LEKTIONA 2

Koon hi o tchatcho Dewel?

Ap leskro bollepaskreskro shtammin beshdes, dikell o Jehowah ap hallauter, hoi lo an o bollepen un ap i phup kras.

Dell jek tchatcho Dewel. Job kharella Jehowah (Gilja 83:18). Job djiwell an o bollepen. Mer nashte dikah les gar. Job gamell men, ninna khamell lo, te gamah mer les. Job khamell ninna, te gamah mer i wawar manushen (Mateo 22:35-40). O Jehowah hi o pralstunsto un gerdas hallauter.

An o glanstunsto tsiro kras o Dewel i sorlo un kutch bollepangres. Ko bollepaskro kharas ap i phub Jesus Christo. O Jehowah kras ninna kola tsele wawar bollepangren.

O Jehowah kras hallauter an o bollepen ... ninna ap i phub. Debleskro tsiro 4:11

O Dewel gerdas hallauter an o bollepen un hallauter ap i phub (1. Mose 1:1).

O Dewel kras o glanstunsto morshes dran i phub un das les o lab Adam (1. Mose 2:7).