LEKTIONA 53

Rode tuke hobbys win, ap kolende o Jehowah latches dikella

Kate nai druckreh kowa

O Jehowah hi i bachtelo un latcho Dewel (1. Timoteo 1:11). Job kamell, kai ham bachteles, te hi menge o djipen shukar, un te lah menge tsiro, te las pale newi soor. An kaja lektiona dikah, har te kras dran sawo tsiro i tsiro, hoi menge mishto hi, bacht anella, un ap hoi o Jehowah latches dikella.

1. Hoi te bistras gar, te rodah menge hobbys win?

Hoi kreh tu, te peneh: Kanna relaxerau me? Bud atchenn khere, shunenn bashepen, dikenn penge TV oder surferenn an o Internet. Wawar kamenn malentsa khetne te well, krenn khetne bashepen, djan ap o pani, oder khelenn Fußball. Hoi mer kamah te krell, hi maro koowa jaake rah, har kowa ninna an o Debleskre jaka mishto hi (Remarja 12:2). Mer hunte haiwas kowa doleske, kai an bud hobbys koowa hi, hoi o Jehowah hassrella: Jon kurenn pen, krenn wi-ladjedo oder bengeskro koowa (Dik pal an Gilja 11:5). Hoi hi menge kanna mishto, te rodas menge latche hobbys win?

Latche mala, kai kamenn i Jehowes, hin menge mishto, te djala pral mare hobbys. Har an i lektiona 48 penlo was: “Kowa, kai khetne hi kolentsa, kai gosewo hi, kowa well ninna gosewo.” Te hi jek bud kolentsa khetne, kolenge o Debleskre standards tchi molenna, “kowa well bibachtelo” (Gosewe Laba 13:20).

2. Hoske hunte dikas, har bud tsiro mer menge lah, te kras mare hobbys?

Ninna te hin mare hobbys an i Jehoweskre jaka mishto, hunte dikas mer, har bud tsiro mer menge lah, te kras mare hobbys. Hoske? Nai wals, kai nashrah bud tsiro, hoi hunte lams, te kras koowa, hoi budeder moldo hi. I bibla penell menge, te djiwas har sawe, “kai djinenna, hoi mishto hi” — ko lab sikrell menge, kai hunte kras dran maro tsiro o fetester (Dik pal an Efesarja 5:15, 16).

RODAS DUREDER

Kanna dikeh, har te djiness nai, hoi tuke latche hobbys hin.

3. Rike tut krik, te hi kowa i tchilatcho hobby

Hoske hunte rodas mer menge latche hobbys win? Te dikan o VIDEO, rakrenn khetne pral:

VIDEO: Hawe hobbys rodap me mange win? (4:39)

Hoske hi o kurepen kola Gladiatorendar emliges har bud hobbys an maro tsiro?
Hoi haiwas o Danny pral hobbys?

Dikenn pal an Remarja 12:9, un rakrenn khetne pral:

Har nai well tuke kawa verso mishto, te rodess tuke i hobby, hoi mishto hi?

Hoi hi kowa, hoi o Jehowah hassrella? Dikenn pal an Gosewe Laba 6:16, 17, un Galatarja 5:19-21, un pal hako lab, rakrenn khetne pral:

Hoi — dran kola verse — della pash kola hobbys, hoi an maro tsiro modern hi?

Har te rodess tuke hobbys win, hoi mishto hin

Kre tuke i shero pral:

Hoi? Dell kate tchomone, hoi o Jehowah hassrella?
Kaana? Tchorell kowa miro tsiro, te krap kowa, hoi budeder moldo hi un hoi te krap hunte?
Koneha? Hum me budeder kolentsa khetne, kai kamenn i Jehowes gar?

Mer te rikrah men krik, hoi bibachteles krella, ham mer gosewo. Ninna pash mare hobbys kamah mer kokres kowa te krell, hoi menge mishto hi

I ulepaskro ulrell ap koi rig, kai lo von koi berga tele perella. Tchomone o ulepaskrestar hi schon tel.

4. De jak ap tiro tsiro

Te dikan o VIDEO, rakrenn khetne pral:

VIDEO: Kones hi i kontrolla pral tiro tsiro? (2:45)

Hawi problema his ko phrales, ninna kai dikas lo kek tchilatcho koowa?

Dikenn pal an Filiparja 1:10, un rakrenn khetne pral:

Har nai well tuke ko verso mishto, te djiness, har bud tsiro tu tiro hobby deh?

5. Rode tuke hobbys win, hoi tuke mishto hin

Ninna te dell koowa, ap hoi o Jehowah tchilatches dikella, denn bud hobbys, hoi menge un an leskre jaka mishto hin. Dikenn pal an Sikepaskro 8:15, un Filiparja 4:8, un rakrenn khetne pral: