαβάνεν Παροιμίες 27:​11 ντα σοράν συζητίνεν ο ερωτήσεις:

• Σαρ αβέλα ι Ιεχωβάσκε κάνα ισινάν γκοντιαβέρ ντα ντέσα-λες καν; Σόσκε βακερέσα-λες ανταβά;

5. Αβέλα-πες τι ατσσός αφοσιωμέ κο Ιεχωβά

ΒΙΝΤΕΟΣ: Τι Υπερασπίνεν Τουμαρί Πίστη Κάνα Τζάνα Τουμέντζαρ Κόντρα (5:09)

• Μήπως μπάζιμα αβέλα τούκε πφαρό τι κερές λάφι κο γιαβερά ι Ιεχωβάσκε;

• Σαρ ντικχλάμ κο βίντεος, σο βοηθιντάς ι Γκρεϊσονίς τι νακχαβέλ πι νταρ;

Ισί πο εύκολος τι αβάς αφοσιωμέ κο Ιεχωβά άμα μανγκάσα σο μανγκέλα βοβ ντα μισίνασα σο μισίνελα. Διαβάνεν Ψαλμός 97:​10 ντα σοράν συζητίνεν ο ερωτήσεις:

• Οντουλένταρ σο σικλιλάν, καλά πράγματα μανγκέλα ο Ιεχωβά; Καλά πράγματα μισίνελα;

• Σαρ μπορίνεσα τι σικλιός τι μανγκές ο λατσσιπέ ντα τι μισίνες ο γκεραλιπέ;

6. Ντικχάσα λατσσιπέ κάνα ντάσα καν ι Ιεχωβάς

Ο πο λατσσό σο μπορίνασα τι κεράς ισί τι ντας καν πάντα ι Ιεχωβάς. Διαβάνεν Ησαΐας 48:​17, 18 ντα σοράν συζητίνεν ο ερωτήσεις:

• Σο πακιάσα τούι, μπορίνασα τι αβάς σίγουροι ότι ο Ιεχωβά τζανέλα πάντα καβά ισί ο πο λατσσό αμένγκε; Σόσκε βακερέσα-λες ανταβά;

• Μέχρι ακανά, ντικχλάν καέκ λατσσιπέ κατά μελέτη ι Γραφιάκι ντα κατά Ιεχωβά, σο ισί ο αληθινός Ντεβέλ;

ΧΑΝΙΚ ΛΑΦΙΝΤΖΑΡ

Μπορίνεσα τι σικαβές ότι μανγκέσα ι Ιεχωβάς κάνα ντέσα-λες καν ντα ατσσόσα αφοσιωμέ λέστε ατζέ-ντα κάνα τθερέσα προβλήματα.

Σο Σικλιλάν;

• Σο σικλιλάν κατά Ιώβ;

• Σαρ κα σικαβές ότι μανγκέσα ι Ιεχωβάς;

• Σο κα βοηθίνελ-τουτ τι ατσσός αφοσιωμέ κο Ιεχωβά;

ΡΟΝΤΕ

Ντικχ σαρ μπορίνεσα τι ατσσός αφοσιωμέ κο Ιεχωβά ντα κι κχανγκιρί.

«Κο Τζενό σο Ισί Αφοσιωμέ Ισινάν Αφοσιωμέ» (16:49)

Σίκλιουβ πο μπουτ ι λαφίνγκε σο τσσουβέλα ο Μπενγκ ι τζενένγκε.

«Ο Ιώβ Ατσσόλα Πιστός» (Η Αγία Γραφή​—Σο Ισί Οντουβά σο Μανγκέλα τι Βακερέλ;, μάθημας 6)

Τσσουβ σημασία σαρ μπορίνενα ατζέ-ντα ο χουρντέ τι σικαβέν ότι μανγκένα ι Ιεχωβάς.

Τι Ντες Χαρά ι Ιεχωβάς (8:16)

Σαρ κα ατσσόν ο τερνέ αφοσιωμέ κο Ντεβέλ κάνα ο γιαβερά τερνέ πιένενα-λεν;

Μπορίνεσα τι Ατσσός Σταθερός Κάνα ο Γιαβερά Τερνέ Πιένενα-τουτ! (3:59)