Κερένα Σαρέ ο Γιορτές ι Ντεβλέσκο Γκι;

Ο Ιεχωβά μανγκέλα τι απολαμβάνας ι ζωή ντα τι γιορτάνας κάποια σουκάρ πράγματα. Αλλά κερένα σαρέ ο γιορτές λέσκο γκι; Σαρ μπορίνασα τι σικαβάς ότι μανγκάσα ι Ιεχωβάς ανταλέ θεμάστε;

1. Σόσκε μπουτ γιορτές να κερένα ι Ιεχωβάσκο γκι;

Μπέκιμ τι σαστίνες άμα σικλιλάν ότι μπουτ γιορτές τθερένα τι κερέν πραγματέντζαρ σο να συμφωνίνενα ι Γραφιάσαρ ή ότι αστάρντιβενα κατά ψεύτικη θρησκεία. Ασακέ γιορτές μπέκιμ τθερένα τι κερέν μπενγκαλέ πραγματέντζαρ ή βασίντιβενα οντουλέστε σο πακιάνα μπουτ τζενέ ότι η ψυχή να μερέλα. Μερικές γιορτές αστάρντιβενα ψεύτικε πραγματένταρ σο πακιάνα ο τζενέ ή κι λατσσί μπαχ. (Ησαΐας 65:​11) Ο Ιεχωβά βακερέλα κο τζενέ σο υπηρετίνενα-λες: «Νικιόν λένταρ ντα νασέν . . . ντα τσσιναβέν τι ασταρέν οντουβά σο ισί μελαλό».​—2 Κορινθίους 6:​17.a

2. Σαρ νιωθίνελα ο Ιεχωβά ι γιορτένγκε σο ντένα δόξα κο τζενέ;

Ο Ιεχωβά βακερέλα αμένγκε μα τι “τθεράς αμαρί εμπιστοσύνη τζενέντε”. (Διαβάνεν Ιερεμίας 17:5) Μερικές γιορτές ντένα δόξα κο τζενέ σο κερένα κουμάντος ή κο στρατιώτες. Γιαβερά ντένα δόξα κο σύμβολα πουμαρέ τθεμέσκε, σαρ ισί ο σημαίες ή γιορτάνενα ο ντιβές σο ελευθερωσάλο λένγκο τθεμ. (1 Ιωάννη 5:​21) Ντα γιαβερά γιορτές τσσίντενα ι τζενέν τι συμμετεχίνεν κο πολιτικά ή τσσίντενα-λεν τι γκιντίντιβεν για τι υποστηρίνεν κάτι σο βον αμντίνενα ότι ισί σωστός. Σαρ κα νιωθίνελας ο Ιεχωβά άμα κα ντάας δόξα εκχέ τζενέστε σο να αξίνελα-λες ή εκχέ οργανωσιάτε, ντα ατζέ πο μπουτ άμα τζάνα κόντρα Λέσκε σκοπόσαρ;

3. Καλά πράγματα σο αβένα-πες κο γιορτές ισί μπουτ μπέτι;

Η Γραφή βακερέλα ότι ισί λάθος “τι ματιάς, τι γλεντίνας χωρίς όρια ντα τι τσσουβάς κόντρα κο πιπέ”. (1 Πέτρου 4:3) Μερικέ γιορτέντε ο τζενέ να ατσσικιαρένα πουμαρό νεαυτός ντα κερένα μπίλατζανε πράγματα. Για τι ατσσάς αμαλά ι Ιεχωβάσαρ, πρέπει τι νασάς ντουρ ασακέ πραγματένταρ σο ισί μαγαριμέ λέσκε γιακχίντε.

