12.–18. MAI

GOSEWE LABA 13

Gili 34, un mangepen | Glanstune Laba (1 Min.)

O BRAWLEPEN AN O DEBLESKRO LAB

1. Pereh gar ap i momeli i tchilatchendar dren

(10 Min.)

I tchilatchen hi kek zukunfta (Gos 13:9; it-2 159 Abs. 5-6)

Ma ab kolentsa khetne, kai penenn kai tchilatcho koowa mishto hi (Gos 13:20; w12 15. 7. 12 Abs. 3)

O Jehowah prossewell koles koon an o tchatchepen tardo hi (Gos 13:25; w04 15. 7. 31 Abs. 6)

Collaga: O djipen budeder phralendar un phenjendar vergleichedo i morsheskro djipah, koon kek Rakepaskro i Jehowestar hi. 1. O morsh khelell mit o pipen an peskro wast an i nachtclub. 2. Palle djal leske gar mishto un lell medizina dren. 3. Phrala un phenja hin khetne win ap i rat. Jon genießrenna te giwenn le, khelenn le un te chann le khetne. 4. Ap o nächsto diwes djan jon an i Debleskri Budi khetne. — Mensche, kai halauter kamenna hoi o swetto della, hin oft gar jaake bachteles, har win dikella. Aber koon jaake djiwella, har o Jehowah kamella, haiwell tchatchepah i bacht

2. Ko brawlepen, hoi hatsam

(10 Min.)

Gos 13:24 – Hoi sikrell menge ko verso pral o tchatcho gamlepen? (it-2 216 Abs. 4)

Hoi tu peneh
Hawo brawlepen hatsal tu an o Biblakro Drawepen?

Hoi tu peneh

3. Biblakro Drawepen

(4 Min.) Gos 13:1-17 (th Lektiona 10)

WAS FETEDER AN MARI CHRISTIKI BUDI

4. Fange i rakepen an

(3 Min.) KHEER PAL KHEER. Fange i aktuell themra an, palle sike o wawareske tchomone dran i bibla hoi patseh, kai leske budeder interessierella. (lmd Lektiona 2, Punkto 5)

5. Fange i rakepen an

(4 Min.) INFORMELL. Mange o wawares ap maro Khetnepen dren. (lmd Lektiona 2, Punkto 3)

6. O Biblakro Rakepen

(5 Min.) lmd Anhang A, Punkt 9 – Themra: I tchawenge hi kowa mishto, te respektierenn le un te shunenn le ap pengre eltrende (th Lektiona 16)

MARO CHRISTIKO DJIPEN

Gili 77

7. “Koon an o tchatchepen tardo hi, hi har i momeli, hoi bachteles chatchell“

(8 Min.) I rakepen halauterentsa.

O kutchestar goswepen hi an o Debleskro Lab. Te mukah mer i bibla har i momeli ap maro drom te chatchell, palle djiwah mer i bachtelo djipen. O swetto nai dell menge tchi.

I szena dran ko video „Die Welt kann dir nichts geben, was sie nicht hat“. I pheen Gainanshina hi ap i wiesa beshto un dikell an o bolepen.

Sike o VIDEO Die Welt kann dir nichts geben, was sie nicht hat. Palle putch:

Har sikrell menge ko beispiel mari phenjatar Gainanshina, kai koi momeli kolendar kai “an o tchatchepen tardo hi“ feteder hi har i momeli i tchilatchendar? (Gos 13:9)

Hoi tu peneh

Te nashah mer tchomone palla hoi an o swetto hi oder te dikah mer buder gar mishto ap kola entscheidunge hoi mer i Jehoweske kram, anell men kowa gar dureder (1Joh 2:15-17). Tchip tuke glan i jaka har kutch un bud moldo koja erkenntnis hi hoi hatsal (Flp 3:8).