LEKTIONA 9

An hawo tsiro well o paradiso?

I tsele probleme ap mari phub tsikerenna, gai o paradiso glan maro wuhda hi. Luka 21:10, 11; 2. Timoteo 3:1-5

Mer djiwah an phare tsire, gai della bud tchilatchepen – khurepen, bokh, nasslepen un bud budeda

An i bibla hi pral kola bud probleme ap mari phub an maro tsiro tchindo. I bibla penella, gai bud o lowe gamenna, gai shunenn tchawe bude gar ap o dadeste, ap i date, gai hin le midjak un gai khamenn jon kokeres pal pengro shero te djiwell.

Hi ninna tardo, gai well i phub sorles trisslemen, te dell khurepen, bokh un gai well o nasslepen djungleda. An maro tsiro dell kowa hallauter.

Jek i Jehoweskre Rakepangrenda rakerell pral i morsheha pral o latcho lab o Dewleskro Themesta

O Jesus penas ninna, te well o latcho lab pral o Dewleskro Them ap i tseli phub pendes (Mateo 24:14).

O Dewleskro Them anell gamlepen, ninna bachtlepen. 2. Petro 3:13

I tchilatche wenna maredes an Harmagedon, ninna well o beng un leskre tchilatche bollepangre phagedino

O Jehowah marell an i tikno tsiro kola tsele, gai midjak hin.

O beng un kola tikne benga, gai wenna demone kharedes, wenna phagedino.

O Jesus hi ap leskro bollepaskreskro shtammin beshdes. I manusha dran bud natione hi bachteles

Hakeno, gai ap o Dewleste shunella, atchell djides. Jon djiwenn ap i phup, gai kek tchilatchepen, ninna kek traash buda della. An ko tsiro hi hakeno tiro maal un hakeno gamell pes.