O Dewleskro libro – I brawelepen

1. Jek libro della, kote dren hatsah mer

ap kola bud, bud rigja latchepen.

Dren hi i soor, anell i “korelenge”

i momli, “muhle”, jon o djipen lenn.

Ko libro hi i Dewleskri kutch bibla.

O Dewel das i laba i morshen.

Dran peskro ducho job tsikras len ’lauter,

ha jaag chatchas an lende gamlepen.

2. Kote hi tchindo, ha o baro Dewel

o bollepen, i phub, ’lauter gerdas

un ha o djipen an o paradiso

djas nashedo, i doosh ap mende was.

Ninna trabrah mer, ha i bollepaskro

tchilatcho was, khamas pes te hadell.

Tchilatchepen, bud duka wan ap mende,

o Dewel kowa sigo pale lell.

3. Maro Jehowah, dran peskro tchaweste,

hi maro krahlo; hawi bacht men hi!

O latcho lab o Dewleskro Themestar,

khamah mer, te lell hakno an o dji.

I latche laba, tardo an ko libro,

hi, ha i chabpen, hoi i soor men dell,

men gamlepen anenna, ha tchi wawar.

Ko brawlepen khamah mer te rikrell.