ΧΑΝΤΖΟΥΒ ΠΟ ΑΧΟΡΤ

4. Τι νασές ντουρ κατά γιορτές σο μελιαρένα ι Ιεχωβάσκο ναβ

Διαβάνεν Εφεσίους 5:​10 ντα σοράν συζητίνεν ο ερωτήσεις:

• Καλέ πραγμάσκε πρέπει τι αβάς σίγουροι κάνα τραμπίνασα άμα κα κεράς εκ γιορτή ή όχι;

• Καλά γιορτές ισί σικλέ τι κερέν ο τζενέ οτθέ σο μπεσέσα;

• Πακιάσα τούι ότι ανταλά γιορτές κερένα ι Ιεχωβάσκο γκι;

Για παράδειγμας, σκεφτιντάν ποτές σαρ ντικχέλα ο Ντεβέλ ο γενέθλια; Πουθενά κι Γραφή να διαβάνασα ότι εκ υπηρέτης ι Ιεχωβάσκο κερντάς γενέθλια. Βακερέλα όμως ντουέ τζενένγκε σο να υπηρετίνενας-λες ντα κερντέ γενέθλια. Διαβάνεν Γένεση 40:​20-22 ντα Ματθαίος 14:​6-10. Σοράν συζητίνεν ο ερωτήσεις:

• Καβά ίδιος πράγμας αβιλό-πες ανταλέ ντουέ γενεθλιέντε;

• Σαρ σικαβένα ανταλά ιστορίες ι Γραφιάκε, σαρ πακιάσα ότι νιωθίνελα ο Ιεχωβά ι γενεθλιένγκε;

Όμως, μπέκιμ τι σκεφτίνες: “Χάλα μπαγιά ανάγκη ι Ιεχωβάς άμα με κα συμμετεχίναβ γενεθλιέντε ή εκχέ γιαβερέ γιορτιάτε σο τζάλα κόντρα οντουλέντζαρ σο βακερέλα η Αγία Γραφή;” Διαβάνεν Έξοδος 32:1-8. Σοράν, ντικχέν ο ΒΙΝΤΕΟΣ ντα συζητίνεν ο ερώτησεις:

ΒΙΝΤΕΟΣ: Γιορτές σο να Κερένα ο Γκι ι Ντεβλέσκο (5:07)

• Σόσκε πρέπει τι αβάς σίγουροι οντουλέσκε σο μανγκέλα ο Ιεχωβά;

• Σαρ μπορίνασα τι κεράς-λες ανταβά;

Σαρ κα αγαβές άμα εκ γιορτή πφανγκέλα ι Ντεβλέσκο γκι

• Μήπως τθερέλα τι κερέλ πραγματέντζαρ σο τζάνα κόντρα οντουλέντζαρ σο βακερέλα η Γραφή; Για τι σικλιός-λες ανταβά, ρόντε τι ντικχές κατάρ αστάρντιβελα.

• Μήπως ντέλα δόξα τζενέντε σο να αξίνενα-λες, οργανωσιέντε ή κο σύμβολα σο τθερέλα εκ τθεμ, σαρ ισί ο σημαίες; Αμέν ντάσα δόξα πο μπουτ σαριλένταρ κο Ιεχωβά ντα ντάσα μπέσα λέστε ότι βοβ κα νασκιαρέλ σαρέ ο προβλήματα ι ντουνιάσκε.

• Μήπως τθερέλα έθιμα ντα πράγματα σο τζάνα κόντρα κο κανόνες κι Γραφιάκε; Αμέν πρέπει τι ατσσάς πάκι κι Ντεβλέσκε γιακχά.

5. Βοήθινε ι γιαβερέν τι σεβάνεν οντουλά σο πακιάσα

ΒΙΝΤΕΟΣ: Εξηγίνεν Σουκάρ Τροπόσαρ Οντουλά σο Πακιάνα (2:01)

Διαβάνεν Ματθαίος 7:12 ντα σοράν συζητίνεν ο ερωτήσεις:

• Σαρ ντικχλάμ ανταλέ εδαφιόστε, πρέπει τι βακερές τι τζενέντε σο νανέ κι αλήθεια μα τι κερέν εκ γιορτή;

• Σο κα μπορίνεας τι κερές για τι σικαβές τι τζενένγκε ότι μανγκέσα-λεν ντα εκτιμίνεσα-λεν παρόλο σο να κα γιορτάνες λέντζαρ;

