Informatione kolenge, kai wenna

ORDNER I Ordnarja hin koi, te helfrenn le tuke. Mangah tumen, budren lentsa mishto khetne, te djala pral, kai te parkres tiro auto, te wenn bud menshe khetne, te reserviere platze, un ninna an wawar themre.

PANJESKRI CEREMONIA Platze kolenge kai mukenn pen te taufrell hin an i bari halla, an i glanstune reiha reservieremen, oder tumer lenn wawar anweisunge. Kola kai mukenn pen te taufrell, hunte beshen ap o samstago kote, bevor o rakepen für i Panjeskri Ceremonia los djala. Hakeno hunte anell peske i handtucha un ninna anripaske peh, kai für koja molde Ceremonia latches hi.

TE KAMEH LOWE TE DELL Lowe un ninna vorkehrunge hunte wajan kerdo, te nai organisieram latche beshepangre, i sound system, video equipment, un bud wawar koowa, te nai well men i shukar kongressa, kai menge helfrella te was näheda pash i Jehoweste. Tire lowe, hoi tu o djiestar deh, krenna te well lauter plaisskedo un ninna te well lauter hoi ap o tselo swetto kerdo wella unterstützemen. Te well tuke kowa gar phares, an i tsele halla, hatseh tu boxe kai nai tchiweh i lowe dren. Te hi tuke möglich, mangah tut, te kress kowa online ap donate.jw.org. Lautreske hoi dino wella, ham o djiestar parkedes. I Pralstune Sikepangre kamenn o djiestar allautrenge te penell, har parkedes jon hin, hakeneske kai o Debleskro Them unterstützrell.

ERSTE HILFE Mangah tut, kowa hi kokres te hi tut i notfall.

TE NASHRAL TCHOMONE Te hatseh tu tchomone, un tu djineh gar konestar kowa hi, mangah tut, an kowa an i abteilunga Fundbüro. Te nashral tu tchomone, djah an koja abteilunga un dik, ob te hatseh les koi. Ninna tikne tchawe, kai i eltrendar krik nashan, hunte wenn ninna koi hin anlo. Te well kekes sorge un ninna stressa, mangah tumen, den garda ap tumare tikne tchawe un rikren len pash tumende.

BESHEPANGRE Mangah tut, ab latches ap wawarende. Reserviere kokres tire familjake, kolenge kai tuha an o auto fahran, kai tu khetne djiweh, ninna kolenge kai tuha i biblakro kurso krenn. Mangah tut, ma tchip tchomone ap i platza, kai tu gar reserviere.

TE KAMEH TE HELFRELL Te kameh tu ap i Regionaltiki Kongressa te helfrell, mangah tut, informiere i abteilunga Freiwilligen Dienst.

Organisieremen von i Pralstune Sikepangre i Jehoweskre Rakepangrendar