“O Dewel hi gamlepen”

1. Gamlepen hi o Jehowah,

gai mer les gamah, tsikrah.

Mer tsikrah maro wawres, gai

mer les ninna bud gamah.

Gamlepen hi an o djipen

kowa, hoi o djipen hi.

Gamlepen kek lella krik nai,

gamlepen hi an o dji.

2. Te gamah o tchatchepen, mer

kowa krah, hoi latcho hi.

Te perah, hi maro Dewel

menge koi, ap mari rig.

Gamlepen hi djudjo, latcho,

sorles un silwrella gar.

Gamlepen rikrell men ketne,

prahla ham, mer ko’ djinah.

3. An tute ma mukh i choli

sig te well, atch sorleda.

Maro Dewel, job penella:

“Miro drom hi fededa.”

Hakno nai dikell, gai hi men

gamlepen an maro dji.

Jaake nai haiwenn i wawar:

Gamlepen o Dewel hi.