Awenn! Lenn newi soor

1. O swetto hi shilla, o latchepen krik,

brindjrell gomme jek i Dewles?

Pral mende te hi leskro wast, mer djinah,

gai mer jaake wah bachteles.

I soor, hoi krell newes, mer lah, mer te djah

pash mende an o Ketnepen.

O Dewel i laba mukell te penell,

te nai rikrah o patsepen.

I laba o Dewlestar mer ma bistrah,

mer krah, hoi job mendar khamell.

Hunah an o Ketnepen, hoi latches hi.

O gamlepen budeda well.

2. Hoi menge hi mishto, o Dewel djinell,

ap leskro lab hunte shunass.

Te djala, i prahlentsa mer ketne wah,

mer krah, hoi o Dewel penas.

Dran patsle morshende hunah mer, ha mer

djiwah nai o patsepen wri.

Mer ham an i patsli familja mendar,

haiwah, gai kek dji kokres hi!

O tsiro well shukka, doleske wah mer

kolentsa ketne, gai gamah.

Hunah an o Ketnepen, ha te djiwass;

ko well o Dewlestar djinah.