6. Ο Ιεχωβά μανγκέλα τι αβάς ευτυχισμέ

Ο Ιεχωβά μανγκέλα τι νακχάς σουκάρ αμαρέ φαμιλιάσαρ ντα αμαρέ αμαλέντζαρ. Διαβάνεν Εκκλησιαστής 8:15 ντα σοράν συζητίνεν ι ερώτηση:

• Σαρ σικαβέλα ανταβά εδάφιος ότι ο Ιεχωβά μανγκέλα τι αβάς ευτυχισμέ;

Ο Ιεχωβά μανγκέλα λέσκο λαός τι νακχέλ σουκάρ γιεκ. Ντικχέν ο ΒΙΝΤΕΟΣ σο σικαβέλα σαρ ντικχίντιβελα ανταβά κο διεθνείς συνελεύσεις σο κεράσα.

ΒΙΝΤΕΟΣ: Σικαβάσα Φιλοξενία κο Διεθνείς Συνελεύσεις (5:40)

Διαβάνεν Γαλάτες 6:​10 ντα σοράν συζητίνεν ο ερωτήσεις:

• Για «τι κεράς ο λατσσιπέ» κο γιαβερά, πρέπει τι συμμετεχίνας κο γιορτές σο ισί σικλέ τι κερέν ο τζενέ;

• Καλέ περιπτωσιέντε χαιρίνεσα πο μπουτ κάνα ντέσα εκ δώρος—​κάνα νιωθίνεσα υποχρεωμέ επειδή ισί γιορτή ή κάνα νικιόλα τούταρ;

• Μπουτ Μάρτυρες μπάζιμ κερένα κάτι σουκάρ πουμαρέ τσσαβένγκε ντα επίσης ντένα-λεν δώρα χωρίς τι μπεκλεντίνεν-λες. Άμα τθερέσα τσσαβέν, καλά σουκάρ πράγματα κα μπορίνεας τι κερές λένγκε;

ΧΑΝΙΚ ΛΑΦΙΝΤΖΑΡ

Ο Ιεχωβά μανγκέλα τι νακχάς σουκάρ αμαρέ φαμιλιάσαρ ντα αμαρέ αμαλέντζαρ. Αλλά να μανγκέλα τι κεράς γιορτές σο πφανγκένα λέσκο γκι.

Σο Σικλιλάν;

• Καλά ερωτήσεις μπορίνασα τι κεράς για τι αγαβάς άμα εκ γιορτή πφανγκέλα ι Ιεχωβάσκο γκι;

• Σαρ μπορίνασα τι βοηθίνας αμαρί φαμιλί ντα αμαρέ αμαλέν τι αγαβέν ο αποφάσεις σο λιντάμ μερικέ γιορτένγκε;

• Σαρ τζανέσα ότι ο Ιεχωβά μανγκέλα τι αβάς ευτυχισμέ ντα τι νακχάς λατσσές;

ΡΟΝΤΕ

Ντικχ μερικές γιορτές σο να κερένα ο Χριστιανοί.

«Σόσκε να Κερένα ο Μάρτυρες ι Ιεχωβάσκε Κάποιες Συγκεκριμέ Γιορτές;» (Θέμας κο ιστότοπος)

Σίκλιουβ σταρ λόγους σο αμέν πακιάσα ότι ο γενέθλια να κερένα ι Ντεβλέσκο γκι.

«Σόσκε να Κερένα Γενέθλια ο Μάρτυρες ι Ιεχωβάσκε;» (Θέμας κο ιστότοπος)

Ντικχ σαρ μπορίνενα ο χουρντέ σο μανγκένα ι Ιεχωβάς τι κερέν λέσκο γκι κάνα ο τζενέ κερένα γιορτές.

Τθερένα Μπαρί Αξία ι Ιεχωβάσκε (11:35)

Εκατομμύρια Χριστιανοί τραμπιντέ μα τι κερέν Χριστούγεννα. Σαρ νιωθίνενα ανταλέσκε σο τραμπιντέ;

«Αρακχλέ Κάτι πο Λατσσό» (Η Σκοπιά 1 Δεκεμβρίου 2012)