Ντούι Βασιλιάδες Τζάνα Κόντρα ο εκ ι Γιαβερέσαρ κο Τελευταία Ντιβεσά
Ο προφητείες σο ισί κο πίνακας σικαβένα πράγματα σο αβιλέ-πες κο ίδιος καιρός. Σαρέ ανταλά σικαβένα ότι τζουβντιάσα κο «τελευταία ντιβεσά».—Δαν. 12:4.
Εδάφιος(α) Αποκ. 11:7· 12:13, 17· 13:1-8, 12
Προφητεία «Ο θηρίος» κερέλα κουμάντος ι τζενέν κι πφουβ πιο μπουτ από 3.000 μπρεσά. Κο τελευταία μπρεσά, ο έβδομος σορό ντέλα-πες. Σοράν, ανταβά σορό ζουράνιβελα ντα «σαρί η πφουβ» τσσίντελα κατά θηρίος. Ο Σατανάς τσσουβέλα ανταβά θηρίος για τι “κερέλ τζένγκι οντουλέντζαρ σο ατσσιλέ”.
Νικιόλα Μπαγιά Σοράν κατά Κατακλυσμός, τζενένγκε κυβερνήσεις τζάνα κόντρα κο Ιεχωβά. Μπουτ μπρεσά σοράν, κο Πρώτος Παγκόσμιος Πόλεμος, η Βρετανική Αυτοκρατορία χασαρέλα μπουτ ζορ. Αβέλα πάλι ζουρανί κάνα αβέλα γιεκ με το Ηνωμένες Πολιτείες. Κο τελευταία μπρεσά, ο Σατανάς τσσουβέλα σαρέ ο κυβερνήσεις κι πφουβ για τι τζαλ κόντρα κι Ντεβλέσκο λαός.
Εδάφιος(α) Δαν. 11:25-45
Προφητεία Κο τελευταία ντιβεσά, ο βασιλιάς κατά βορράς ντα ο βασιλιάς κατά νότος τζάνα κόντρα ο εκ ι γιαβερέσαρ.
Νικιόλα Μπαγιά Η Γερμανία ντα η Αγγλοαμερικανική Δύναμη τζάνα κόντρα η εκ ι γιαβεράσαρ. Κο 1945, η Σοβιετική Ένωση ι τθεμέντζαρ σο ισινέ λάσαρ αβέλα ο βασιλιάς κατά βορράς. Κο 1991, η Σοβιετική Ένωση αβέλα καταστροφή, ντα πιο σοράν η Ρωσία ι τθεμέντζαρ σο ισί λάσαρ αβέλα ο βασιλιάς κατά βορράς.
Εδάφιος(α) Ησ. 61:1· Μαλ. 3:1· Λουκ. 4:18
Προφητεία Ο Ιεχωβά μπουτσσαβέλα πι «αγγελιοφορός» τι «καθαρίνελ ο ντρομ» πριν τι αβέλ η Μεσσιανική Βασιλεία. Ο «αγγελιοφόρος» αρχίνελα τι “βακερέλ λατσσέ αμπέρια οντουλένγκε σο τθερένα κοβλό γκι”.
Νικιόλα Μπαγιά Κατά 1870, ο Κ. Τ. Ρώσσελ ντα οντουλά σο ισινέ λέσαρ κερένα μπαρί μπουτί για τι αρακχέν ο αλήθειες ι Γραφιάκε. Κο 1881, αγαντέ καζόμ σημαντικός ισί τι κερέν έργος ο υπηρέτες ι Ντεβλέσκε. Νικαβένα θέματα σαρ ο θέμας «Ζητούνται 1.000 Κήρυκες» ντα ο θέμας «Έχουν Χριστεί για να Κηρύττουν».
Εδάφιος(α) Ματθ. 13:24-30, 36-43
Προφητεία Εκ ντουσμάνι τσσουβέλα ζιζάνια εκχέ χωραφίστε γκιβέσαρ. Ο ζιζάνια μπαριόνα ντα γκεραβένα ο γκιβ· κάνα αβέλα ο βακίτι τι γκιντίντιβελ ο γκιβ ο ζιζάνια ξεχωρίντιβενα κατά γκιβ.
