Σο Βακερέλα η Αγία Γραφή ι Μπουτιάκε ντα ι Λοβένγκε

Ανησυχισάλαν ποτές ι μπουτιάκε ή ι λοβένγκε; Νανέ πάντα εύκολος τι τθεράς οντουλά σο χρειαζίντιβασα ντα τι ντας λατρεία ι Ιεχωβάς-ντα σο αξίνελα-λες. Η Γραφή ντέλα-αμέν συμβουλές σο μπορίνενα τι βοηθίνεν-αμέν.

1. Σο βακερέλα η Γραφή ι μπουτιάκε;

Ο Ντεβέλ μανγκέλα τι απολαμβάνας αμαρί μπουτί. Η Γραφή βακερέλα ότι «ο πο λατσσό πράγμας εκχέ τζενέσκε ισί . . . τι χαιρίνελ ι πφαρέ μπουτιάκε σο κερέλα». (Εκκλησιαστής 2:​24) Ο Ιεχωβά κερέλα πφαρί μπουτί. Κάνα μοιάζασα λέστε ντα κεράσα λατσσές αμαρί μπουτί, αβέλα λέσκο γκι ντα αμέν νιωθίνασα πφερντέ.

Η μπουτί ισί σημαντική. Αλλά ποτές δεν πρέπει τι μουκχάς τι αβέλ πο σημαντική κατά λατρεία σο ντάσα κο Ιεχωβά. (Ιωάννης 6:​27) Βοβ ντέλα πο λάφι ότι άμα κα τσσουβάς-λες πρώτος αμαρέ ζωγιάτε, κα ντελ-αμέν σο-ντα τθεράσα ανάγκη.

2. Καβά ισί ο σωστός τρόπος για τι ντικχάς ο λοβέ;

Παρόλο σο η Γραφή βακερέλα ότι «ο λοβέ . . . αρακχαβένα-αμέν», βακερέλα αμένγκε επίσης ότι σάντε ο λοβέ ναστί κερένα-αμέν ευτυχισμέ. (Εκκλησιαστής 7:​12) Οντουλέσκε, βακερέλα αμένγκε μα τι μανγκάς μπουτ ο λοβέ, αλλά τι “ερεσέν-αμέν οντουλά σο τθεράσα”. (Διαβάνεν Εβραίους 13:5) Άμα ερεσένα-αμέν οντουλά σο τθεράσα, να κα αβάς απογοητευμέ σαρ οντουλά τζενέ σο μανγκένα συνέχεια μπουτ πράγματα. Να κα τσσουβάς σινανέ μπόρτζια. (Παροιμίες 22:7) Επίσης, κα νασάς ντουρ κατά ζιάνι σο κερένα ι μπαχτάκε παιχνίδια ντα κατά σχέδια σο κερένα ο τζενέ για τι χουλάνιβεν μπουτ σουγκό.

3. Σαρ μπορίνασα τι ντας αντράλ αμαρέ γκίσταρ κατά λοβέ σο τθεράσα;

Ο Ιεχωβά ισί εκ Ντεβέλ σο ντέλα αντράλ πι γκίσταρ, ντα μοιάζασα λέστε κάνα αμέν-ντα “ντάσα αντράλ αμαρέ γκίσταρ ντα ισινάμ έτοιμοι τι ντας αμαρέ πραγματένταρ”. (1 Τιμόθεο 6:​18) Μπορίνασα τι ντας αμαρέ λοβένταρ χωρίς τι ντικχάς αμαρό συμφέρον κάνα βοηθίνασα ι κχανγκιρί ντα ι τζενέν σο τθερένα ανάγκη, ντα πο μπουτ αμαρέ πφραλέν ντα πφενίν. Ο Ιεχωβά να ντικχέλα καζόμ ντάσα, αλλά σο ισί οντουβά σο τσσίντελα-αμέν τι ντας. Κάνα ντάσα αντράλ αμαρέ γκίσταρ, ισινάμ ευτυχισμέ ντα κεράσα ο γκι ι Ιεχωβάσκο.​—Διαβάνεν Πράξεις 20:​35.

ΧΑΝΤΖΟΥΒ ΠΟ ΑΧΟΡΤ

4. Τι ντες δόξα κο Ιεχωβά αντικάς σαρ κερέσα μπουτί

ΒΙΝΤΕΟΣ: Τι Κερέν Μπουτί ι Ιεχωβάσκε Σαρέ Τουμαρέ Γκίσαρ (4:39)

• Σαρ ντικχλάμ κο βίντεος, σο κερντάς τούκε εντύπωση κο τρόπος σο ντικχέλας ντα κερέλας ο Τζέισον πι μπουτί;

• Σο κερντάς για τι ατσσικιαρέλ πι μπουτί κι σωστή θέση;

Διαβάνεν Κολοσσαείς 3:​23, 24 ντα σοράν συζητίνεν ι ερώτηση:

• Σόσκε ισί σημαντικός ο τρόπος σο ντικχάσα ι μπουτί;

