LEKTIONA 45
Har te sikras, kai ham neutral
O Jesus penas ap peskre nashepangrende, te wenn le kek “menshe kai phubjatar” (Johanni 15:19). Te was neutral, kharella, te rikras men win dran i swetteskri politika, i harmenationa un te das men ap kek rig, te della kurepen. Awa, ko nai wella phares, un wawar nai san pral mende. Har nai atchah mer neutral, un o Debleske Jehowah loyal?
1. Har dikenn tchatche christe ap i phubjakri pralstuni?
Christe respektierenn pengri phubjakri pralstuni an o them. Har o Jesus penas, lell o Cesar mendar kowa, “hoi leskro hi” — ko kharella, mer hunte rikras men ap i themeskre laba, har kanna te plaissras i steure (Marko 12:17). I bibla penella, kai mukell o Jehowah an maro tsiro haki pralstuni te rajell (Remarja 13:1). Jaake haiwah, kai o Dewles budeder penepaske hi, har len. Doleske dikah mer ap leskri pralstuni an o bolepen — o Debleskro Them — joi lell i tsele menshengre probleme krik.
2. Har nai sikrah mer, kai ham neutral?
Har o Jesus, rikrah mer men dran phubjakro koowa win. Har kol menshe ko baro, sorlo koowa dikan, hoi o Jesus kras, kaman le dran leste pengro phubjengro rai te krell (Johanni 6:15). Hoske kamas o Jesus kowa gar? Job penas: “Miro them … hi gar kai phubjatar” (Johanni 18:36). Kai ham neutral, sikrah mer an bud koowa, har kanna, kai djah gar an o kurepen (Dik pal an Micha 4:3). Ninna te respektierah nationaltike symbole — har i flagga — djams mer glan lende gar ap i tchanga (1. Johanni 5:21). Mer dah men witar gar ap i rig jekestar, te djala pral i politika oder i harmenationa. Mer te atchah neutral, sikrah mer: Mer ham loyal ap i rig o Debleskro Themestar.
RODAS DUREDER
Kanna dikeh, hawe situatione menge kowa phares nai krenn, te atchas neutral. Tu dikeh ninna, har te kress kowa, hoi i Jehowes bachteles krella.
3. Tchatche christe hin neutral
Mer nashah i Jeses un peskre malen pal. Dikenn pal an Remarja 13:1, 5-7, un 1. Petro 2:13, 14, palle dikenn o VIDEO, un rakrenn khetne pral:
Hoske respektierah mer kol swetteskre pralstunen?
Har sikrell pes, kai krah mer kowa, hoi jon penenna?
Ap koi jek rig penenn themma, jon atchenn neutral, te della kurepen. Ap koi wawar rig bitchrenn le lenge koowa, te nai kurenn le pen. Doleske: Kaana hi jek tchatchepah neutral? Dikenn pal an Johanni 17:16, palle dikenn o VIDEO, un rakrenn khetne pral:
Kaana hi jek tchatchepah neutral?
Hoi hi, te kamenn swetteskre pralstune mendar tchomone, hoi o Dewel gar kamella? Dikenn pal an Bitchepangre 5:28, 29, palle dikenn o VIDEO, un rakrenn khetne pral:
Te della i konflikt mashkral i manushengro un i Debleskro lab: Ap hawo lab hunte shunas mer?
Djineh tu i situationa, kai hunte rikrell pes i christo gar ap kowa, hoi i swetteskri pralstuni penella?
4. Neutral — An o shero un an kowa, hoi krah
Dikenn pal an 1. Johanni 5:21, palle dikenn o VIDEO, un rakrenn khetne pral:
Hoske djas o Ayenge gar an koi Parteia dre, un hoske salutieras job gar glan i flagga?
Hoi penals tu: His kowa mishto?
Hawe wawar situatione nai krenn menge kowa phares, te atchas neutral? Dikenn o VIDEO, un rakrenn khetne pral:
Har nai atchah ninna pash sport events neutral?
Har nai atchah neutral, ninna te wirkrell pes kowa, hoi jek an i politika krella, ap mende latches oder tchilatches win?
Har nai wirkrell pes kowa ap mende win, hoi mer an i medien oder kolendar hunah, kolentsa mer khetne ham?
An hawe situatione hunte atchell i christo an peskro shero un ninna an kowa, hoi job krella, neutral?
JEK NAI PUTCHELLA: “Hi i harmenationa ninna politika?”
Hoi penals tu ap kowa?
HOI KATE PENLO WAS
Tchatche christe tchiwenn pengri soor an kowa, te atchenn le neutral an o rakepen, an o shero un ninna an kowa, hoi jon krenna.
Hoi penals tu?
Har bud hunte shunas mer ap koi pralstuni an maro them?
Hoske atchah mer neutral, te djala pral i politika un i harmenationa?
Hawe situatione nai krenn tuke kowa phares, te atchess neutral?
BUDEDER
Kate dikeh, hoi te das pre hunte, te nai atchas neutral?
Kate dikeh, hoi i familja nai krella, te nai atchell li neutral?
Kate dikeh, hoske i morsheske kowa kek sharepen hi, te djas lo peskro themeske an o kurepen.
Kate drawereh, har pes kowa ap mari budi win wirkrella, te kamah kek kotar kaja phubjatar te well.
“Hakeno hunte hidjrell peskro koowa peske kokres” (O Gardeskro Kheer, März 15, 2006)