Εμπειρία

Τι Αγαβάς Σαριλένγκι Ντουκχ

Εκ ντιβές, εκ πφεν κατά Νέα Ζηλανδία ντικχλάς εκ βίντεος κο jw.org σο εξηγίνελα ότι ο Ιεχωβά, όχι σάντε αγαβέλα αμαρί ντουκχ, αλλά κερέλα πράγματα-ντα για τι βοηθίνελ-αμέν. (Ησ. 63:​7⁠-9) Η πφεν αποφασιντάς τι κερέλ οντουλά σο σικλιλί ντα τι ρόντελ ευκαιρίες για τι βοηθίνελ εκχέ τζενές. Πο σοράν οντουβά ντιβές, καζόμ κινέλας ψώνια, ντικχλάς εκχέ τζουβλιά σο να τθερέλας κχερ ντα πουτσλάς-λα άμα μανγκέλας τι κινέλ λάκε κάτι τι χαλ. Η τζουβέλ δεχτιντάς. Κάνα η πφεν κιντάς ο χαμπέ ντα γκιλί τι ντελ-λες λάτε, να χασαρντάς ι ευκαιρία τι κερέλ λάκε λάφι ι Ιεχωβάσκε κατά φυλλάδιος Κα Σταματίνεν Ποτές ο Βάσανα;

Η τζουβέλ αρχισάλι τι ροβέλ. Εξηγιντάς ότι μπαριλίας σαρ Μάρτυρας ι Ιεχωβάσκι, αλλά νασλίας κατά αλήθεια πριν από μπουτ μπρεσά. Ακανά τελευταία όμως, αρχισάλιας τι προσευχίντιβελ κο Ιεχωβά τι βοηθίνελ-λα τι βουρτίνελ λέστε. Η πφεν ντινάς κι τζουβέλ εκ Αγία Γραφή ντα η τζουβέλ δεχτιντάς τι αρχίνελ μελέτη.a

Σαρ ο Ιεχωβά, μπορίνασα αμέν-ντα τι αγαβάς ι ντουκχ ι γιαβερένγκι, αμαρέ τζενένγκι ντα αμαρέ πφραλένγκι κι κχανγκιρί. Ντα μπορίνασα τι σικαβάς ότι αγαβάσα λένγκι ντουκχ κάνα ρόντασα ευκαιρίες για τι βακεράς ο λατσσέ αμπέρια κο γιαβερά.