LEKTIONA 11
Jaake hi tut i biblatar budeder
Das an tiro djipen tchomone, hoi tu kamal te krell, un an tire jaka his kowa bareder har bares? Nai wella, kai penal tu ap tute kokres, kai hunte tchiwess tu kanna jek piro pal o wawar, te nai wess dureder. Jaake hunte kress tu kowa ninna i biblah. Tu te putcheh kanna, ‘Har te drawerap sawo baro libro?’, hi tuke kaja lektiona mishto. Kate well tuke koowa sikedo, hoi krella, te hi tuke o drawepen un o rodepen an i bibla shukar un gar jaake pharo.
1. Hoske drawerap pale un pale an i bibla?
Kowa, kai dikell pale un pale an “o baro Debleskre laba”, hi bachtelo un hoi job krella, wella mishto (Dik pal an Gilja 1:1-3). Glanstunes nai lals tuke hako diwes i tikno tsiro. Pats les: Jaake latcheder tu i bibla prindjreh, jaake budeder bacht hi tut, te drawereh an o Debleskro lab.
2. Hoi hi tuke mishto, te drawereh an i bibla?
Kola biblakre laba, hoi tu an i bibla drawereh, hunte mukess tu “tuke an tiro shero trujel te djal” (Josua 1:8). Kre doleske an o drawepen ninna pale un pale i tikni pausa un putch tut: “Hoi sikrell mange ko lab pral i Jehoweste? Har sikrell pes ko lab an miro djipen? Nai dell ko lab ninna i wawareske soor?”
3. Har te hatsap tsiro, te nai drawerau an i bibla?
Putcheh tu tut ninna, kai te less ko tsiro, te nai draweress an i bibla? Buden djal kowa jaake. I bibla penell menge: “Hako kopo, kai krenn nai latcho koowa, krenn kowa” (Efesarja 5:16). Jaake haiwah: Mer hunte las menge ko tsiro. Mer hunte penas ap mende kokres: Kanna dikau an i bibla dren. Bud drawerenn lat taissarlakro, wawar an pengri pausa un pale wawar dikenn ratsjakro an i bibla. Hawo tsiro wals tuke o fetester?
RODAS DUREDER
Kanna dikeh, har tuke kowa budeder interessant nai wella, te draweress an i bibla. Tu haiweh ninna, hoske tuke kowa mishto hi, te dikeh glan tiro Biblakro Kurso ap kowa, hoi wella.
Jaake, har mer siklo nai wah, te chas sasto chapen, nai wah ninna siklo, te draweras an i bibla
4. O drawepen an i bibla nai wella shukar
Har hi tuke, te chah sasto chapen? Te hal kowa siklo, chah tu kowa o djiestar. I biblah hi kowa emliges. Mer te drawerah lat pale un pale, well menge jaake har “bok pal o Debleskro lab”. Dikenn pal an 1. Petro 2:2, un rakrenn khetne pral:
Hoi penals tu: Nai wals tuke ninna “bok pal o Debleskro lab”, tu te drawereh hako diwes an i bibla?
Dik o VIDEO te nai shuness, hoske dui morsh tchawe un dui tcha penenna, kai o drawepen an i bibla lenge shukar hi. Pal kowa, rakrenn khetne pral:
Hawe probleme his len glanstunes?
Har was kowa, kai drawerenn le kanna hako diwes an i bibla?
Hoi krenn le, te well lenge o drawepen an i bibla budeder interessant?
Jaake hi tut budeder, te drawereh an i bibla:
Rode tuke i bibla an tiri tchip wi. An tiri gadjkeni tchip della i tchatchi bibla, hoi witar gar phares tchindes hi: I Bibla — An o Newo Swetteskro Rakepen.
Drawe i kotar an i bibla, hoi tuke interessant hi. Te rodeh pal i latchi idea, hatseh tchomone tel “Koowa, hoi kamau i biblatar te djinell”.
Tchin tuke kowa pre, hoi tu draweral. Tel “Miri Biblakri Plana” nai tchineh tu tuke kowa pre, hoi draweral.
Le tuke i JW Library® App. Tu te downloadreh koi App, nai drawereh un shuneh tu i bibla.
Dik dren an O Palstuno Koowa, hoi hi an I Bibla — An o Newo Swetteskro Rakepen. Kote hatseh bud themeskre karte, bud tabelle un i labengro liil. Ko hi tuke ninna mishto.
5. Dik glan o Biblakro Kurso an tiri publikationa dren
Dikenn pal an Gilja 119:34, un rakrenn khetne pral:
Hoske hi o mangepen glan o drawepen an i bibla mishto, un ninna glanstunes, te dikeh an tiri literatura dre?
Har nai well tuke dran tiro Biblakro Kurso budeder? Tu nai kreh les jaake, te dikeh an i lektiona dren:
Drawe kola glanstune verse, hoi glan RODE DUREDER tardo hi.
Dik ninna pal, hoi kola verse an i bibla penenna. Muk len an tiro shero trujel te djal, te haiwess, hoi jon pral koi themra an i lektiona sikrenn.
Marke kola laba, hoi tuke moldo hi. Jaake hatseh tu kola laba sikeder pale, te hi tut tiro Biblakro Kurso.
Djinal tu kowa?
Mer Jehoweskre Rakepangre lam un lah bud bible, te nai draweras o Debleskro lab. I Bibla — An o Newo Swetteskro Rakepen della an i gadjkeni tchip un hi an mare jaka mishto. Hoske? Joi hi tchatches tchinlo, hi gar phares te haiwess lat un an late hi ko jek lab o Deblestar tchinlo, hoi les hi (Dik ninna an koi artikla online “Kran i Jehoweskre Rakepangre penge i bibla?”).
BUD PENENNA: “Man hi kek tsiro, witar kek soor te dikap jaake bud an i bibla.”
Hoi penals tu ap kowa?
HOI KATE PENLO WAS
O fetester hi, tu te rodeh tuke i tsiro win, kai kameh an i bibla te drawerell. Mange o Debles, te mukell lo tut kowa te haiwell un dik glan tiro Biblakro Kurso an koi lektiona, hoi wella.
Hoi penals tu?
Hoi hi tuke mishto, te well tuke i biblatar budeder?
Hawo tsiro wals tuke o fetester, te draweress un te rodess an i bibla?
Hoske hi tuke kowa mishto, te dikeh ninna glan tiro Biblakro Kurso an koi publikationa dren?
BUDEDER
Kate nai drawereh, har te well tuke o drawepen an i bibla budeder interessant.
“I bibla: Tu nai drawereh un haiweh lat” (O Gardeskro Kheer Nr. 1 2017)
Kate hatseh triin droma, har te draweress i bibla nai.
“Hoi nai krell i bibla mange? — Kotar 1: Jaake nai prindjreh tiri bibla” (I artikla online)
Kate hatseh, har tuke o drawepen an i bibla shukeder nai wella.
“Hoi nai krell i bibla mange? — Kotar 2: Jaake hi o drawepen an i bibla shukeder” (I artikla online)
Kate penenn tuke sawe, kai draweran bud bersha an bibla, har jon kowa kran.