Νικιόλα Μπαγιά Κατά 1870, ο αληθινοί Χριστιανοί αρχίνενα τι ξεχωρίνεν κατά ψεύτικοι. Κο τελευταία ντιβεσά, ο αληθινοί Χριστιανοί γκιντίντιβενα ντα ξεχωρίντιβενα κατά ψεύτικοι.
Εδάφιος(α) Δαν. 2:31-33, 41-43
Προφητεία Ο πιντρέ από σίδερος ντα τσικ εκχέ αγαλμάστε σο ισί κερντό από διάφορα μέταλλα.
Νικιόλα Μπαγιά Η τσικ ισί ο τζενέ σο τζάνα κόντρα κι Αγγλοαμερικανική Παγκόσμια Δύναμη σο κερέλα-λεν κουμάντος. Ιτιρί ανταλέ τζενένταρ, ανταγιά κυβέρνηση ναστί χρησιμοποιήνελα σαρί πι ζορ.
Εδάφιος(α) Ματθ. 13:30· 24:14, 45· 28:19, 20
Προφητεία Ο «γκιβ» γκιντίντιβελα κι «αποθήκη» ντα «ο πιστός ντα φρόνιμος δούλος» τσσουβντιόλα υπεύθυνος κο «υπηρέτες». Ο «λατσσέ αμπέρια ι Βασιλειάκε» αρχίνενα τι βακέρντιβεν «σαρί κι πφουβ».
Νικιόλα Μπαγιά Κο 1919, ο πιστός δούλος τσσουβντιόλα υπεύθυνος κι Ντεβλέσκο λαός. Από αζομάν, ο Σπουδαστές της Γραφής κερένα πιο μπουτ έργος. Αντιβές, ο Μάρτυρες ι Ιεχωβάσκε κερένα έργος πιο μπουτ από 200 τθεμέντε ντα νικαβένα έντυπα κατά Γραφή πιο μπουτ από 1.000 τσσιμπέντε.
Εδάφιος(α) Δαν. 12:11· Αποκ. 13:11, 14, 15
Προφητεία Εκ θηρίος σο τθερέλα ντούι σινγκά βακερέλα κο τζενέ τι κερέν εκ “άγαλμας ι θηριόσκο” ντα ντέλα «ανάσα κο άγαλμας».
Νικιόλα Μπαγιά Η Αγγλοαμερικανική Παγκόσμια Δύναμη κερέλα ι Κοινωνία των Εθνών. Γιαβερά-ντα τθεμά ισί αντρέ κο οργανισμός ανταβά. Τελικά, ο βασιλιάς κατά βορράς τσσουβέλα-πες αντρέ κι Κοινωνία των Εθνών, αλλά σάντε κατά 1926 μέχρι κο 1933. Ο τζενέ πακιαντέ ότι η Κοινωνία των Εθνών κα ανέλας ειρήνη σαρό κο ντουνιάς, κάτι σο μπορίνελα τι κερέλ σάντε η Βασιλεία ι Ντεβλέσκι. Ο τζενέ πακιάνα-λες ανταβά για το Ηνωμένα Έθνη-ντα (ΟΗΕ).
Εδάφιος(α) Δαν. 8:23, 24
Προφητεία Εκ άγριος βασιλιάς κερέλα “αζόμ μπαρί καταστροφή σο ο τζενέ ατσσόνα πουταρντέ μόσαρ”.
Νικιόλα Μπαγιά Η Αγγλοαμερικανική Παγκόσμια Δύναμη αντάς μπαρί καταστροφή. Για παράδειγμας, κο Δεύτερος Παγκόσμιος Πόλεμος, ο Ηνωμένες Πολιτείες αντέ εκ καταστροφή σο ποτές να αβιλίας-πες κάνα τσσουντέ ντούι ατομικές βόμβες εκχέ λαόστε σο ισινέ ντουσμάνια με την Αγγλοαμερικανική Παγκόσμια Δύναμη.
