Gili 152
I kheer, hoi sharell tut
(1. Rajengro Liil 8:27; 1. Familjakro Liil 29:14)
1. Jehowah, o bolepen kral tu,
o baresta hal, mer djinah.
Tu halauter kral an gamlepen,
tiro dji mer nai bachtles krah!
I menshe, kai kate sharenn tut,
nashenn an to momli, haiwah.
Ketne mer budrah an tiro kheer,
mari soor o djiestar dar.
(BRIDGE)
Della tchi, hoi nai dams.
Hoi men hi, wella tutar.
Lauter hoi tuke dah, well
dran tiro gamlo wast.
(CHORUS)
Parkrah men pash tute, Jehowah.
I gili kamah te giwell.
Tuke well o tselo sharepen,
kawa kheer bari soor men dell.
2. I kheer hoi sharell tut, Jehowah,
kamam tuke gerne te krell.
An kau kheer hatsah mer tiro drom,
tu sikreh men hoi bachtles krell.
Mu well kawa kheer tuke swundo,
bud koowa hi kai, hoi mer krah.
To tchawestar kawa budi lam,
Maro dji, mari soor mer dah.
(BRIDGE)
Maro fetester dah,
hoi men hi, dah mer tuke.
Kokres tu, tu hal moldo,
tu dal o latchepen.
(CHORUS)
Parkrah men pash tute, Jehowah.
I gili kamah te giwell.
Tuke well o tselo sharepen,
kawa kheer bari soor men dell.