Tumer hunte wenn ha i momli

1. Maro rai, o Jesus,

job menge penas,

dudes ha i momli,

jaake mer te wass.

Latche, gamle laba

hakneste anah.

Hoi i bibla men sikrell,

mer wawren sikrah.

2. An hakneskro dji o

latcho lab tchiwah.

Pengro tamlepen mer

jaake lendar lah.

Te rakrah mer lentsa

pral o tchatchepen,

“An i momli ’mah te djal”,

jon nashte penenn.

3. Gai djiwah mer an i

momli, mer tsikrah:

Mer i manushenge

latcho koowa krah.

Mari momli sorles

an o dji chatchell.

Jaake ninna sharemen

maro Dewel well.