Εδάφιος(α) Δαν. 11:31· Αποκ. 17:3, 7-11
Προφητεία Ο «ντιπ λολό θηρίος» σο τθερέλα ντες σινγκά νικλίλα κατά άβυσσος ντα ισί ο όγδοος βασιλιάς. Ο βιβλίος ι Δανιηλίσκο βακερέλα ότι ανταβά βασιλιάς ισί «ο τζουνγκαλό πράγμας σο ανέλα καταστροφή».
Νικιόλα Μπαγιά Η Κοινωνία των Εθνών ναστί κερέλα τίποτα καζόμ κερντιόλα ο Δεύτερος Παγκόσμιος Πόλεμος. Σοράν κατά τζένγκι, “τσσουβντιόλα” ο ΟΗΕ. Κο Ηνωμένα Έθνη, σαρ κι Κοινωνία των Εθνών-ντα, ντιντιόλα δόξα σο πρέπει τι ντιντιόλ κι Βασιλεία κι Ντεβλέσκι. Ο Ηνωμένα Έθνη κα τσσουβέν-λεν ι θρησκειάσαρ.
Εδάφιος(α) 1 Θεσ. 5:3· Αποκ. 17:16
Προφητεία Ο τθεμά βακερένα «ειρήνη ντα ασφάλεια», ντα «ο 10 σινγκά», «ντα ο θηρίος», τσσουβένα-λεν ι “λουμνιάσαρ” ντα καταστραφίνενα-λα. Σοράν, ο τθεμά καταστραφίντιβενα.
Νικιόλα Μπαγιά Ο τθεμά μπορεί τι βακερέν ότι αντέ ειρήνη ντα ασφάλεια. Σοράν, ο τθεμά σο τσσίντενα κατά ΟΗΕ κα καταστραφίνεν ο ψεύτικες θρησκείες. Ανταβά κα σικαβέλ ότι αβιλί η μπαρί στεναχώρια. Οντιά στεναχώρια κα τελειώνελ κάνα κα καταστραφίντιβελ σαρό ο ντουνιάς κο Αρμαγεδδώνας.
Εδάφιος(α) Ιεζ. 38:11, 14-17· Ματθ. 24:31
Προφητεία Ο Γωγ τσσουβέλα-πες κο τθεμ κι Ντεβλέσκε λαόσκο. Αζομάν, ο άγγελοι γκίντενα «οντουλέν σο τραμπίντιλε».
Νικιόλα Μπαγιά Ο βασιλιάς κατά βορράς ντα ο γιαβερά κυβερνήσεις κα τσσουβέν-λεν ι Ντεβλέσκε λαόσαρ. Σοράν ανταλέσταρ, ο χρισμέ σο ατσσιλέ κα τζαν κο ουρανός.
Εδάφιος(α) Ιεζ. 38:18-23· Δαν. 2:34, 35, 44, 45· Αποκ. 6:2· 16:14, 16· 17:14· 19:20
Προφητεία “Οντουβά σο ισί οπράλ εκχέ παρνέ γκραστέστε” ολοκληρώνελα «πι νίκη» κάνα καταστραφίνελα τον Γωγ ντα λέσκο στρατός. «Ο θηρίος» “φουρτίντιβελα κι γιακάκι λίμνη” ντα ο μπαρό άγαλμας καταστραφίντιβελα.
Νικιόλα Μπαγιά Ο Ιησούς, ο Βασιλιάς κι Βασιλεία κι Ντεβλέσκι, αβέλα τι σώνελ ι Ντεβλέσκε λαός. Βοβ, ο 144.000 ντα ο άγγελοι κα καταστραφίνεν σαρέ ο τθεμά σο γκιντίντιλε γιεκ για τι τσσουβέν-λεν ι Ντεβλέσκε λαόσαρ, σαρέ ι Μπενγκέσκε ντουνιάς.