Hoi anell menge koi literatura?
Kaja literatura wajas tchindes, te nai hatseh o bachtlepen an o Dewleskro lab, i bibla. Gai “Dikh pala” tchindes hi, hatseh tu, hoi i bibla ap hako putchepen, hoi kate pesses tchindo hi, penella.
Mishto hi, te haiweh ninna, ha i bibla o tchatchepen penella. I Jehoweskre Rakepangre tsikerenn tuke, ha kowa djala.— Dikh pala an Luka 24:32, 45.
Shun: Te dell i publikationa, hoi an kaja literatura dre tardo hi, gar ap romanes, denn i Jehoweskre Rakepangre kowa ap i gadjgene tchip wri.