GILI 139
Hoi tu dikeh, te hi hallauter newes
(Debleskro tsiro 21:1-5)
1. Dikh ap tute, ap mande dikh:
Ko phuro swetto o Dewel las krik.
Kek suni hi, hoi mer dikah,
i tchatcho djipen mer nai djiwah.
Tchilatchepen dell bude gar,
o beng hi stilldo un mer haiwah:
O Dewel dell djipen, i soor pale was.
An gilja penah mer,
hoi maro Dewel kras.
(REFRAIN)
“Pash tute, Jehowah, mer men barkrah!
Tiro tchawestar o latchepen lah.
I phub well newes gerdes un kote atchah.
Ap tute, Jehowah, dikah un tut sharah!”
2. Dikh ap tute, ap mande dikh:
Tchilatchepen an o swetto hi krik.
Kek dji dukell, o Dewel lell
i tseli traash, job kai tel atchell.
Hallauter hi, ha job penas:
Pral mende job leskro kher tchiwas.
Ap mende o ropen atchell, te dikah:
I muhle djangrenn, mer len
an i mussi lah!
(REFRAIN)
“Pash tute, Jehowah, mer men barkrah!
Tiro tchawestar o latchepen lah.
I phub well newes gerdes un kote atchah.
Ap tute, Jehowah, dikah un tut sharah!”
(Dikh ninna an Gilja 37:10, 11; Jesajah 65:17; Johanni 5:28; 2. Petro 3:13)