Η μπουτί ισί σημαντική. Αλλά ποτές δεν πρέπει τι μουκχάς τι αβέλ πο σημαντική κατά λατρεία σο ντάσα κο Ιεχωβά

5. Ντικχάσα λατσσιπέ κάνα ερεσένα-αμέν οντουλά σο τθεράσα

Μπουτ τζενέ μαρένα-πες τι γκίντεν καζόμ πο μπουτ λοβέ αβέλα-πες. Αλλά η Γραφή βακερέλα αμένγκε τι κεράς κάτι γιαβέρ. Διαβάνεν 1 Τιμόθεο 6:​6-8 ντα σοράν συζητίνεν ι ερώτηση:

• Σο βακερέλα αμένγκε η Γραφή τι κεράς;

ΒΙΝΤΕΟΣ: «Τι Ερεσέν-τουμέν Οντουλά σο Τθερένα» (3:20)

• Παρόλο σο ανταλά φαμιλιά τθερένα χάνικ λοβέ, σόσκε ισί ευτυχισμέ;

Σο αβέλα-πες όμως άμα τθεράσα μπουτ πράγματα ντα λοβέ αλλά μανγκάσα ατζέ πο μπουτ; Ο Ιησούς βακερντάς εκ παραβολή για τι σικαβέλ καζόμ ζιάνι μπορίνελα τι κερέλ ανταβά. Διαβάνεν Λουκάς 12:​15-21 ντα σοράν συζητίνεν ι ερώτηση:

• Σο σικλιλάν κατά παραβολή σο βακερντάς ο Ιησούς; ​—Ντικχέν ο εδάφιος 15.

Διαβάνεν ντα συγκρίνεν ο εδάφια Παροιμίες 10:​22 ντα 1 Τιμόθεο 6:​10. Σοράν συζητίνεν ο ερωτήσεις:

• Σο πακιάσα τούι ότι ισί πο σημαντικός, τι αβάς αμαλά ι Ιεχωβάσαρ ή τι τθεράς μπουτ λοβέ; Σόσκε βακερέσα-λες ανταβά;

• Σο προβλήματα αβένα κάνα κουλαντίνασα ο λοβέ;

6. Ο Ιεχωβά κα ντελ-αμέν οντουλά σο τθεράσα ανάγκη

ΒΙΝΤΕΟΣ: Ο Ιεχωβά κα Ντελ-αμέν Οντουλά σο Τθεράσα Ανάγκη (6:21)

• Σαρ ντικχλάμ κο βίντεος, καλά προβλήματα τθερέλας ο πφραλ;

• Σο κερντάς για τι ντελ-λεν πέρα πι προβληματέντζαρ;

Διαβάνεν Ματθαίος 6:​25-34 ντα σοράν συζητίνεν ι ερώτηση:

• Σο ντέλα πο λάφι ότι κα κερέλ ο Ιεχωβά οντουλένγκε σο τσσουβένα-λες πρώτα πουμαρέ ζωγιάτε;

ΧΑΝΙΚ ΛΑΦΙΝΤΖΑΡ

Η μπουτί ντα ο λοβέ χρειαζίντιβενα, αλλά δεν πρέπει ποτές τι λεν σαρό αμαρό σαάτι κατά υπηρεσία ι Ιεχωβάσκι.

Σο Σικλιλάν;

• Σο μπορίνελα τι βοηθίνελ-τουτ για τι ντικχές σωστέ τροπόσαρ ι μπουτί;

• Σο λατσσιπέ λέσα κάνα ισινάν ικανοποιημέ οντουλέντζαρ σο τθερέσα;

• Σαρ μπορίνεσα τι ντες μπέσα κι υπόσχεση κι Ιεχωβάσκι ότι κα ντελ πι λαόστε σαρέ οντουλά σο τθερέλα ανάγκη;

ΡΟΝΤΕ

Ντικχ άμα η Γραφή βακερέλα ότι ο λοβέ ισί κάτι κακός.

«Ανένα ο Λοβέ Σαρέ ο Μπέτι Πράγματα;» (Θέμας κο ιστότοπος)

Τσσουβ σημασία σαρ μπορίνασα τι χρησιμοποιήνας αμαρέ λοβέ για τι κεράς ι Ντεβλέσκο γκι.

«Σο Βακερέλα η Αγία Γραφή Οντουλέσκε σο Ντέλα;» (Θέμας κο ιστότοπος)

Μήπως ι μπαχτάκε παιχνίδια να κερένα αμένγκε ζιάνι;

«Οντουλά σο Βακερέλα η Αγία Γραφή​—Μπαχτάκε Παιχνίδια» (Ξύπνα!, Μάρτιος 2015)

Σίκλιουβ σο τσσιντιντάς εκχέ τζενές σο τσσουβέλας στοιχήματα ντα τσορέλας τι αλλάνελ ο τρόπος σο τζουβντιόλας.

«Μπεϊντίναβας Μπουτ ο Ιππόδρομος» (Η Σκοπιά 1 Νοεμβρίου 2011)