18.–24. NOVEMBER
GILJA 107–108
Gili 7, un mangepen | Glanstune Laba (1 Min.)
1. Parkrenn tumen pash i Jehoweste doleske, kai hi lo latcho
(10 Min.)
Jaake har las o Jehowah kol Israelitarjen dran Babilon win, jaake las lo ninna men dran o bengeskro swetto win (Gil 107:1, 2; Kol 1:13, 14)
Dran maro parkepen sharah mer i Jehowes an i Versammlunga (Gil 107:31, 32; w07 15. 4. 20 Abs. 2)
Men well i parkedo dji, mer te denkrah pral kowa pal, hoi o Jehowah menge an peskro loyaltiko gamlepen kras (Gil 107:43; w15 15. 1. 9 Abs. 4)
2. Ko brawlepen, hoi hatsam
(10 Min.)
Gil 108:10 – Hoske well penlo, kai hi Moab i “thopaskro tcharo”? (it-2 375 Abs. 1)
Hawo brawlepen hatsal tu an o Biblakro Drawepen?
3. Biblakro Drawepen
(4 Min.) Gil 107:1-28 (th Lektiona 5)
4. Fange i rakepen an
(3 Min.) INFORMELL. (lmd Lektiona 1, Punkto 4)
5. Kre i interessa bareder
(4 Min.) INFORMELL. Penn o wawareske, har i Biblakro Kurso mentsa hi, un de i kontakt karta tele. (lmd Lektiona 9, Punkto 3)
6. Biblakro Rakepen
(5 Min.) ijwyp 90 – Themra: Hoi nai krau me, te hi man negativ Gedanke? (th Lektiona 14)
Gili 46
7. Mer giwah, te parkras men pash i Jehoweste
(15 Min.) I rakepen halauterentsa.
Har o Jehowah kol Israelitarjen dran o them Egyptia win las un kola Egyptaria an o Lolo Pani, hoi o Jehowah teilras, maredo wan, giwan le pengro Debleske pengro tselo djieha i gili (2Mo 15:1-19). O morsha hins pash o gipen glanstunes (2Mo 15:21). Ninna o Jesus un kola erste christe giwan i Jehoweske gilja (Mat 26:30; Kol 3:16). Un ninna mer sikrah maro parkepen, te giwah an maro Khetnepen un ap mare kongresse. Koi gili „Mer parkrah men pash tute, Jehowah“, hoi mer kanna glanstunes giwan — della schon seit o bersh 1966.
Denna kulture, kai penenn le, te giwell i morsh glan wawarende, hi kowa i ladj. Wawar phrala un phenja rikrenn pen pale doleske, kai denkrenn le, lengri stimma hi gar jaake shukar. Ma bistras: O gipen hi i kotar an mari anbetunga. I Jehoweskri organisationa tchiwell jaake bud tsiro un budi an kowa dren, te wenn gilja komponieremen un win rodemen, te giwas len an o Khetnepen. Menge hi kowa bud kope einfacher: Mer nai giwah einfach khetne! Doleske kamah mer mare shukar gilja o tselo djieha an maro Khetnepen te giwell — maro Debleske Jehowah.
Sike o VIDEO Unsere Geschichte in Bewegung: Lieder – ein besonderes Geschenk (Teil 2). Palle putch:
Hoi djas an o bersh 1944?
Ap hoi sikrell pes, kai his mare phralen un phenjen an Sibirien mare gilja bud moldo?
Hoske hi i Jehoweskre Rakepangrenge o gipen jaake bud moldo?
8. Biblakro Rodepen
(30 Min.) bt o Kotar 18 Abs. 6-15